|
MONOGRAFIA dedicata a: Franco Ligi, romano con vetuste radici urbinati
Nota. Alcune poesie di Franco Ligi, sempre in romanesco e dedicate ad Urbino, sono state già pubblicate nel 2002 in questo sito web nella sezione "Scrittori:grandi e piccoli", poi un altro gruppo di poesie furono pubblicate nell'Agenda 2012 dell' XI Concorso di poesia dialettale "Renzo De Scrilli" ed ora con l'invio di nuove poesie per la parte antologica dell'Agenda 2014 del XIII Concorso sopradetto, si è pensato di riunire tutti i documenti ricevuti in una Raccolta Monografica.
(Clicca qui per accedere alla Monografia)
|
|
(Clicca qui per accedere alla Monografia)
|
||||
|
MONOGRAFIA dedicata a: Francesco Saverio Gianotti urbinate residente in Perugia |
Il Gianotti invia per l'inclusione nella parte antologica tre scritti: - Autopresentasion: aggiornamento agli anni 90 della propria biografia. - Mi' padre: aggiornamento in rima della biografia paterna - L'insalata de campagna: aggiornamento in rima della biografia materna
Anche qui si è fatta una Raccolta Monografica dedicata al Gianotti riunendo questi nuovi scritti ai vari documenti inviati per la Parte Antologica delle precedenti pubblicazioni degli atti del Concorso "Renzo De Scrilli". Le precedenti pubblicazioni del Gianotti in V'l'arcont in dialett sono:
- Vol 10 -Agenda
2011 "Spirell del vigulin" - Vol 12 -Agenda 2013 "Na glupp de temp..."
(Clicca qui per accedere alla Monografia)
|
|
||||
|
Anna Rita Ambrogiani
|
All'ampia produzione poetico-dialettale dell'Ambrogiani sono stati aggiunti i seguenti titoli:
(Clicca
sulle singole voci per vederne il contenuto) |
|
||||
|
|
Alla consistente produzione poetico-dialettale dell'Anonimo (pseudomini: LUDIUS o COROSEDUTO) sono stati aggiunti i seguenti titoli:
(Clicca
sulle singole voci per vederne il contenuto) |
|
||||
|
ANNA RITA AMBROGIANI
di Anna Rita Ambrogiani Urbino, 5 Novembre 2012
Ognun sa 'l su' carrich, ognun sa '1 su' pés s'ne va per la contrada a spalle ben ben tés.
La fatiga ch'en se fa... Prima o poi... da qualca part s'arivarà ! T'un qualch paés...
E' 'na robba d'acsè asurda, è 'na robba ch'en s'vria creda, mo tanti... èn armasti per la strada.
Tanti n'ho lasciat, n'ho pers... e te chiedi qual è el sens: tun 'sta strada poca dritta e che spess va só in salitta, du' caminam finch' va gió el sol, sa le gioie e sa i dolor, armanend sempre piò sol...
Tanti, in qualch mod, pó i artrovam e ne trovam anca de novi, qualcun che un po' ce consoli t'i dolor e t'i malann e condivida sa nó le gioie in t'j ann.
E cosé continuam el viagg sempre in cerca de atre spiagg, in discesa e in salitta fin a che en è propi fnitta, fin a che en è sces la sera... Fin alora ...ognun de nó spera !
di Anna Rita Ambrogiani Urbino, 11 Agosto 2013
El dotór è com el pret devi dij tutt'i segret, mo ma'l pret pu dij c'arvedrem... del dotór en pu fè d'men, se te chiappa 'na botta d'dolor per non atrovatt dal Creator.
A chel punt, se ce credet, avet bsogn anca del pret !
Anna Rita Ambrogiani Urbino, 27 Marzo 2013
Te dicevne: "Tocca avé un scop t'la vitta fin a che en è propi fnitta !" E alla fin... armani sa 'n pesstin de aria fritta !
Mo... vaggh avanti in pompa magna tant l'aria fritta en se magna ! Vaggh avanti ogni moment, l'aria fritta è soltant vent, gnent c'avev e gnent c'ho e cosé ce provarò. Vaggh avanti e tengh dur anca se c'èn le fregatur. Vaggh avanti a ogni cost, piò che el fum... cercand l'arost. Vaggh avanti da incoscent e alla fin... en ce perd gnent !
Verament, pò io, c'n'avria, e anca piò d'un, di scop... cerch da ragiungi a poch a poch, e, sa tenacia e sa pasion, pian pian arivne... anca le sodisfasion !
Anna Maria Ambrogiani Urbino, 10 Aprile 2013
Esplosion de primavera, esplosion de color, che t'ariva fin al cor: rosa, bianch, viola, giall... in t'el verd de prat, camp e vall.
Esplosion de color, esplosion de primavera, per chi in tutt el mond spera t'el rinov de l'illusion...
El risveglie d'la natura in t'la terra, acqua e cel, è esplosion de primavera, che va a scioja tutt el gel.
di Anna Rita Ambrogiani Urbino, 4 Luglio 2013
Te veggh t'el cel azurr che sfuma a l'orizont, te veggh in t'el tramont del sol che cala dietra al mont, te veggh in t'l'acqua chiara che scorr d'in sotta al pont, te veggh in mezz al verd d'l'erba ch' fa da sfond. Te sent in t' l'aria fresca ch' me sfiora pian la front.
LUDIUS o COROSEDUTO (Anonimo)
di Ludius (Anonimo)
Un giorne ch'er sdraiat e 'n facev nient, per la ciafagna e 'l cald apicicos, ho chius i occh per cerchè dentra la ment calcosa de simpatich e grasios
ch'me dassa, per lo men per un moment, un po' d' soliev, vist ch' en trovav ripos: cercav insomma 'n pensier, un sentiment com 'na piuma, leger e vaporos.
Ho pensat ma 'n tramont sa 'n ciel seren, ma 'n lagh d' montagna, pó ma 'n fior ch' pian sboccia, ma 'n prat de ap e de farfall tutt pien,
ma 'na fila d' pulcin dietra 'na chioccia: mo me so' acort che gnent me giva ben, dacsé ho decis, so gitt a fè 'na doccia !
di Ludius (Anonimo)
'Na volta, me par vers el carneval, (el giorne pro en m'l'arcord piò de precis), fora da la finestra un frull de al ho sentit sbatta fort a l'improvis.
Era 'n uc'lin che, sopra 'l davansal, intirisit e spers, s'era decis d'fermass malé, ch'sentiva 'n fredd bestial: acsé j ho apert, tla faccia 'n gran soris,
pró lo impaurit, ha arpres subbit el vol. Alora ho sparpajat un po' de pan e so' gitt via, in mod ch'restassa sol.
Dop un po' è arnutt: l'avria chiapat tle man per dài calor, com s' fossa i' el su sol. Lo un po' ha becat e po è arfugitt, lontan.
di Ludius (Anonimo)
Se spegn el giorne ch' mor dentra 'l tramont, sfumand e trasformandse tun mister. El sguard se alsa intorne, ti camp sensa i color, vers i sentier ch'aspettne el scur ch'se spand so vers i mont, sensa rumor: fora da le paur, tel paesagg sospes, chiara c'è sol la luna ch'fa luc per rischiarè tutt i pensier. El mond se perd e dorm, sa le su mille form che 'l silensi perfett pian pian arduna in t'una sola, sensa piò sorpres. Dentra sta quiet se sent sol, ogni tant, el vent in ti capej, leger com 'na caressa, ch' fa sentì propri com un vria essa: sembra ch' la porta lo la nott ch' avansa, e fa nascia tel cor un sentiment ch' consola e ma la pac i dà sostansa.
di Ludius (Anonimo)
I c' ho 'na certa età, da 'n pess so' ti "anta", e acsè m' arcord tant robb ch' en c' enn piò adess: in gir d' miseria alora c' n' era tanta dentra le cas sens' acqua e sensa cess. La gent s' dava da fè per sopraviva sa'l poch ch' c' aveva, sensa tant pretes, che 'l poch che piò d' na volta purtropp fniva prima d' potè arivè a la fin del mes . Mo anca chi c'aveva poch o gnent, tun ogni situasion s' sforsava d' essa, per quel ch' poteva, anca 'n po' content, dand un bel calc tel cul ma la tristessa ! Giò per le strad el traffic era poch, tutt le piasett e tutti i vigulin erne pieni d' bordei che sa i lor gioch facevne, giorne e sera, un gran casin ! E vers mesgiorne spess da 'na finestra qualcun giò vers el fiol ch' giocava ancora: "Oh, Gigi, dài vien so che la minestra maché tel piatt è 'n pess ormai ch' se sciora !". C' è chi l' arcordarà cert mej de me cle gioie, chi dulor e tutt chi afann, anca se già è pasat - sa ce vlet fè - da chel period un bel scrull de ann ! Qualcun cert provarà 'n po' d' nostalgia, qualcun atre dirà ch' è mej adess: el mond è giust ch' va avanti, sia quel ch' sia, e ste gì avanti el chiamen el "progress". Va ben dacsè, per forsa o per amor, tutt quel ch' è nov darà cert i su' frutt, pro lasciatme un pensier ch' me vien dal cor: sarà, mo i' en so' convint del tutt !
di Ludius (Anonimo)
C' ho 'n strat d' erba per lett sotta la schiena maché tla S'ciana, tun sta nott d' estat: Urbin s' ved da lontan, a malapena, mentre el ciel, sopra d' me, è tutt stelat.
Stanott è calda, sensa vent, serena, piena d' magia, com tun mond fatat: la natura dintorne par sol piena del cant di grill ch' se sent per tutt el prat.
So' sol tun st' ora persa dentra 'l scur, so' sol tun ste silensi ch' me circonda, ch' me leva per un po' tutt le paur:
te 'l cor adess sent sol 'na pac profonda piò d' l'univers che sopra, com un mur, dietra el su gran mister par ch' me nasconda.
di Ludius (Anonimo)
S' bastassa el sol pensatt per rendte vera, se 'l di' de te soltant t' facessa viva, per el mi cor, che de sperè piò en spera se non tun gel ch' da te sempre i ariva,
el di' e 'l pensè, per tutt la vitta intera sarien un gran soliev: e in tuna estiva bella stagion se cambiaria la nera nott infinitta che d' la luc è schiva.
Mo el sogn è inuttil, com 'na fantasia ch'se regg tel nient e vers el nient se porta, ch'la tua asensa fa nascia tel cor mia.
Ogni intension è persa, svoida, morta, e 'l cor patisc, com t'na lunga agonia: la pena è eterna, la speransa è corta.
|