J OCCHJ DE MI' MADRE

(El soris in t' j occhj)

Seganalata 2010 e Pubblicata in Agenda 2011

J occhj de mi' madre

èn neri

bei, profondi, sinceri,

alegri, tristi,

dolorosi e vispi.

'Na luc particolar

ch'en è mai ugual;

la luc dl'intelligensa,

del bon sens e pasiensa.

D'i occhj ch' hann vist la guerra

e ch'hann sapat la terra,

ch'hann guardat t'el profond

le robb ch'fann part del mond,

che se scordne d'le pén

quant vegghne el cel seren.

Che quant guardne ma te...

c'è tutt quell ch'ce pol stè.

La poesia è stata ritenuta meritevole di segnalazione con la seguente motivazione:

In modo semplice e diretto, l'autrice rende omaggio allo sguardo materno, mutevole come la vita, ma sempre illuminato dalla luce dell'intelligenza, sorriso degli occhi, che dice più delle parole. Grazie a rime e assonanze, con ritmo ben cadenzato da immagini a contrasto, il breve testo restituisce una biografia: l'identità, l'animo di una donna, la sua forza ammirevole.

<INIZIO PAGINA>

LA FORESTA PIETRIFICATA

(La nott d'la Befana)

Presentata 2010 - Pubblicata in Agenda 2011

La nott ha nevicat,

la matina ha piovutt,

mo la nev

è dventata gel;

pian pianin

è dventat tutt trin.

È un paesagg da fiaba

sembra fatt da 'na fata,

'na foresta incantata, ferma,

solenn, pietrificata.

È 'l gel dla Befana

che stanott regna sovrana.

È magia, sogn e stupor

che s'incontra sa l'umor.

Tutt el gel ch' c'è dentra el cor,

de sta vitta fatigosa,

te se stregn dentra ogni cosa.

Bianch el cel, bianca la terra,

tutt è chius in t'la nebbia.

S'è fatt nott.

È acsé incredibbil,

che te sembra tutt posibbil...

Ecco, ariva la Befana

da chisà che tramontana;

'n attim

gira tra le piant,

un balen

t'la su' scopa volant.

La su' nott, el su' ambient,

s'en ce credi en t' porta gnent.

Se ce credi anca un pochin,

el vedrè sotta el camin...

È 'na nott de magia

che pian pian te porta via

in t'le al dla fantasia

e ardventi un po' pcin,

quant el mond era pió blin.

<INIZIO PAGINA>

NEBBIOLINA

Segnalata - XI Concorso 2011

E' nutta so pianin

sta nebiulina

da vers Urbin.

I color caldi de albre e prat

pianin pianin ha abraciat.

Sembra guasi un mond a part

sopra 'l tapét de foj mort:

i rumor dla campagna e del mond

èn diluitti, legeri ...

i senti d'long.

Qualch' uc'lin, i caciator,

el gall, la campana,

le machin e i motor

... lontan.

sta nebbia è protesion,

abraccia la stagion,

l'autunn ch' s'ne va,

la nev che pó cadrà,

el cor pien de tristessa

tun sta vitta dimessa.

Mo ecco arfiltra el sol

artornen i rumor,

arvienn la vitta d'prima,

è statt un moment sol.

Motivazione della Segnalazione:

I versi che si alternano ineguali, narrano con parole semplici e quasi senza aggettivazione, la tristezza di un momento che trova rispondenza nella lieve nebbia che salendo pian piano avvolge la città, smorza i colori della Natura e attutisce i rumori della vita che scorre. E’, però, solo un momento: il sole riporta all’autrice la serenità.

<INIZIO PAGINA>

DU NID

Urbino, 7 Dicembre 2010

Presentata a XI Concorso 2011

Apre la finestra

e veggh du nid

in t'l'acer e t'l'acacc,

propi maché vicin.

Ormai en c'ènn pió foj,

se vegghne ben,

i rest de du bei nid

intreciat cum s'dev.

Qualcun che s'è involat ...

chisà in che part del mond è capitat?

Opur, magari, gira per sti camp

e se posa ancora propri in tun ste piant!

Arfarànn el nid maché st'altr'ann,

sa i lor gorghegg c'alieterann

o t'la pansa d'i mi gatt ... fnirann?

<INIZIO PAGINA>

FORA DAL MOND

Urbino, 25 Aprile 2011

Presentata a XI Concorso 2011

M'afacc' ma la finestra

e guasi tocch i ram

e le foj d'j acer montan.

Più in là è tutta nebbia

che fa mur per camp e grepp,

se ved a malapena chel boschett.

Fora dal mond, par, isolament,

sembra che oltre a quest

en ce sia gnent.

E pens che qualca volta c'vól

da stè cosé racolt, un po' da sol,

anca se poch più in là

c'è un pó d' rumor ...

E' sovrastat tutt dal cant legér d'j ucell

in tun sta matinata d' temp poch bell.

Per ogg me piac a stè d'acsé racolta,

ma ste mond matt j voj chiuda la porta.

Dman, sigur, attornerà el seren

e tel mond matt de nov ce trovarem.

<INIZIO PAGINA>

ME PIAC'RIA

di Anna Rita Ambrogiani  Urbino, 14 Marzo 2011

 Presentata XI Concorso 2011

Me piaceria

che qualcun publicassa la mi' poesia,

gnent a che fè sa Dant

mo pró me piaceria,

me piaceria tant.

Le poesie en vann tnutte per sè,

mo vann divis sa ch'j atre,

i' pens d'acsé.

I' scriv dla vitta,

quel ch'sucéd e vienn,

e spess butt gió

ch'el cor pió en ne tienn:

dle robb de ch'j atre, mia,

del cas, quel ch'sia.

E alora cerch 'na matita, un fojarin

per ferme sti mi' pensierin.

Perchè...

Te vienn a l'improvis,

dai, mett gió,

si no dopp en t'arcordi pió,

un pesstin d'carta, 'na penna o 'na matita,

te vienn acsé

en è 'na gran fatiga.

Qualca volta un po' c'arlavor,

le sistem mej,

mo gambien poch,

i pensier èn quei.

Vria studiè mej la metrica, le rim...

mo ancora en so' riuscitta,

el temp è pcin.

La pasión per el dialett

l'ho sempre avutta,

pó un giorne ho cminciat

e cosé ... ho continuât.

M'è nutt per schers

e pó c'ho prés gust

a butè gió qualch vers.

All'inissi, en avria mai pensât

da scriva 'na poesia,

sopratutt in dialett,

e invec me so' messa

a arcontè la mia ...

Per me è acsé,

en vaggh cercand atre,

se valne gnent...

el giudicarann ch'j atre.

Me piaceria...

mo da 'na part me diggh 'en ce sperè

perché magari tutti el vrijne fè.

En è question de sold,

servne anca quei,

e se qualcó ariva è sempre mej,

mo el motiv è divers:

è 'na pasión, un sogn,

en è temp pers.

<INIZIO PAGINA>

'NA RISATA

Urbino, 16 Settembre 2010

Presentata a XI Concorso 2011

Te risolv tutt'i dolor

(tel moment)

guasi guasi, anca el ma 'l de dent.

'Na risata contienn tutt,

fa pasè i moment brutt.

C'è la pac', l'amor,

c'è tutt dentra lia,

c'ènn i sogn, la fantasia,

c'è la gent,

per un moment...

c'è l'alegria!

I sfondón, le bagianat...

sol le person j'hann inventât.

E' propria dla rassa mia

e per gnent al mond la perderia !!

<INIZIO PAGINA>

SPERANSA

Urbino, 14 Marzo 2011

Presentata a XI Concorso 2011

Un barlum, un pensier

che se snoda tel cel.

Una luc, una scia,

un azurr più profond

per i dolori del mond.

E la senti, la vedi

e guasi en ce credi;

e la vedi, la senti,

in balìa d'i venti.

In tel mezz, de front,

chiappa tutt l'orizont,

tutt' el cel chiappa già

l'urle dl'umanità.

Sé è urle, è dolor,

mo è qualcó ch'vien dal cor,

de chi cerca d'gambiè

ste mond ardott d'acsé.

E' speransa ...

e non sia soltant utopia.

<INIZIO PAGINA>

UN VECCHJ A L'OSPEDAL

Urbino, 1 Agosto 2011

Presentata a XI Concorso 2011

Pulitt o sporch vè avanti li stess,

el corp è 'n involucr, en conti pió un cass.

E te par ch' pensne: "Sa pretendi da no?"

Magari per lor è campat già de pió ...

O Dio dla Speransa te chied du' è che stè

se vedi tel mond d'acsé a tribolè.

Maché, dapertutt maquasó t'l'Ospedal

dovunque te giri è tutt un gran mal.

La vitta che fugg t'arporta da cap.

E' tutt un mister dal giorne ch'si' nat.

<INIZIO PAGINA>

Cavall d'argent

di Anna Rita Ambrogiani  (Urbino, 30 Agosto 2012)

2° Premio XII CONCORSO 2012

Corr cavall bianch

sa la criniera al vent,

in t'un mond sensa temp.

Corr estat e inverne

lungh i camin eterne.

Corr in mezz al vent,

sa '1 tu bell mant d' argent.

Corr, vienn fin maché,

mo en te lascè domè.

Arpart, archiappa el vent,

te voj veda argì via

lontan in tun moment

.. aspetand d'arvedte

t'una folata d'vent.

Lascia 'na traccia legera

com' el vol d'un sogn,

perché de quest c'è bsogn;

el sogn ch'en s'imbriglia

e 'n s'imprigiona

e viv dai temp d'i temp

liber..

tun ogni persona.

MOTIVAZIONE: Elogio del sogno nella figura metaforica del cavallo libero e indomito, ospite ritornante nel cuore di ognuno. Fra rime, assonanze, anafore, i versi galoppano con ritmo armonioso, dando piena espressione alla sensibilità dell’autrice.

<INIZIO PAGINA>

Io e la farfalla

di Anna Rita Ambrogiani  (Urbino, 17 giugno 2012)

Presentata al XII Concorso 2012

Davanti a casa mia

in t'la campagna,

gind de fretta

ho rischiat da scontramm

sa 'na farfalla:

bella, grand' e bianca.

Lia giva per la su' strada,

i' per la mia..

Era 'na strada

da " 'na botta" e via..

Avem deviat,

se no, stava pegg lia..!

E' statt un moment sol,

mo ce sem capitte "al vol".

<INIZIO PAGINA>

Poesia de Natal

di Anna Rita Ambrogiani  (Urbino, 25 Dicembre 2011)

Presentata al XII Concorso 2012

Per 'ste Natal

vria regalè ma tutti 'na poesia,

j vria metta le ale com ma un sogn,

perché pudessa gì ma du' c'è bsogn.

'Na poesia scritta da me,

mo en so sigura se la saprò fè.

'Na poesia alla fin en costa gnent,

magari po' aiutè ma un po' de gent.

Ispirime te da malasó o babìn mia

che si mort de vechiaia e malatia.

Aiutme te, 'ste giorne de Natal

che da malasó i vedi tutti 'i mal.

'Na poesia adatta per ciascun

second la vitta e i bsogn de ognun..

'Na poesia ch' facessa el gir del mond

per aiutè ma chi ha tocat el fond,

e anca ma chi ancora en l'ha tocat,

per fall sentì un po' piò solevat.

Per chi tun 'sta vitta en ne pòl pió

e fa 'na gran fatiga a artirass só.

Per chi sta ben e sopratutt per chi sta mal,

per pudè tirai só un po' el moral.

Per chi è lasciat sol, scordat.

Per chi se sent un po' tropp afaticat.

Per chi soffre la guerra, el fredd, la fam

e manch en c'è nisciun a daj 'na man.

Mo..

'na poesia lieta,

legera cum la seta,

ch'ariva in ti angolin;

per chi grand e per chi pcin.

Anca per chi è innamorat, felic, content

e j par d'en avé bsogn propi de gnent.

… Mo cala gió, artorna t'el tu' pcin,

che 'ste dialett.. el cnoscne sol a Urbin.

<INIZIO PAGINA>

Quell che vria...

di Anna Rita Ambrogiani  (Urbino, 29 Agosto 2012)

Presentata al XII Concorso 2012

E' 'na vitta frettolosa:

tutti a corra estat e inverne

com s'dovessne campè in eterne.

Mej a fermass a guardè 'na foja,

mej a fermass a guardè un fior,

quant'è ora ugual se mór.

Corra e corra per 'sa fè,

no, 'sta vitta en è per me.

Voj fermamm, voj un po' d'pac,

quella d' maché.. no quant se giac !

Voj fè un po' piò quell che me piac.

Voj rifletta, voj sognè,

voj un po' piò d' temp per me.

Voj un po' piò d' temp.. per te.

Sé, voj sognè, voj volè via,

pò artrovè la strada mia.

E insiem girem avanti

per i mari, monti e campi.

Insiem.. guardand el cel,

come ogg' e come ier..

Continuè..

sa la speransa..

che le robb possne gambiè.

<INIZIO PAGINA>

LE FROND

Senalata al XII Concorso 2013

S'movne le frond

el vent, vent de tempesta,

s'movne,

le veggh malé

dopp la fimestra.

Un mormorì somess,

un sbatiment

sembra che digghne:

"Se vien el pegg

en s'j fa gnent".

Forsi è cosé,
mo io m'agrapp
ma la speransa,
anca se la tempesta

par ch'avansa.

S’movne le frond,
dansen t'el vent,
sfersne la vitta
cum fossa gnent

Motivazione della Segnalazione: Con ritmo piano, cadenzato da anafore, l'autrice ci rende partecipi di uno sguardo che oscillo fra immagine di natura e ricerca interiore, destino e speranza (Germana Duca Ruggeri).

CANT E PAROLE, DOMANO E RISPOSTE VECCHIE E NOVE

di Anna Rita Ambrogiani      "Un vol de parol"

Segnalata al Concorso 2014
 

El cel è ters,
azurr profond,
l'aria è serena
in tun 'sta part de mond.
Maché d'intorne j uc'lin cantne
e nó pensam...
ma tutt le robb ch'ce manchne.

Provam a stè a sentì
e non pensè gnent,
provam a goda un po'
de ’ste moment.

El cant d'un uc'lin
te dà la forsa
per gì avanti
in tun ’st'inersia,
pertrovè ancora le parol

fredde o scaldate sott'al sol,
solide e ferme
opur butate al vent
in tun ’ste mond
e in tun ’ste temp.

Com un vol de parole d'ogni gent
che s'alsa pian e sparg al vent
le domand e risposte d'ogni temp...
Mo prima o poi el vent le troverà
e com un don de nov le porterà,
sa 'n'aria legerina o sa ’n lament
ancora in tun 'ste mond
e in tun 'ste temp.
De nov un vent legér le porterà
ma chi sarà malé e se chiederà.

Mo prima o poi qualcun le troverà
e com un don de nov le porterà,
sa 'n'aria legerina o sa 'n lament
ancora in tun 'ste mond
e in tun 'ste temp.
De nov sa 'n vent legér le porterà
ma chi sarà malé e le aspetterà.

E prima o poi qualcun j artroverà
e com un don de nov le porterà,
sa 'n'aria legerina o sa 'n lament
ancora in tun 'ste mond
e 'n'antre temp.
De nov sa 'n vent legér le porterà
ma chi sarà malé e le cojerà.
Sarem...
t'un 'n'antre temp
e 'n'antra età

Motivazione della Segnalazione: L'autrice con un periodare lieve e le tre strofe finali che si ripetono quasi identiche e danno l'idea di un canto, ci dice che dobbiamo godere delle cose che abbiamo come fanno gli uccelli, che non dobbiamo pensare a quello che non abbiamo, soprattutto pensando a chi sta peggio di noi. Dobbiamo poi essere lieti di porci domande e darci risposte che il vento porterà lontano e ci riporterà arricchite di altre domande e altre risposte in "natre temp e n'antra età".