HOME Concorso 2

II°  Concorso  1999:

Tutti i Lavori Presentati a Concorso

I stupacc

di  Daniele  Ambrogiani

Tanti ann fa quand er pió pcin

quand sem 'nutti a stè in Urbin

dal teras de casa mia

quardav sempre gió t'la via.

C'erne tanti giovanott

ch' tutti i giorne fin 'le ott

s' divertivne a sufiè

t'un tub d' plastica per giuchè.

Preparavne pian pianin

di foj d' carta a strisciulin

ch' messi in t'una situasion

erne tante munision.

Quand avevne fatt la scorta

canna longa o canna corta

 n' infilavne un bel pestin

in t'el bugh del tubicin.

S' dividevne in do' tre squadre

con se gioca a guardia e ladre

s' nascondevne dapertutt

e sufiavne gió de brutt.

Un bel giorne incuriositt

en riusciv propri a stè sitt

dal teras prima de sera

i ho dmandat che roba era.

Me rispond un ragason

ch' pien de foj avea i calson

"fiulin mia se' mess malacc,

 questa è la canna sa i stupacc".

 INIZIO PAGINA

per un pestin de pan

di  Daniele  Ambrogiani

Era sera vers le sett

e del pan en c' n'era 'n ett

e mi madre “Danielin

va a cumpranne un cuncinin”.

Gió de corsa per le scal

stand atent de non famm mal

t'el garage de tutta fretta

per chiapè la bicicletta.

Tutt sparat com un danat

ch' parev el diavle "asatanat"

salla bici fori us

mo el negossi era già chius.

Girò a veda anca de là

sarà apert forse chissà

e via 'n antra pedalata

mo el problema è la frenata.

Quand ariv ma'l Piansever

propri en me pareva el ver

d'veda la butega aperta

mo la sfiga era alerta.

Per fermè la bicicletta

só sa'l pied in tutta fretta

a calsè t'el cuperton

per fermè la situasion.

Mo t' la strada 'sa me trov?

un tumbin propri nov nov

quindi  el centre in t'un moment

dio ch'i venqa 'n accident.

Facc un salt t'el mezz d'la via

quand el pied me scappa via

'na saracca contra el mur

vagg a dè propri a mus dur.

Dopp la botta er tutt un pess

quindi guard 'sa m' è sucess

tocch in gir daggh 'na tastata

c' ho la mana insanquinata.

Chel murett ch' era fatt d' nov

en aveva avut tant prov

e t'un spigol propri aguss

un gran tai sotta el barbuss.

Tra la gent che me guardava

tutt chel sangue ch' me pisciava

sensa fè tanti discors

m' hann purtat al pront socors.

Quattre punt com 'na righetta

m'hann schiafat in tutta fretta

du' garzin a mono us

m'hann tacat da pied al mus.

Fnitta la medicasion

m'hann fatt anca 'n inision

per co' era en i ho dmandat

e de corsa so' scapat.

Quand a casa so' artornat

erne tutti un po' incasat

a magnè vlevne 'cmincè

aspetavne sol ma me.

Sa quel ch' m' era capitat

el pan en l'avev cumprat

quand hann vist c'la fasciatura

m'hann mostrat un po' d' premura.

Dop spiegat la situasion

ho armediat anca 'n schiafon

perchè io per fè pió in fretta

avev pres la bicicletta.

"T' avev dett d' lascialla stè

perchè ancora è d' arcmidè

e sicom me fatt stè in pena

va t'el lett e sensa cena".

In t'el lett com un torment

i pensier m' arnivne in ment

e 'sta brutta situasion

me servitta da lesion.

 INIZIO PAGINA

LA  MI'  GATTA  E  I  SU'  UCC'LIN

di Elio Bacchielli   (20 aprile 1996)

Dopp el gràssie ch' digg de cor

la matina m'al Signor

per la nott ch' m'ha fatt passè

e el bon giorne da c'mincè,

facc anch' i' 'na bona asion

per la moi, la colasion.

Subit dopp un pensierin

t'le terrass per tutt i ucc'lin,

e prepar sa le mi man

le mulicch del nostre pan:

lor aspettne sopra i tett

l'ora quand i' m'als dal lett.

È da tant ch'me sò pentit

per tutt quei ch'ho mess t'el spit

per tant temp in t'la mi vitta,

per fortuna adess è f'nitta.

E dacsé i' sò content

del mi bon comportament

e c'minc' ben la mi giornata

a bon fin indirissata.

La Lucia, la mi gatta,

quand i véd è come matta

t'le terrass a saltellè

ch'en sa pió 'sa ch'ha da fè.

Trema tutta, è in gran tension

presa da tanta emosion,

punta come fann i gatt

tutta pronta per fè un scatt.

Dietra i vetre aspetta l'ora

ma i ucc'lett da veda fora

è pió fort tutt quest de lìa

ch'en c'è mod che vagga via.

Èn puntual i passerott

lor ariven tutt de chiopp

e se metten a magnè

le mulicch ch'ho méss ma lé.

Basta un piccol moviment

volen via come el vent.

Quand invec a pissichè

è un fiulin a capitè

è pió docil, men spauritt,

t'la cucina entra dritt

e se fa avvicinè

da qualcun che'l sta a guardè.

Oltre ai solit passerott

ogni tant vien qualch sclichiott

e po' anca i petrossin,

pió tranquilli, i cari ucc'lin.

p'cion bianchi insiem sa i merli

un spettacol a vederli

come pur le tortorelle

che elegansa, com en belle,

tutt vestit del lor piumagg

sa i colori come a magg

quando sboccen tanti fior

creature del Signor.

E po' adess le rondinelle

èn 'na mucchia anca quelle

sa i lor strid, oltre ai voltegg

fan sentì un gran solfegg.

Sotta i tett d'le mi terrass

fan la cova per i rass

preparata con onor

che lesion, ce dann, d'amor.

 INIZIO PAGINA

LA MI΄URBIN

di Elio Bacchielli  (Settembre 1995)

Quand arveng e m'avvicin

e d'un tratt i' vegg Urbin

t'el mi cor i' sent qualcosa

com quand giv dalla morosa.

Quand vagg só per le Cesan

e te vedo da lontan

te m'appari maestosa

com 'na sposa prosperosa

e ammir el tu profil

i palass e i campanil.

Quand te guard dai Cappuccin

la vision dei torricin

è il castello d'una fata

com sospés in t'la vallata,

già dimora principesca

della Gens montefeltresca.

Tutt è magic e fatal

incantevol, ideal,

pien de grasia e de malìa

te riscoti simpatia.

El color di tu madon

cald, ambrat, dona emosion

le scalett, i arch, i portal

le colonn rinascimental,

l'Ateneo, l'architettura

in t΄la cinta d'le tu mura,

S. Francesch, S. Agostin

sa tutt c'l'atre chiés d'Urbin

el tu Dom e palass ducal

ch'en s'ne trova un ugual,

la tu art e la cultura

ineguagliabile pittura.

I tesori del museo, i torrion

sa le piass e i canton

po' le Vign e la fortessa

lor accreschen la bellessa.

Anca i mont te fann corona

e tutt quest tanto te dona,

dann un ton al paesagg

che appar com un miragg.

Vengh΄ne a te da tutt el mond

pr'ammirè in t'el profond

el tu fascin e la storia

le bellesse e la gloria,

le memorie ch'è lasciat

a ricord del passat,

el tu geni, el tu talent

che non ha l'equivalent.

Raffael pittor divino

è 'na gran gloria d'Urbino,

de Fedric e de Bramant

le virtù en state tant,

c'è Martini sa Laurana

du' architett de grande fama

con Barocci e Brandani

e in aggiunta Papa Albani,

grande è Piero d'la Francesca

sa i su' quadre e le su' gesta.

Altri nom hann onorat

anca se en i ho nominat,

hann portat la civiltà

all'Italia e alla città.

I lor bust a Pian del Mont

l'un all'altre stann de front,

messi intorne a Raffael

in ricordo de tutt quel

che lor hann realisat

e al mondo hann donat.

  INIZIO PAGINA

UN RICORD

di  Bramante  Busignani

L'odor d'un lilla' ch' niva só dal giardin

m'arportat sa la ment luntan

m'arportat in Urbin !

Dov'era tutt, verd tutt fiorit

nasceven le margherit t'i grepp,

in t'i stradin.

Le viole t'la macchia di Capucin.

T'el camp d'le vign fioriven i lillà.

Pió in là sopra Raganacc

sbociaven i campanacc !

Per el gir di debitor

i cepp d'le ginestre

faceven un odor penetrant,

ogni tant, dalla marina

'niva só 'na sciurina

c'faceva ondegè el gran t'le maiés.

Intorne ai campanil d'le chies

volaven i rundon,

cantaven gl' usignol

t'la buca d'la stasion !

I mi' ann eren verdi

com l'erba de chi prát

e adess ch' c'ho arpensát

me 'nut un gran magon.

 INIZIO PAGINA

EL RISPETT DUVUT

di Gastone Cappelloni

I' so cunvint che la cosa più important sia el rispet

per l'ansien, sia 'na roba duvuta dai anca afet.

En c' scordem chi ha fat tant en merita d' esa scanset,

en è giust ch' qualch volt vien tratet cume fussa 'n impestet.

Saria più giust tratal sa la teneressa,

sudisfasion per ló saria riceva 'na caressa;

purtrop a volt vien tratét sa la fredessa;

invec l'ansien meritaria più gentilessa;

en c' scordem che la vita per ló è stata d' tribolasion,

ha lavoret tant, trop, en vol ch' el mettne t' un canton;

En chied gnent, en vol esa al centr d'l'atension,

i basta sol che 'l tenghn' in considerasion;

Non sol per chiapai l'acompagn e la pension;

en s' pol difenda, è cume 'n monel, trateml sa l'amor.

Steml a ascoltè, d'quel che dic femn tesor,

parecchi han fat 'na vita d' sagrifici, sol d' lavor.

Quel ch' han fat, l'han fat sa la fatiga e sa'l sudor,

e se adesa stem ben, el merit è anch' el lor;

l'ansien en vol esa un pés per nisciun,

p'rò en vuria manch pasè la su' vechiaia in solitudin,

en è roba da butas via cum pensa qualcun,

ma vuria viva t'la coscensa d'ognun;

perchè anch' ma no' el temp pasarà t'un moment,

alora, se'l capirem, l'ansien el tratarem ben veramente

e sarà part del nostr viva, e del nostr sentiment,

i si vorà ben, sensa soportal a stent,

perchè la vechiaìa arivarà per tutti, t' un atim, cume el vent;

e se sarem trateti anch' no' sensa rispet,

dopp sé ch'sarà 'n gran lament.

 INIZIO PAGINA

PARLE' SA LA COSCENSA ?

di Gastone Cappelloni

Parlè sa la coscensa è 'n dover,

fè 'na riflesion duvria esa 'n piacer.

Facend un gir mal cimiter,

chel silensi m' è entret t'el pensier:

m' dmandèv el valor d'la vita terena,

i dubbi, le angosc, le paur, l' anim sempr in pena.

Pensand a ment serena

guardèv ma la mort, ma'l su' sentiment,

per tutti uguel, dal ricch a la pora gent.

E' brutta, per qualcun anch' irriverent,

en risparmia nisciun: serv o potent.

La diferensa la faran le lettre tel marm

p'rò ma tutti soffia ados el gelid vent.

Anca el tip specel

servit e riverit, è ma noialtri uguel,

la mort el chiema sensa abasè el capel.

El Padretern premia el camin,

e d' tutti, sol d' chi l'ha volut vicin,

e se legg t'el profond d'ogni cor,

alora sé ch' avran da tremè i tanti impostor.

Chi tun 'sta vita ha guardet sol di soldi el color,

e sa I' impostura per tutti dimostrevn amor.

Anch' i' m' sent un pecator,

so' 'l prim a dové chieda perdon ma'l Signor,

ch' ma l' rob materiel i do 'n gran valor.

En pos condanè ch' ialtri, e le lor asion,

quant duvrì fè i' el “emea culpa” t' un parecchj ocasion,

e chieda perdon d'le mi tentasion.

 INIZIO PAGINA

LA SOCIETA' D'LA FAM

di Nino Cesaroni

Me truvav un giorne arnuvulat

t'el parchegg sotta el mur del Discolat,

chius t'l'auto che l'aria era densa,

do' sopra c'è 'l parch dla Resistensa.

Guardav el giurnal de c'la matina

quant ho vist scapè 'na testulina

da un d' chi bugh ch' c'è da pied el mur,

me so' dett: «Quest è 'n sorc sigur !»

Dett e fatt; faceva qualch pasett

e arfugiva dentra chel bughett,

forse ha fatt tutt ste moviment

per cerchè qualco' da metta tra i dent.

Infatti poch distant un fagotin

ha fatt dventè curios ma ste sorc'lin

ch's'è infilat tramez sa du' sompett

com per vrichiass t'na cuperta d'lett.

Mentre muscinava tun cla carta

un cul de pan ha fatt la su comparsa,

alora ha cminciat a rusighè

che mei de quel en s'podeva truvè.

'Na passera ch' giva al garavell,

vist 'ste pess d'pan rusigat da quell,

s'è tufata sensa tant pensè,

che anca lia s'aveva da sfamè.

El sorc un po' sorpres de 'st'invasion

s'è scansat per controlè la situasion;

la passera per gnent impauritta

s'è messa a pissichè anca pió fitta.

Alora al sorc, per en fè 'l minchion

ha tirat subit le conclusion:

vist ch' c'era da magnè per tutti dó

s'è armess a rusighè anca ló.

Un d'là e un d'quà tun chel cul de pan

cercaven d'mandè via la lor fam,

la passera ogni tant chiapava el vol,

s'ved ch'giva a sfamè i su fiol.

I' dentra la machina, poch distant,

guardav com s'l'avessa prés l'incant,

'ste bestiol de rassa tant diversa,

in società per la fam sversa …

Tun chel mentre 'na machina rombant

ha guastat la società e l'incant,

perchè ha propi parchegiat

do c'le btstiol avevne parechiat.

Un t'la buga e un sa 'n svolass

han fatt apena in temp a salvass;

I ho mandat ntacident a viva voc …

Mo è sempre l'om la bestia pió feroc …

 INIZIO PAGINA

Liberta'

di Nino Cesaroni

Sa le pium arufat

dal vent ancora g'lat

t'na primavera ritardata

un passer fòr d'na vetrata

invidiava ma 'n ucell

che tlna gabbia stava bell

t'un cald salotin

sa'l magnè malé vicin.

Mo quell avend capitt

perchè i guardava fitt,

i ha dett: «Guarda ch'te sbai

anch'io c'ho i mi' guai;

en senti che 'l mi' cant

è sol singhioss e piant?

E' dventat 'na lagna

mo se'n cant en s'magna».

«Te voli liber p'r aria

e quant s'indolcisc l'aria

salti da ram in ram

per mandè via la fam,

e canti quant è voia

sensa fè tanta noia,

sopra un ram in fior

rallegrand el tu cor.

Perciò s'è ben capitt

anch'io so' avilitt,

non invidiam stasera

che questa è 'na galera !

E com um carcerat

guard el cel da 'ste grat

bramand la libertà

che per me mai 'nirà».

 INIZIO PAGINA

GENT DEL MOND

di Flavio Di Paoli

'Na volta,

burdei

corevam dietra 'n palon

com se fossa stat

la coppa del mond

Èn pasati chi temp

ma ancora ogg

m' arcord la foga

de segnè 'n gol

per dimostrè chi era el più fort.

Ogg invec

sem cresciutti

i nostre sogn en fnitti

sempre dietra ma le burdelle

ma minca perchè credem

da trovè l'amor

com i nostre genitor

che s'èn sposati

I dam la caccia

sol per conquistalle

e fè gara

per chi ne chiappa in maggioransa

e dimostrè chi fra tutti

è 'l più bel

Fin da pcini

sem abituati a rincorra qualco'

ma mai ce fermam a pensè

da cambiè sta palla de vitta

no sol a pensè

da sfoghè i istint e fè i sold

ecch la società

'sa ch'è diventata

i ver sentiment

en esisten pió

en ce potem più veda

sol se c'è bsogn

ce parlam

no' gent del mond

sem dventati com i ladre

sempre a freghè el pan

ma i incantat

sensa preocupacc

de chi en magna

tutti per sè

finchè en fnisci t'la casetta

e la gent che piagn

en te cnosceva manca.

 INIZIO PAGINA

URBINO RAPITA

di Flavio Di Paoli

Urbin la nott è scesa

e ancor la gent

urla e brinda.

Un temp era 'na gioia

dormi sotta le copert

sensa el casin

di bicchieri infranti

m'ades tocca fuggia in campagna

a dormì sotta le stelle

per artrovè un po' de pac

Urbin 'na volta eri tanta calma

en c'erne i sold

ma almen en se buscava

se vlevi gi' t'el bar

a fè 'na butta

Tutti se lamentne

ma nisciun fa gnent

ed ogni giorne che passa

è sempre pegg.

No' d'Urbin sêm come i Kosovari

t'la nostra terra

en cmandam pió gnent

ce tocca fuggia e stè sitti

s'en vlem 'na tossla t'la testa

e tut quest per quatre spicciol

da tiena in banca.

Se tornassa com 'na volta

sensa tant sold e tutt amicch

mal bar a fè 'na briscla

e pó de corsa a let

sensa più senti'

chi la fa pió grossa

  INIZIO PAGINA

I' marcord.  Voiatre?

di Duilio Dorsi

I en so' un de chi Urbinat

ch’en s’arcorden du' en nat.

Anca s’manch da cinquant’annn

en me vien minga l'afann

se partend dal Mercatal,

senza bsogn d'metta l'al

tutt Valbona e só pel Mont

i' vag só e non dvent tont,

sa 'na fermatina in piassa,

sorsegiand un bon Lavassa.

Cert, sia el Mont ch'el Mercatal

en èn propri tal e qual.

Quand da cima se' arrivat,

te riposi in mezz'ai prat.

La vision del panorama

è 'na spec de toccasana.

Vedi el Dom e i Torricini,

ma non vedi pió i bambini

t'el piassal del Mercatal

do' en è propri tal e qual.

Quand i' er pcin

c'erne quei ch' bevevne 'l vin.

perchè c'era l'osteria.

C'era anca el maniscalch.

Pó, al prim sabbot del mes,

se facevne anca le spes,

p'rò en credet ch'vendesser i ov,

se compravne sol i bov,

perchè adess, du' c'èn le macchin,

se riempiva de bestiam

ch'p'rò lasciava gran letam.

Chiatre giorne, in mezz ai cocc,

se giocava anch'alle bocc.

Adess ch'ce sem modernizati

respiram i tub de scarich.

E l'aria bona ch' c'era allora?

Se pò avé, sol a bonora.

 INIZIO PAGINA

IN PREPARAZION D'LA GITA SCOLASTICA

di Duilio Dorsi

Una scuola un po' ardita

ogni ann pensa alla gita.

Per chi suona la campana?

per la solita Toscana.

Altri invece con passion.

senza fa' tant discussion

vrien rinnovà del tutt

el percórs, o bell o brutt.

Chi vol gì nel sud estremo

preferendolo a San Remo.

Chi gradisc le cose rare,

indicand le Puglie care,

do' el Romanich e 'l Barrocch

en èn minga di balocch,

do' andando piano piano

s'pol gi' anca tel Gargano.

A 'ste punt qualcun c'arpensa:

perch'en gim tun quel d' Cosenza,

che saria el punt d'partenza

per scoprire la Calabria,

la Region che ma la Patria

dat ha el nom de bell'Italia.

Da ma lé s'pol gi' in Sila,

senza bsogn de metse in fila,

perchè i prati sono tanti,

aspettand tutt'i gitanti

e do' i lagh artificial

sembren tutti natural.

'N altre giorne com t'un guizzo

t' se presenta quel di Pizzo

per mostrarti la bravura

d' quel ch'è stata la natura.

Ora siamo sul Tirreno

do' en è falsa la nomea

del pulit mar de Tropea,

do' in fond ad una strada

c'è 'na bella balconata,

dov s' t'afacci - d'soprassalt -

te s'presenta un mar d' cobalt.

Proseguendo calmi calmi

incontriam el mont de Palmi,

che si chiama Sant'Elia,

per mostrarti la magia,

se sarà bella mattina,

dello stretto di Messina.

Arprendem l'itinerari,

senza fà tanti lunari,

è a Reggio che s'arriva,

dove i Bronzi di Riace

s'possen veda in santa pace.

Ce sarà l'approvasion

per provè tutt st'emosion?

Dirà d'sé el gran Consiglio,

e farà come el coniglio?

Se tutt quest 'nissa a mancà

csa c'armarrà da fà?

Minga andrem só sul Titano?

S'agirebbe in modo strano.

Tant, lassù a San Marin,

s'compren sol i ricordin.

 INIZIO PAGINA

A  PROPOSIT  DE  ‘STE  CONCORS

di Antonio Fabi (errata corrige)

La Cassa de Sparagn de Pesre e Urbin

ha bandit un concors sensasional,

sa l’intent d’ arsveghiè i cervei pió fin

tra i popolan e tra i inteletual,

che possen tutti insiem fè ‘l gran miracol

de conservacc el nostre bel vernacol.

E infatti è ver, com digghen, che ‘l dialett

corr el rischi gravissim d’estinsion

per tutt ‘ste novità e per l’efett

nefast e stuppid dla television,

o per colpa de qualch testadecass

che, invec de dì “coriera”, dic “el bas”.

Sia chiar: en voi fè com chel cavalier,

ch’ vleva “el diporto” per en dì “lo sport”;

è che me sent avilitt per daver

quand ascolt ma qualcun d’ sti becamort,

che, dop ch’ è stat in t’ una gran cità,

pensa d’avé gambiat identità.

Com s’ èssa nati vers Urbin o Fan

sia guasi n’etichetta ch’ fa vergogna,

da essa presi per forsa per vilan

o per gent che se porta adoss la rogna:

parle d’ molti de quei ch’ èn gitti via

da Pantan, da Ca’ Gall o da Soria.

S’ èn gitti a Roma è ‘na disperasion:

en usen né ‘l dialett, né l’italian,

mo pensen d’ fatt pasè per un minchion

parland volutament t’ el mod pió stran.

En te dmanden: ”Che cosa fai di bello ?”,

mo digghen: ”Sce sta questo, sce sta quello”.

Da Milan, pó, t’ arvien certi sogett

tutti rimidi e pieni d’eficensa,

che, per fè sbalordì ma nó porett,

arconten o ‘na balla o ‘na scemensa.

“Ho fatto sciopping “, dic ‘ste sciagurat,

com s’ en sapessa ch’ c’è ancora ‘l mercat.

E pó: “Lavoro con un nuovo pul ”,

agiung mentre te tira per la giacca;

e te vien voia d’mandall a fancul

ma ló e ma tutt chi  atre gran patacca.

Scusat s’  me scappa qualch termin ardit,

mo è quest che rend el tema pió condit.

L’ho imparat tant dal Belli, quant dal Porta

(mica per fè, per carità, un confront):

la lor vena sarìa de cert pió smorta,

sensa salsa picant in t’ el racont:

de Porta sembra che el sonett pió bell

sia un de quei dedicati ma l’ucell.

********

Quand ho cminciat a fè ‘st’ componiment

ho dett che pur Urbin fa part dla Cassa,

non perché el vlessa usè come strument

d’ na protesta, ch’ sarìa stonata e bassa,

ansi per dì che ‘l nostre entroterra

è da ‘n bell pess ch’ alsat el cul da terra.

Produc cultura e riesc a sopraviva

sa le fors sua e la su inteligensa,

salvand un patrimoni che spariva

per ‘n abandon al limit dl’ indecensa.

E non è un cas ch’ la class dirigensial

vien quasi tutta dai mont e dai crinal.

La Provincia s’ artrova President

un professor, fedelpidiessin;

la su’ origin è quella di parent

è dla nobil contrada d’ Cavalin.

E schersat poch sa Cavalin e Schiét:

el precedent era de Piandimelet.

Cla contrada ch’ ho dett, donca, è famosa

perché ha fornit tanti sindaci in pasat

per Urbin, e n’avria sfornat a iosa,

fin a quand i capoccia dl’aparat,

per dispona d’un pió nobil metall,

èn gitti a prenda un sindach nov ma ’l Gall.

Quest maché, prò, ha fiutat un altre odor,

pió apetitós d’ quell ch’ c’era t’ el paés

e s’ è artrovat elett com senator,

per ordin dla federasion psarés.

E acsé, dop ch’ è pasat un para d’ann,

l’ultim sindach è nutt só dai Trasann.

Donca è ver che i pió gran politicant

provenghen sopratutt da la campagna

e che la lor impostasion ruspant

è ‘n gran merit piutost che ‘na magagna.

Anca a Peser (la cosa en sembri strana)

el sindach è ‘n giovnott ch’ vien da Gadana.

En vòi fè, credet pur, el ritornell

che s’ usava perfin in t’ i giornal,

sa’ l scop de tenda qualch infam tranell

ma chi en vantava nobili natal.

Questa è soltant una costatasion

che s’ fa per celebrè ma Pasqualon.

E’ quest el fondament de ‘ste concors,

che per disgrasia impón men de cent vers;

me restarìa, perciò, ‘n po’ de rimors

d’ avei sprecati tutti e d’ avé pers.

Mo sa tutt chi prosciutt ch’ ho regalat,

un piasament, almén, è asicurat.

 INIZIO PAGINA

J'ANIMAL RIDEVEN

di Antonio Fontanoni

Tel temp di temp

j'animal éren sorident

anch'j' ucell

rideven a crepapell

e i gatt e i can

t'neven la pansa sa le man.

Era tutt un sgrignatic

da per terra a sopra i fich

Era 'n scorra d' barzelett

da le pianur ai montalett

C'era chi rideva a piò non poss

fin a falla adoss'

Po' è nutt fora 'n bìppid

un po' stupid

- en intend la galina o 'l gall

e manch'el papagall -

ch' ha incminciat a dè i schiafon

perchè se sentiva padron

e tle su' legg ha stabilit

quand' era ora da rida o stè sit

Tutt j animal

s'l èn presa a mal

e le barzelett

en s' l' èn pió dett

non tant per ribelion

mo per paura di schiafon

Sol chel bìppid, sa la su'arogansa

ogni tant rid a crepapansa

 INIZIO PAGINA

URBIN, CITTA’ DELL'ANIMA

di Zeno Fortini  (Urbino,11/06/1999)

I giornal en parlen mai d'Urbin,

d' quei ch' ce stann e d' tutt quel ch'avvien.

Qualca volta, sé, ce dann le mulichin

per facc ma tutti contenti e un po' seren.

Quand ti giornal scriven d'Urbin

c'è in mezza pagina no' Urbin

ma tutta la provincia.

Cl'atra mezza pagina è tutta pubblicità

col consumism che t'illud d' vincia

e invec anca quel che en t' serv

t' fa comprà.

E pó Urbin

adessa che la gent trista

l'ha 'rvinata fin a tal punt

ch' t' fa mal la vista,

è sempre la città serena, pacifica, tranquilla

do' el lup magna l'erba vicin a la cunilla.

La gent s' mena, fnisc all'ospedal,

ma quest en s'ha da di' miga sul giormal.

Perché Urbin che è ma quasó t'un mont

è "a misura d'uomo".

Insomma è propi el Paradis

o, com l'hann definita,

è "la città dell'anima". E' ver:

al ciel s' va in salita.

In Urbin en tanti boni e cari

che en c'è pió bsogn

d' gì t'le chies e a ginocchio al Duomo.

Infatti le chies l'hann chiuse tutte

e manca l'aprirann

perchè maché sem boni tutta l'ann.

Ecch, ci avem "la città dell'anima",

de più sa vua.

"Com dici ? " - "Mo va a fan cul,

all'animaccia tua !?"

 INIZIO PAGINA

OSTERIA DEL MI' COR

di Zeno Fortini (Urbino, 27/01/1999)

En c'è più un'osteria

propi in tun nisciuna via.

T'ogni post, qualunque sia,

trovi sol 'na farmacia.

E pensè ch' malé el vin

piaceva anca ma Erculin.

Andavam prima da Sergio

ch'en c'aveva un grande smercio,

ma sa no' c'era Volpori.

Guardi? Com per dim: "Cojoni!"

Erculin diceva: "bus".

I' arivav vestit de luss.

Erculin diceva: "Arbalt''

e Volponi faceva un salt

replicand: "En m'ha dett le cart.

E' nut sol per fass veda

sensa mettse manca a seda."

Pó alsand malé davant

el bicchier non più d' tant

me diceva prima d' bé:

"Èn me guardè

ch' so io ch' guard ma te.

Quest è quel ch' t' poss dè,

è el vin d'ua moscatella

en t' poss dé 'na pollastrella."

Dop givam da Cecconi

malé in cima d' Valbona,

pien d' scioni e bottiglioni

quand l'annata giva bona.

Malé c'era anch' la Mariella

con Pick Nick cla corteggiava

e sa i occhi la succhiava.

Dolc più d'ogni caramella

i pareva c'la Bordella.

La guardava , ce scherzava

e el bicchier intant scolava.

A chi temp èn era ricch,

ma piaceva anch' ma Pick Nick

el vin fatt daver sa i chicch,

mica quel d'adess ch'è "Doc !''

ma se el bevi t' pija un shock.

Pick adess dic: " So un porett !''

bev cla broda e po' va a lett

Anch' da Cesre in via d'l'Ors

s' giva a bé e a magnè 'n mors

sa i student e le studentess

ch' festeggiavan tutti l'esam

sa la lonza e sa el salam

e no' d'Urbin s' n'aprofitava

per ficacc tutti in t'el mezz

sa qualcun che le strusciava.

Pó i faceva la bocca pcina

com el cul d'una galina.

En ve digh da Montasó

con Oliva e con Macario

ch' sfojavan l'abecedario

d'le foiette ch' mandaven gió.

Quand la fiera era per Valbona

malé giva anch la campagna

sa i cartocc d' roba bona

sa el vin a fè cuccagna.

Se arpens ch' c'era el calor

in t'ognuna de c'l'osterie

coi biscotti d'acinin

sulla porta in tutt le vie

e malé ch' i biscottin

tutti i molavàm t'el vin

me se stregn propi el cor

perché arpens ch' ogni co' mor.

Adess vòta è la piassa

resta sol qualcun ch' s'incassa

perché Prodi arbussa cassa

e arvol un'antra tassa.

Sé, èn morti propi tutti

sia chi bei, sia chi brutti,

quei ch' vdev sotta l'orlogg

o ch' giocavne t'i camp d' bocc.

Mo el temp passa per tutti

anch se famm i gran saputti.

Sia ch' vò o che non vò

adess tocca anca ma no'.

 INIZIO PAGINA

DAL BIROCC DI MI' RICORD

di Carla Galli

É trent'ann ch' so' gitta via

mo' in Urbin c'è casa mia,

t'la su' terra e 'l cald di mur

me sentiv sempre sicur.

Dapertutt a ravaston

cnoscevam tutt' i madon.

A bracc largh incontr' al vent

era già un divertiment.

Arcoievam le viole e i campanacc

e de pignol le legacc.

Magnavam le brugnol, i lupin, i dulcin,

le mele 'cerbe, le mor e i mucichin.

M' arcord

i ginocch scurticati,

i capott arcumudati,

la nev alta e i butacc,

i birucin sa i canabucc.

Se faceva

per i grepp le caminat,

tra l'erba alta le spultraciat.

Erne boni

i cartocc, el miagg, i grasciulett

per en parlè

di passatin e di caplett.

Mo pó Urbin te protegeva

com 'na mantella

anche 'l pan asciutt

pareva sa la mortadella.

Dimentichè l'infansia en poss

mo quell ch' m'è 'rmast adoss

è soprattutt el gust del bell,

colpa di Turion, di Turicin

e dla casa de Rafaell.

A di' la verità

distant da la mi' campagna

ogni tant tocca rida per non piagna.

Me vien in ment

che da no' 'na volta

c'era la cerqua bella;

ecco, ne vria truvè una

propi come quella,

e adess machè

t'la confusion d'la città granda

potria fè

'na bella collana d' ghianda.

Avanti,

chi vol se pol acomodè,

sem liberi da inventè,

dopp insiem potrem cantè

anca rida e pó magnè.

 INIZIO PAGINA

'NA ROTA CH' GIRA

di  Carla  Galli

L'aria fina de Urbin

en la respirav

da 'n bell pestin.

En vedev l'ora

ch' arivassa l'estat

per gi' a fè un gir

sott' el loggiat.

La faccia de chi cnoscev

l'ho vista invecchiata,

en è stat 'na gran sorpresa

e piò de tant en m'la so presa.

Sicurament

'na cosa era vera

en è pió com 'na volta era,

me mancne

i punt de riferiment

d'un po' de sie e de parent.

N'èn sparit 'na mucchia

de chi antenat

ch'm' hann difes e coccolat.

Se va avanti lostess

mo di ricord

ho pers i pess.

Tant volt la vita è cruda

e te par d'armana nuda.

Mo se sa c'è i alt e i bass

e caminand a gran pass

pensav che per certi vers

se prend' el post de chi s'è pers.

'Na volta givi da lor

per fatt capi'

adess ma chi p'cin

è da stè a senti'.

Io la mi' part l'ho sempre fatta

e per quell so' sodisfatta.

Tutt normal e m'acontent

sensa fè tanti lament.

D'una cosa p'rò m'importa

al cimiter d'Urbin

vria gi' quant sarò morta.

 INIZIO PAGINA

C'LA  MUNLINA

di  Mattia  Levante

T'un incroc d'la circonvalasion d'Orbenia

c'è na chesa, la chiemne “la casina”

mo', no' perché è pcina !

Quand so ît a veda el "mars"

'na munlina davanti sta chesa m'è apars

tutti dicevne: quant'è blina,

sembra guesi 'na bambulina !

I su' capej en com l'or

le su' guanc èn ross com el pundor

la su' bocca è rosa chier

i su' occhj èn azurri e profondi com el mer !

Quand l'ho vista en me sembreva vera

me pareva 'na bambulina de cera

el mi' cor bateva fort

per le su' gambtin cort

l'ho sogneta anca de not,

me so sveghiet tut d'un bot

e me sa che so' inamoret cot.

 INIZIO PAGINA

Che gioia

di  Oliviero  Luslini

Che gioia saría per me

potet conquistè ,

magari per un giorne

sensa nesun d'intorne.

I te vria tocchè,

ma quest en se pò fè.

Alora te guard dentra chi bei occhj:

quant me piacria essa el tu balocch.

La tu bocca sorident

en me fa capì pió gnent.

I ce vria apogè la mia:

te pregh, en scapè via.

  INIZIO PAGINA

COM NASCOST

di Oliviero Luslini

Camin com nascost

in mezz al bosch.

Un piéd dietra c'l' altre sensa posa,

la mi ment finalment s'arposa.

Che bel el cant d'ucc'lin

quand aranc sò per el stradin.

Che profum vien da chi prat in fior,

subbit sparischen tutti i mi dolor.

El vent tira fort e fa rumor,

i alber me riparen dal fredor.

Arivat in cima al mont

da malé ho vist el mond.

In cima a la mi vita en ce so arivat

perché so' sempre stat disturbat.

  INIZIO PAGINA

VALOR D'UN SENTIMENT

di Stefano Mancini Zanchi

Un diamant pol valé anca 'n migliard

mo è sempre giacc e en scalda gnent.

Te invec se' fatta d'ciccia

e me scaldi el cor ogni volta ch' parli e ...

ch' me dè 'l tu' amor !

 INIZIO PAGINA

LA MI' CASINA

di Vivien Martini

Quant me piac d'arnì t'la mi casina

tutta nascosta tra chi alt ippocastan

ch' la fan sembrà, in cima alla stradina,

com fossa fatta per facc viva i nan.

Quand me svei, la matina, c'è l'orchestra,

l'usignol, sopra 'n ram, fa 'l direttor,

tra le foi de c'le piant vestit a festa

Dalla mi fnestra s'vedne i Torricin,

e sent i strid de gioia scatenata,

per i prim vol de tutti i rondinin

e di rondon dai Macer in picchiata.

Scend alla nott la quiet sa 'n gran silensi.

L'orlogg del Dom el romp ogni quart d'ora,

scandisc la legg ugual per tutti i censi

ch'en pò scansà quand sona l'ultim' ora.

Oh, mi casina, te sola me se' ardà,

sa tutt' i tu ricord el foc t'el cor.

E' 'n sentiment difficil d'artrovà

in 'ste mond ch' ha scordat l'amor.

  INIZIO PAGINA

Luzzin sensa ton

di Davide Mascioli

Rigogliosi sparsi verdi colli

ch' se tinghen d' turchin

al'orisont, forsa ancora molli

p' la guassa d'la matina,

lacrimen t'i fianch in declin

gió gió fin a la marina;

I veggh da la balavustra del mont

logg'alta del mi' Urbin.

Ecch vria tant ch' ce fossa un pont,

suspés e trasparent,

cum un drap da pistè t'el camin

e fier su la gent

ch' china la testa m'al mi' pasagg

e me copre d'unor

'mir incantat datorne 'l paesagg,

bendich tutt c'le person

ch' m'aspetne per donamm el lor or

e d' melaure gran curon.

Acsé, cum el nostre Duca Fedrich,

d'la terra feltresca

già signor, i' propi saria, v'dich.

Ahimè, el pont en c'è

è 'na tresca e t'l'aria fresca

sogn bevend el cafè.

Ch' sogn p'rò, fossa ver !  Chiud i occh ...

me s'arbaja la ment

e ... tach !  Arsò el Duca un po' bislocchj,

mo 'des sto a la vegghia

chè tocca viva sa i lusin, d'gnent,

mo sens' el ton ch'arsvegghia.

  INIZIO PAGINA

SARA' STET EN MARTEDI'

di Rosario Natale  (Urbino, 27/05/1997)

Sarà stet en Martedì,

sarà stet dop mezdì,

sa studieva ma la Sogest

sa studieva 'n cas.

Dop un més ca la videva,

dop un més ca la cnusceva,

dop un més ca i' parleva

an capiva 'n cas.

Am svidieva la matina,

am svidieva sa la su' facina,

am svidieva sal su' nom

cott com un cappon.

Sa 'l Figus e sa Gaston,

sa 'l Figus 'n t'el gran piasson,

sa 'l Figus prima d' parti

ho promes ca i' l'ev da dì.

El venerdì ma Sant'Ang'le,

el Venerdi la m' pareva un ang'le,

el Venerdì ca i' l'ev da dì

a gn' ho det 'n cas.

E ma chesa a Mazzaferr

am sintiva sotatera

e ma chesa a Mazzaferr

an durmiva anvell.

El lundì ma c'la culonna

la m' pareva la Madonna,

el lundì a i' l'ho dit,

la m'ha rispost un cas.

"Um dispiec, quant me dispiec,

ma pens a cal burdlacc".

El burdlacc l'è fiorentin,

ma un 'n è vicin.

El Figus e la Trinchent

i m'ha dit en ce pensé,

i m'ha dit d'aspité

ca 'n s'pò mai savé.

Maledett chel martedì,

benedett chel martedì

e pei giorn ch' hann da nì

a 'n pinsèm 'n cas.

  INIZIO PAGINA

LE STELLE

di  Lidia  Ottaviani  Pasquini

Adess è el giorne, en s'pol veda le stelle;

la sera s'vegghen ben t'el ciel d'velut;

le guard meravigliata, èn propi belle,

mo guarda, guarda, en s'possen veda tutt.

Prò, en ce sent c'la gran ispirasion

che dichen tutti per la poesia;

m'arvien in ment sol le costellasion

che babo m'insegnava andand per via.

Diceva: «Vedi là l'Orsa Maggiore?

- lo me parlava sempre in italian,

e dacsé m'indicava la Minor,

perchè ló en era come me vilan –

La punta del timone puoi guardare

della Minore in mezzo al firmamento

costituita dalla Stella Polare,

punto per tutti di riferimento».

Io: «Babo, perchè d'l' Orsa Minor

en s'vegghen ben le dó stelle davanti?»

«Perché la lor distanza è ben maggiore

da noi e d'altri astri che son tanti».

Oh, babo mio, che testa, che talent !

Tutt me spiegavi sa 'na gran pacensa,

quel ch'me dicevi me restava in ment

e me parevi 'na gran arca de scensa.

Anca adess ogni tant io guard le stelle,

mo en ce prov tutt chel sens de smariment

che sentiv quand guardav tutt c'le robb belle,

lo me faceva sentì chel rapiment.

P'rò, babo, m'arcord 'sa me dicevi te,

io sempre arpens ma i tu' insegnament:

 e se parle in dialett en me gridè,

m'arcord de tutt, perciò pò ste content.

 INIZIO PAGINA

'NA  VOLTA

di Davide Petrolati

Cum aveva da essa stat bell 'na volta,

m'i'arcunteva el mi nonn sa la mi nonna,

ch' me tneva t'la gaida sora la su gonna,

che a quant ne so en la d'ave mai tolta;

A sei ann invec d'la scola s'giva per garson,

imparevi sobte a stè t'el mond,

erne pochi a chi temp i vagabond,

en facevi in temp a crescia che già portevi i calson.

El lavor 'niva fora dalle proprie mèn,

s' giva dal cumpèr a fè la vegghia,

a pia nud a spighè tra la seccia,

da magnè: 'na renga sa'n tos de pèn.

I' marcord quel ch'me dicevne,

ce s'alseva tra lum e scur,

totti puretti e se lavreva dur,

mo se steva ben anca se i sold en c'erne;

A stè sentì ma lor en pèr el vera,

mo' sa le parol i brileva i occhj,

era tott 'n antre mond rispet a ogg,

fantasie per fat indurmentè quant'è la sera.

  INIZIO PAGINA

NET  MACHÉ

di Davide Petrolati

I' so' nèt maché,

e so' cuntent dacsé,

malé apetta ma chel cipress,

ch'er vess a guardal da 'n bell pess,

e manca en pol arcrescia,

lo ch'era cresciut sensa prescia,

me rincresc ch'en ce stat nisciun,

ch' en ha vlut i s' butassa 'l bìtum.

Quant veggh qualch ras ch' vola,

marvien in ment la maestra sa la scola,

marcord sora el tètt c'erne i pcion,

e se c'argiría arcnoscría ogni canton,

via a rugulon gió per chi foss,

a dass la caccia a pió non poss,

el mi paes stà tuna buga,

mo l'acqua del foss d'la Rosina en s'asciuga.

Del rest i gioch era i piò scalmanèt,

sa i stupacc vatre en c'avet mai giuchèt,

ce s'arduneva mal camp spurtiv d'la stasion,

pressa che poc era el gioch del palon,

quant s'giva alla scola mai torricin,

tucheva sveghiass de bon matin,

ma la só te dicevne sensa ragion,

to sta sett si' d'la frasion.

I vecchj arcuntevne: "Por Urbin,

quant sarè cmandèt da Schiet e Cavalin",

alla fin per quei ch'armann

el sindich d'Urbin è un di Trasann.

 INIZIO PAGINA

La liturina

di  Emanuela  Poggiaspalla

Ma la stasion de Fermignen

ce giv a la matina prest, d'istet.

M'arcord de Pepp de Fantoni,

de Dino de Purgatori,

de Gualtiero el fiol d'la Tulmina

e de Mearelli el capostasion.

En avev bsogn de fè el bigliett,

ch' avev l'abonarnent sa 'na foto

che mama aveva artaiet

da 'n ritratt de Natel.

L'ho ardopreta anca l'ann dop,

c'la volta en c'era i sold da butè via.

Eravèm in 'no mucchia

t'un chel ven grand e sensa niente,

aspetavèm a seda in t'le panchin,

erne longh tutta la parete e a

a strisc de legn,

quand c'alsavèm el cul e le gamb

erne pin de teghe ross.

De tutti er la più pcina

er un folett.

En vdev l'ora de muntè

sò tla liturina.

Quand la vdev arivè da distant

me pareva che me vleva 'bracè,

er contenta, d' 'na contentessa

che ogg en c'è.

El capostasion ch' apriva el sportell,

me feva muntè per prima.

La liturina era guesi svoida,

en c'era tanta gent

sol quei d'Urbin,

dop de Canavacc invec

i scompart erne tutti pini.

Tu ... tum, tu ... tum

partiva pièn pièn e po'

cminceva a gi' sempre pió fort.

Er la brendulina de tutti,

en stev mai ferma.

Curiv da da-cima a da-pia,

er cum chi surciulin che en li

fè mai a chiapai t'la catroppla.

Scendev da la gaida de un

per fam tienna da 'n antre

per quardè fora dai finestrin

Che gust!

Tutta 'na volta s'acendevne le luc,

vleva di' che pasavèm tla galeria,

le prirn volte stavèm tutti sitti,

dop invec fac'vèm

 'na ciatera no' monei.

Quand arscapavèm fora, le luc l'arsmorcievne

e via a curra só e gió p'la liturina.

In t'la liturina erne de pió i omne e

quand muntevne só, tutti c'avevne

a tracolla 'na busta tutta crepeta.

I' er cacianesa,

me deva gust a ruspè dentra chle buste:

un giornalin, el mass d'le cart,

la gavetta sa'l da magnè rinsegolet

e 'na butiglia de vin d'acquet.

"Fano, stazione di Fano".

I' er ariveta,

scendev dalla liturina

sa la Luciana e la su' mama,

scendevne anca tutt le donne

e chi'atre monei,

a di' la vrità eravèm in pochi.

Nisciun di omne chi giovini o

chi pió grandi scendevne sa noiatre.

Arprendevme la liturina al giorne,

o quella che ariveva a Fermignen

vers le dó o quella vers le sei;

en c'era nisciun de chi omne,

lor arnivne só sa l'ultirna,

quella ch'ariveva a Fermignen

alla sera vers le ott.

C' arvedevèm tutti a la matina:

noiatre monei, pió fortuneti,

per un mes givèm al mer

erne le nostre vacans, a lùi;

lor poretti, tutti i santi giorne d' l'ann,

arnivne sa l'ultima liturina

per archiapalla a la matina,

stevne a chesa uguel a lia ma la stasion,

givne a lavorè a Pesre.

En el so se alla sera erne stuffi

en i ho mai visti,

ma so che tutti erne contenti

de fè giochè la lor brendulina

alle sei d'la matina.

  INIZIO PAGINA

SE.. SE.. MARCORD

di  Rudio  Ricci

Per distrarm, ... l'altrieracc,

i' giv gió per 'na stradina,

pian pianin perchè er stracch

quand te sent una vocina

che me dic «T'arcorda gnent,

quand'ancor eri un burdell,

sa è success gió per sta china?

Maché c'è stat c'l'incident

ch'è toccat ma Pep el bel

quand du manz, sa'l biroccin,

han taccat a corra corra

arbaltand el carr del vin,

ed insiem anca la borra.

Lo portava ma 'l padron

la su' part, com da contratt,

ch'avea spartit el fattoron

com allor diceva el patt.

C'era pur un pugn d'erbetta,

perch' allor s' facea el presep

t'ogni casa anca poretta.

Era semplic e concret ...»

Se se m'arcord memoria mia.

Pep el bel s'era arrabiat,

tutt'el vin i era git via

e lo urlava com un mat.

S'argirava e rutulava:

me pareva un mentecatt.

Se strappava anca i capei

pel dolor che 'l russichiava

i su ricciol, ch'eren bei,

in t'la lecca li piantava.

Sa me c'era, un po' più pcina,

a veder 'sta scena bella,

propri, propri su' fiolina

ch' a momenti se sbudella

dal gran rida e dal dolor

quand' ha vist la cerquaritta

del su bà pien de rossor.

Lia me dic ormai so fritta.

Invec lo, quand s'è rialsat,

resta ferm com un stocfiss

i su pagn s'erne immaltat,

el su sguard restava fiss.

Dop un po' se cmincia a scioia

lentament com gel ma 'l sol:

lo se stira le su' cuoia

e se torc com girasol.

Pep s'è ved tutt' imbrattat

guarda in gir e gió du stecc

e osservava disperat

i tin voti de legn secc.

«Povre me, addio part mia,

en me resta men de nient

sa'l contratt de mezzadria

el padron adess chi 'l sent.

Anca el cor me porta via.

Chi du' manz tocca masai

perchè fann tropp adanè.

Iè en finirò mai mai

el mi debit da paghè.

En so' mica un vagabond

che 'na man en dà a la gent

com esist, propri a sto mond,

chi aiuta a non fa gnent.

El mi pan me so guadgnat

sa'l lavor e la fatica

perchè sempre ho sudat

sensa ruschia sa l'urtica.

D'altre cant en so sa fè

è success el pasticciacc.

En me poss mica amasè

e non dev fermà el mi bracc.

Ma m'arcmand vo' du' stat sitti,

specialment to burdlina,

ancor ho i capei dritti,

non me metta anca in berlina.

M'arcmand propri, non dit gnent

de tutt quel che m'è success

nè ma i amich nè ma i parent

c'è pens iè quand m'è confess.

La savrò arcuntè 'sè ben

ch' m'hann da creda tutti quanti

s'no m'attacchen com le ién

sia da dietra che davanti.

Cercherò d'salvè la faccia,

ciò ch' adess par incredibil:

m' è successa la fregnaccia

e iè me sò magnat la bil.»

De ste fatt i' m'er scordat:

ma nessun i' l'avev dett.

E tant temp è ormai passat

oggi ho apert el mi baulett.

En er pió stat giò per chi foss.

A chi temp c'era la guerra

eravam tutti un po' scoss

per la pac ch' mancava in terra.

  INIZIO PAGINA

DEDICATA A UN GRANDE DIRETTORE

di Anuska Severini

Troppa ghiotta è l'ocasion

d' di' du' rim tun 'sta riunion

dov vlem salutè de cor

ma 'ste cap: el Diretor !

Da un par d'ann s'vociferava

che Vincenzo s'artirava

e lasciava tut le bégh

ma qualcun di su' colegh.

P'rò ormai en c' credevam;

passa ogg e venga dman

era sempre pió present

afogat dai document.

Continuava a facc trascriva

i proget, i consuntiv,

e non sempre tutt ben giva,

t'el registre, en me scord

manca se arnasch,

ha inventat anca le tasch !

A la fin di nostre incontre:

«Girà ben, i bastarà ?

Fa sentì, s'contentarà ?»

Io dicev ma la Doriana:

«Quant la batti, scriv più largh,

fa t'el margin un bel slargh,

se t'impegni e se lo vuoi

pó slunghè de du' tre foi.»

Mo oramai è uficial

ha firrnat l'ultim verbal;

confesam che ce dispiac

anch' se, fors, starem pió in pac.

E' stat spess un bell'aiut

e ha dat pió de quel ch'ha avut;

ha lavrat sa gran pasion,

tutti el digghne in diresion.

Qualca volta esagerava

sa le circolar ch'scriveva,

era bon da fè 'na tesi solament per stabili'

l'ora e el post per facc riunì.

E a 'ste punt voi di' tra i dent

qualcosina sul Collegio di docent.

Quant ce chiama a Piansever,

quel ch'arcont è propri el ver,

arivam tutte alla stracca

tant sapem che ... prima ch' tacca ...

passa spes piò de mez'ora

e restam a parlè d' fora.

Qualca volta p'rò suced

ch'è nervos e ... cum se ved !

Cmincia subit a parlè,

guai ma chi sta per entrè,

t' sbat t'la faccia el tu dover:

«S' vien puntuali a Piansever !»

Quel che p'rò pió ce dispiac,

e ch'ce fa perda la pac,

è quant ch'dà di vagabond,

pió nesun de no' i rispond,

e ce dic che, a la fin fin,

pensam sol ma 'l boletin

ch’ riscotem a fin del mes

per coprì le nostre spes.

Quant t' s' rivolg sa: «Lei, Signora ...»

vol di' propri ch'è de fora,

non t'ascolta, non c'è vers,

fa capì ch'è tutt temp pers;

te presenta le question

sol da certe angolasion;

cmincia a dì che el diretor

el fa ló, sa 'l su' sudor,

s' en t' sta ben quel che ló dic,

scriv du' righ ma l'ispetric ...

e dacsé s' chiud la question

sa ló ch' ha sempre ragion.

Tel verbal se scriverà:

«Aprovat a l'unanimità !»

Anch perché s'è fatt già tardi,

appannati son gli sguardi,

c'è chi a casa c' ha i burdei,

chi i maritt ch' en pegg de quei,

e la gran preocupasion

è da chiuda c'la riunion.

Suced spes ch' sal el nervos

intorne al modul più disgustos,

ha un gran nome altisonante,

l'hann chiamato "Itinerante",

io l'avria chiamat "dupion”

èn tutt doppie le riunion !

C' ha du' brave condutric

ch' scriven tut quel che ló dic;

son la Pappi e la Delfina,

una coppia sopraffina;

una cosa ch' i fa onor

è da reggia el diretor

perchè lavrè sa Grassi

en c'è giorne ch' en t'incassi.

Una d' lor è spiritosa,

s' mov, se gira sensa posa;

qualca volta fa l'apel

sa 'l mod sua ch' è propri bel.

Urla: «Gina, ma du' se' ?

Lasci gì da chiacchierè.»

Quant ariva el Diretor

sa fè ben el su lavor,

propi el sangue i scorr t'le ven:

dic t'el mus quel ch' i sta ben !

C'l' atra invec è più tranquilla,

non i sfugg una postilla,

viv p' i cors d' agiornament,

du' la trovi ben present;

a la fín d' un ann de scola

fa più or de no', da sola.

C'è anca chi la guarda brut

«Cum ariva dapertut !»

Mentre er dietra 'sta poesia

ho decis anch' io da gi' via,

saria armasta qualch' atr' ann

mo m'hann fatt sali' l'afan

quei ma là del Parlament

ch’ en ce voine dè più gnent

e dacsé, t'el paes d'Calpin

piant baracca e buratin.

A ste punt voi rimgrasiè

quelle ch' hann lavrat sa me,

sopratutt la capogrupp

sa la qual arcontav tutt;

quanti sfog sa la Cristina,

cminciavam d'prima matina

specialment per gi' só e gió

per i impegn ch' en fnivne pió !

Ve dirò ch'me mett pensier

de non 'ni pió a Piansever,

trovarò altri interess,

girò a spass un po' più spess,

Farò part, anca s' fann pietà,

de tutt quei d'la tersa età.

So' arivata a la chiusura

e me sent 'na certa arsura;

caro Grassi, più de tutt,

io te augur la salut

e sper tant ch' ma 'l tu ginocchj

lasci gi' d' tirai el fiocch.

Molti auguri faccio a tutti,

e che a scuola voi colleghi

raccogliate buoni frutti !

  INIZIO PAGINA

REMEMBER: RICORDI O NOSTALGIA?

di  Maria Teresa  Severini

E' trent'ann ch'io manch da Urbin,

staggh t'la Roma Capital,

e voi di' che, ben o mal,

le beless de 'sta cità

en 'na mucchia, in verità.

C'è San Pietre maestos

ch'fa da sfond ma tutt le spos,

tutt' intorne, di souvenir

c' n' è daver un gran bel po',

compraresti tutt 'nico'.

El Palas del Quirinal,

pó pió in là el Viminal,

el magnific Colosseo,

el Teatre d'l' Eliseo,

via Veneto Imperial,

e pó via Nasional,

via del Corso, via Margutta,

piassa Venessia, piassa de Spagna,

Castel Sant'Angelo e pó Caracalla,

en basten i' occhj per amiralla,

e, decantata da tutti quanti,

la scalinata di Trinità dei Monti.

Tutt 'ste piass e le fontan

testimon del geni uman,

sempre brulichen de gent,

pó, se guardi i monument,

t' vien sicur i girament;

quanti c' n' è de 'sti palass

du stann tutt chi testa d' c ... !!!

Maché el venticell de Roma

è famos un gran bel po',

dat ma Ceser quel ch'è 'l sua,

en è ch' i' voi di' de no,

mo perché en hann sentit

c'l' aria bona ch' c' è da nó.

'N aria fina la matina

c'è da cima la Pineta,

se 'l sapesser 'sti roman

sborsarien la moneta

per compralla a piene man.

Se per cas, pó, qualch' inveme

du' pulisch caschen dal ciel,

en ve digh che gran sfacel,

da 'na part è 'n gran disag,

e da 'n antra me fan rida;

en el vria manca di':

tiren fora i doposcì.

A Urbin torna el mi' pensier,

'nit da nó quant dich daver,

c' tira fort la tramontana,

galavema e barburana,

ve diria: "Du l'avett messa

tutta insiem la contentessa,

mezzi nudi ve mettria

só, da cima la Fortessa.

Cert a Roma ce sta el Papa

ch' è el cap Sant de tutt el mond,

mo anca nó tel nostre pcin

ci avem l'Arcivesc a Urbin.

I' m'arcord ma du' so' nata,

a San Bartol so' cresciuta,

po' so' gitta a Sant'Andrea

p'r' un pó d'ann,

c'era babo che lavrava ma la Gam.

Se ciarpens me venghne in ment

scuri e strett i vigulin

du' s' giocava da fiulin,

e me vien un rusighin ...

en te poss scordè, Urbin !!!

Ho godutt qualch' ann el Dom,

durmiv sotta el campanon,

stav sa i nonn, el si' Don Enso,

che bei tempi, spess ce penso.

Roma è bella per daver,

el dic tutt el mond inter,

p'rò i' sent dentra el mi cor

ogni tant un non so chè

che m'arporta al prim amor.

Vel voi di' pianin pianin,

l'Ateneo, Rafael e i Toricin,

è più bella la mi' Urbin !

 INIZIO PAGINA

C'ERA 'NA VOLTA T'EL VICINET

di Maria Teresa Spaccazocchi

C'era la vita t'el vicinet

treni de ches tutt atachet,

de tutti sapevi come 'n orecle

la vita, la mort e anch i mirecle.

C'era l'aiut, ce se deva 'na mena

anch se ogni tant se feva buriena,

cert chi guadrini c' n'era un pò d' mén

pro c' volevem tutti più bén.

Vers le quattre d'la matina

c'era com na musichina

un fruscio, na striscieta, un rumurin

era la banda di nostre spasin.

Só e gió, ti vicineti e per la piassa

a striscié tutti i canton, sa c'la ramassa

trasportevn un birucin sa dò rotoni

do' arcoievne la mondessa ti bidoni.

Stevn in silensie per non disturbè

sol la graneta sentivi a ruspè,

era un son cosé naturel

c' s'armonizeva sa'l campanil

ch'ogni quart d'ora soneva el su bott

per fac senti anch l'ora de nott.

Era n'aiut p'r i citadini

come un gall t'leia p'r i contadini.

El mi paés era propri speciel,

dolcissim a Pasqua luminós a Natel,

c'era le lucc'le quant niva l'estet,

en bel nevon a tutt le invemet,

i ho visut la fanciulessa

sensa pensieri, sensa amaressa,

voria ch'fussa per tutti dacsé

chiudet i occhi e metetve a sogné.

 INIZIO PAGINA

L'ucc'lin forestier

di Vincenzo Zollo

«Sa vò, sa ch' ê dett

è vist 'n ucelin t'el tett ?

Ma 'sa i avrò da fai,

i avrò da leggi i giornai ?!?»

 «'N el so, ma …, en pens sia necessari

pol essa che ne sa pió ló dei giornalari.

Chi sa quan' viagg ha fatt, e quan n' ha viste

de pió, a voia, de tutt ste' riviste.»

«I' pens, sì, che vien da lontan

ma giung maché sol p' un chic de gran,

en fa i viagg giust per commentar

tutto quel che l'omo se fa de mal.»

 INIZIO PAGINA