Home Concorso 3
III Concorso 2000
TESTI PREMIATI
Tutti gli autori dialettali

Poesia Vincitrice
(Categoria Generale)

EL LENSOL
di  Rosanna Gambarara

Prosa Vincitrice

LA SCAMPANATA
di Alfredo Zampolini

Poesie segnalate
(Ordine alfabetico):

SAN BERNARDIN
di  Elio Bacchielli

ATTIME  CHE  S' MOVNE  T'UN  MOND  DE  CARTA  di  Giampaolo Colocci 

CHE FIN HA FATT EL VIAGRA
di  G'vann d' Marin

TANT PER DISCORRA
di Carla Galli 

QUAND  ARTORNE  A  URBIN
di  Rosanna Gambarara

UN  SPROVINGOL
di  Alessandro Duccio Marchi

LA VECCHIA SVEJA
di Vivien Martini

FILA LA LUNA (FASI  LUNARI)
di  Davide Mascioli

LA NUCETTA DE BABO 
di Antonio Sanchini

CENA DELLA G.A.M. ARREDAMENTO
di Goliardo Severini

LA VISITA 
di  Massimo  Volponi 

 

 

 Poesia vincitrice

 

EL LENSOL
di  Rosanna Gambarara Grancini 

Urbinate  residente a Roma
1 Premio per la poesia - III Concorso 2000

 
Iezzo che vent stanott, tremava el lett
e le finestre !  I pagn a spinduln
ma'l fil schiocavne e i arbre de rimpett
avesc sentitt che strida !  Che impresion !
 
Io p'r stav tutta chiotta dentra el lett,
sotta c'avev  un bel materason
d' lana, t'un cuscin d' piuma benedett
pogiav la testa e avev la protesion,
 
sopra, un gran lensol de lin de quei
d'un temp, a quattre tl cuscitti, a trama
grossa, che quasi scroccolavne, bei
 
candidi, sa'l giglicc ma l'arversina.
I lavava e i stirava la mi' mama,
sa la man i arlisciava quand' er pcina.
 
Giudizio sulla poesia vincitrice El lensol di Rosanna Gambarara Grancini
Formalmente questa poesia ricalca con perfezione le strutture tradizionali del sonetto, con una propriet sorprendente, dove la tecnica di costruzione scompare nella fluidit del discorso. Il dialetto urbinate usato in tutte le sue potenzialit sintattiche e lessicali, che rivelano la grande competenza linguistica della poetessa, la quale con grazia e nostalgia ricorda il suo ambiente familiare dove il profumo dellinnocenza si accompagna al lindore delle lenzuola preparate con cura e amore da sua madre: candidi, sal gigliucc ma larversina.
 

INIZIO PAGINA

 

 

Vincitrice per la Prosa

 

LA SCAMPANATA

di Alfredo Zampolini

1 Premio per la Prosa - III Concorso 2000

per il testo "clicca qui"

 

Giudizio sulla composizione in prosa vincitrice La scampanata di Alfredo Zampolini.   "La scampanata di Alfredo Zampolini rappresenta un ritorno del teatro dialettale a Urbino, e per la prima volta viene affrontato in un atto unico, in dialetto, un tema di larga diffusione fra le culture europee. Il lavoro ben condotto e presenta i giusti tempi per la messa in scena e per una felice fruizione da parte del pubblico".
 

 

 

 

Poesie  segnalate

INIZIO PAGINA

 

 

SAN BERNARDIN

di  Elio Bacchielli - Urbinate residente a Roma

Novembre 1995

Segnalata al III Concorso 2000

 

T'un poggett de front a Urbin

svetta alt San Bemardin

ce vann propri tutti quant

ma l dentra, c' 'l campsant.

Ce va chi en ha mss i dent

e ce va el malvivent

e p el ricch e anca el purett

per tutti l'ultim lett.

 

Post de visita e preghiera

ce se va matina e sera

a parl sa chi en c' pi,

in silensi, no' e lo'.

D'una vita tribolata

quella sola la fermata.

Quand te metten propi sotta

pi nessun te f la lotta,

e se te c' la cappella

la tu mort mi sorella.

 

 

Dopp chius i occhj,

sem tutti ugual,

la servetta e el general,

la dimora d' quest e d' quella

l'ha appaiata la livella.

Ogni tant t' venghne a truv

per rest un po' sa te.

 

Tra i pensier e i sospir

de tutti  'st' avvenir.

Nel silensi e nella pace

dove p'r non tutto tace

sa la mort conviv la vitta

stann insiem, perch en f'nitta,

el process del corp uman

ch' se consuma piano pian

c' p el sol per la natura

cad la pioggia ch' vinc l'arsura

te fann bona cumpagnia

stann sa te sensa g via

la lumaca e i moscerin

i petross e i sisn

e svolassen le farfalle

sa le loro ali gialle.

C' el profum de tanti fior,

le bellesse di color

d'l' usignol le serenat

sa i motivi pi svariat.

Ognun d' no' porta de l

qualch segret che sol l sa.

 

C' el rispetto per la mort

e per quei che hann cla sort,

anca se el ricord de no'

pian pianino p va gi.

 

De com s' tien el cimiter

s' ved se sem cristian davver.

Alor fam da essa forti

e t'nem alt el cult dei morti.

Quand sar per sempre a Urbin

ospit de San Bemardin

'na domanda s'potr f

e se i' te poss pregh

en me f bull t'la pec,

famm content e damm invec

da pot ancora ascolt

un po' d' musica mal.

 

M'accontent, o Signorin,

d'la sinfonia d'un cardlin

che saltella tra chi pin.

Famm sent anch 'n'antra cosa,

el profumo d'una rosa.

Cert, me mancher la luc

mo, avr la Tua che pi arluc.

 

No' sapm che Te, o Signor,

en c' fatt sol p'el dulor

'na finestra lasciat

per tutt quei ch' hann aspettat

per tant temp el Tu perdon

la Tu grasia e resurresion.

 

 

INIZIO PAGINA

 

 

ATTIME  CHE  S' MOVNE  T'UN  MOND  DE  CARTA

di  Giampaolo Colocci  -  Carpegna  30/08/2000

Segnalata al III Concorso 2000

 

Son torment, quel ch'a prove

t'un qualch' moment particolar

quand tel mi cor

lottane di sentiment

de mal, o de ben

che vurra url ma'i vent.

 

Arman, p'r sempre

'na viva speranza

che 'sta sonata

possa port la danza.

 

'Sta dolc canzon,

anch' adess,

t'el passat me porta

sempre e ancora via.

 

Come el ricord

de quel che c' stat

t'arman apicicat.

 

Ora t'el futur cerch d'and

con l'esperienza d'le cos vecchie

anca se c' poch post

tun 'sto mond de carta.

 

Cerch da d quel ch' ho dentra

anca quand so' in onda

en detta che i capisch

o che tutt t'ascoltne:

fatiga, trovar la sintonia.

 

A forza d'armescol le parol

sper da trov la maga

com l'alchimista

vol fa' l'or dal ferr

i' a cerch da fa' arriva' el dialett

e scriva 'na bona poesia.

 

Tant' bott ho chiappat, fin da pcin

ma continue per i sentier ch'a trov

a trasmetta la gioia

ma chi s'annoia.

 

Comunic en fa mal

i' a sparg la mi voc

al mio cuor piac el ben

e so' sicur che convien.

 

Dop tutt  'sto parl arriva un sorris:

me sent t'el paradis.

 

 

INIZIO PAGINA

 

 

CHE FIN HA FATT EL VIAGRA

di  G'vann d' Marin  (Giovanni Feduzi)  del Gallo

Segnalata al III Concorso 2000

 

Ogg parlen un po' d'la scienza

che sa lu santa pacenza

'sti ultme temp ha fatt daffatt

credm pur, roba da matt.

Ha inventet 'na tel sostanza

ch'ardt fiducia, ardt speranza

ma tanta gent che rassegnta

per la lor et avanzta

per fortuna da ogg in qua

en c' pi limit, en c' pi et.

T'un albergh vers la Romagna,

do' che la nott una cucagna,

se troveva do' client

lu miss propi malament

ottant'ann gi compiuti

sa i capi tutti canuti

tutt mez curve a tanta gobba

la ... tutt un'antra robba:

sui vent'ann alta snella

occhi azzurri piuttst bella.

Quant 'sta roba ha fatt effett

montne su tutt do' t'el lett.

stat come metta un motor d'na Ferrari t'na cinqcent

alla prima accelereta en armast gnent

casca gi da cl'atra part

en gli ha fatta, ha vutt l'infart.

E mach ch' ho ditt sa mi' moi

per co' f cerch tant noi

mei a f lavr la fantasia

che mori' stechit aclava.

 

 

INIZIO PAGINA

 

TANT PER DISCORRA

di Carla Galli  - Urbinate residente a Brescia

Segnalata al III Concorso 2000

 

Quant la nebbia

cadr fitta

e la mi' ment

sar svanitta

chi me guarder

en el s sigur

el mi' sguard

se perder ti mur.

 

Sar tutt bianch

un bianch diffus

da metta l'idee

fori us.

Nessun' ombra

le voc e i fior

se perderann

t'el gran candor.

 

P darsi ch' sar

'na cosa brutta

mo certament

en 1' avr v'lutta.

Fermi tutti

aspetat un moment

'ch ancora

en sucess gnient !

 

`St final

ma qualcun i piacera

magari sol

per chiap el post mia.

No. El bianch del gnient

pol aspet:

sa i pensier

colorati voi rest.

 

C'ho prs gust

vad avanti dritt

sa l'arcobalen

di mi' vestit.

La voia de viva

m'ha prs a bracett

e la curiosit

c'ha un bell' aspett.

 

Alla vegghia

se discorr tant per d

mo vall a veda

com gir a f'n !?

El cor canta

gim de fora

sempre bell

arveda l'aurora.

 

 

INIZIO PAGINA

 

 

QUAND  ARTORNE  A  URBIN

di  Rosanna Gambarara Grancini  -  Urbinate  residente a Roma

Segnalata al III Concorso 2000

 

Va e vien com el tic tac d'l'orlogg, camina

l'ombra, se nascond pian sotta el logiat,

p arcresc, e el sol poch pi d'na f'tuccia fina

se slarga e p s'artira t'el selciat;

 

e l'ch d'le voc rimbalsa e se sfarina

da mur a mur, se srotola t'el fiat

d'l' aria che l'arcompn a l'armuscina,

oggi com ier: el temp par ch' s' fermat.

 

Da l'ombra al sol, dal sol a l'ombra passa

com ier la gent, s'arcoi sotta le logg,

parla e paseggia e p arsciama t'la piassa,

 

se sparpaia p'i vigol, com ier ogg.

Ma ti occhj spent, t'le facc sgualcitt se specchia

el temp.  Guard.  E so ch' so' d'ventata vecchia.

 

INIZIO PAGINA

 

 

UN  SPROVINGOL

di  Alessandro Duccio Marchi

Segnalata al III Concorso 2000

 

Era nott

Ser t'el lett

Un diavlett

Per dispett

S' sedut

T'el mi' pett

V'lev ste' arditt

Gi' a fe' un girett

Nient affatt

'Ste maledett

S'e' vricchiat

Ma'l coll pi strett

Ser pi rimmid d'un bdalett

Gitt

Stecchit

Mort in t'el lett

Iezzo mama che spaghett !

 

 

INIZIO PAGINA

 

 

LA VECCHIA SVEJA

di Vivien Martini - Urbinate residente a Milano

Segnalata al III Concorso 2000

 

 Tic tac, Tic tac

Tic tac, Tic tac:

la vecchia sveja d' casa mia

che me piac tant de t'nella ancor sa me.

Me fa 'na gran compagnia

sa chel battit discret e cadensat

che, quand er pcin, m' ha sempre acompagnat,

e sa chel "drin, drin" del campanell

che chiss quant volt m' ha svejat.

 

En passat 'na mucchia d'ann,

la en te sgarra un sol minut:

va, e camina sensa sosta

per segna' el pass del temp

(dat ch' per quest l'han ideata)

tant ch' me crea 1'illusion,

sa c'la spec de ninna nanna,

d'essa ancor  sa babbo e mamma.

 

Ogg, s sol che 'l tu tic tac

me fa 'n la nostalgia

de chi temp ch' erren tant bei

e, purtrop, en tornen pi.

 

Anca te s vecchiarina:

lavrat un gran bel po'.

Dim, di s la verit:

me sa che te dispiac'r

quand da sola t' lasciar

quand, nisciun t' caricar.

 

Stanca, infin, te me dir

"Oh! Dop tutt m' arposar".

Io, sol sol, sensa el "drin, drin"

in eterno dormir.

 

INIZIO PAGINA

 

  

FILA LA LUNA  ovvero:  LE  FASI  LUNARI

di  Davide Mascioli - Urbino

Segnalata al III Concorso 2000

 

     C'era 'na volta gira e pu' arvolta ... no, c'la mal sol 'na piciafav'la, 'sta mach invec la storia d'na vecchia ch'viveva sol d' not, t'un post du' la luna era sempre piena. 

     D'le volt, sa c'la luc noturna, s'guardava t'el su' specchj e s' viliva de brut ch s' vdeva vecchia, brutta, plata e tutta gricitta.

     Era disprata !  Mo 'na not, apena alsata, gussa l'ingegn, chiapa 'na scala e va so t'el ciel per g a rub 'n tocch d' luc ma la luna, per pu' tacas'le t'la testa;  acs fa anca la not dop, e c'la dop ancora: d' sguaraguai giva s t'el ciel, sa c'la scala, a stach i pess de luna per p filai e facc'na parucca.

     Era armasta s sol 'na falc pcina pcina, ch' faceva giust chel po' d' luc' ch' i bastava per guardass t'el specchj.

     Ch' stupor a r'vedse sa chi capej d'or !  Era arnutta burdella e c'aveva almen cent'an d' men.

     P'r t'el mond sua sensa luna en s' puteva propi viva.  Alora pensa ma calc per f arsplenda la luc. Argussa l'ingegn, arv s t'la scala per g a chiap anca c'la falc pcina pcina. S' 'infila t'el dit e la porta gi.

     P'r un giorne s'arposa e s'guarda t'el su' specchj sa la luc di capei d'or e, dop, t'el buj, s' cava c'la parucca e ce fa 'na ghiffla, chiapa t'na man 'n agh e sa'l dital tun cl'atra, fat sa l'ultim pess d' luc, cmincia a cuscia.  Pianin pianin arporta s i pess d'luc, ogni not el su mond s' arschiarisc sempre d' pi e lia pol arviva sens' afann, anca se arniva a essa vechia, brutta, plata e tutta gricitta.

     D'alora, p'r arn burdella sa i capej d'or e sensa 'na griccia, ruba la luc ma la luna per guasi d stman de fila e fila guasi per d stman i capej per viva.

     Mo adess arcurdatve che:

 

Se ma la s t'el ciel en c' la luna

c' 'na burdella ch' v'aspetta

e se c'la not en ne truvat nisciuna

vul d ch' sa n'atre. Vlet sch'metta?

 

INIZIO PAGINA

 

 

LA NUCETTA DE BABO 

di Antonio Sanchini  -  Urbinate residente a Milano

Segnalata al III Concorso 2000

 

En facil da scord

quant a caccia giv sa babo,

in lambretta, el rocc t'le spalle,

t'la C'sana, ma i Forqun,

Ca' la Bona e Mercantin.

I capann che l faceva

erne sempre d'le oper d'art:

dop av girat ben ben,

sentensiava: "Quest el post!

Da mach tiram t'la cerqua,

el buschett sempre bon !"

'na cerquella finta dietra ...

che nucetta ! La fin del mond !

I rinchiam c'avevne i nummer

e ognun al sollit post.

Che giornat quelle d'otobre !

Gi t'el bosch la nebiulina,

i fringuei che squinquinaven,

s'aspetava che pasaven.

El prim tord tra l'imbra e l'ambra

era el sa, en se discut;

me diceva: "Se sigur ? cascat ?

Me pareva un po' infrascat !"

E p gi 'na risatina

me guardava e me diceva:

" T burdell, vien mach

che adess tocca ma te !".

T'i ultim temp ch' sem gitti a caccia

el su post era per me,

sparav guasi sempre io,

babo s' divertiva acs.

Quant ha cminciat a st poch ben

en ce niva pi tant spess,

mo per st qualca matina

t'la nucetta insiem sa me

se alsava de bon'ora

anca se 'n aveva voia.

Tutt le volt ch' passen chi tord

chis cosa pensarann

ch' en se sent pi 'na schiuptata;

lor, poretti, p'r en el sann

che c' statt qualch cambiament:

la nucetta l'ha spostata

do' de tord ne passa cent !

 

 

INIZIO PAGINA

 

CENA DELLA G.A.M. ARREDAMENTO

di Goliardo Severini - Urbino 1972

Segnalata al III Concorso 2000

 

Da sett ann, se non me sbai,

v'ho privat d'la mi presensa,

non stat per cativeria,

mo per, porca miseria,

ho subitt 'n' operasion

vers el bass, sotta i calson,

ch' m' ha costrett a ritiramm

dalle cen c'ha fatt la GAM. 

V'let sap qual la causa ? 

Io so sempre impegolat

com le donn in meno-pausa. 

Se stasera me so decis

c' un motiv ch' ben precis:

come ogg trentott'an fa

ho sposat la mi' met,

in 'ste cas, per mod da d,

la met so propri i'.

Dop 'sta brev introdusion

e ariv a la conclusion

voi parl sincerament

de sta GAM Arredament.

Se no'  vlessme arf la storia

cert ce vra un promemoria

mo ch' sa diggh, un memorial,

alt acs com un messal,

p'r arcont quel ch' sucess

e per ci ch' suced adess.

I prim ann ch' sort 'st' lavor

en s' lavrava d' bon umor,

i pensieri erano tanti

perch i sold mai in contanti.

Ogg invec n'altra cosa,

se lavora sensa posa,

per pagh sempre puntuali,

en se fan tanti lunari.

Cert non tutt ros e fior,

c' qualch volta el malumor,

i mus lungh, i maldicent,

e c' chi matina e sera

te fa sempre un gran lament.

I difett gi ci avem tutti

mo per, nonostant quest,

la GAM coglie buoni frutti. 

C' fra d' no' certi operai

che d' lavr en se stanchen mai;

c' Mistura tutt el giorne

sopra el banch lungh e dists

d 'na mana ma Marocini

e i fa da contraps.

N'antra coppia pi affiatata,

e ch' s' gi specializata,

p'r imbast tutt i progett

e compona le tolett,

el Colono e Patachin,

lor te stann sempre vicin;

quant se sposta el capatass

c'l'atre el segue pass per pass,

quel va avanti e c'l'atre via,

par ch' lavorne a mezzadra. 

E tutt chi atre ch' gi fan part

del compless de 'te repart ? 

C' Muraga, Pulastrn,

Calimero ch' el pi pcin,

e Precetti, la Mungana,

che fra d' lor se dan la mana. 

E adess me vien in ment

c'n' anca 'n antre de 'st'ingredient,

capitt chi ? Castagna,

per lavr en fa la lagna,

ben piantat e bel robust.

te lavora sempre d' gust,

mo per straordinari:

ariva sempre fori orari.

Nonostant 'sti pregiudissi

qualcun atre c'ha chel vissi. 

Vlm parl de Ciabaschin ?

A pensacc vien el mal fin. 

Quant ariva a la matina

dic: "I ho fatt c'la facendina,

en poss st s'en facc l'arnor,

me vien subte el bon umor !

No' i dicem " Mo lascia g,

d' arcont tutt 'ste bug !

e alora l s'arabbia

com 'na bestia ch' t'la gabbia,

e t' rispond  sa un cert orgoi:

"Famm prov sa la tu moi,

el vedremm s' 'na bugia,

la conferma t'la da la !".

Te'l repart un po' pi in s,

anch mach c'n' n'antre d:

Giovann Giovacca e compagnia,

lor n sempre in euforia,

ogni tant te fann l'inchin,

gi perch sotta el lor banch

c' el buttiglion del vin.

P'r Giovacca un brav ragass,

caciator d' lunga esperiensa,

quant va a caccia en arvien sensa:

fra i lepre ch' ha masat,

i fagian ch' ha regalat,

 i cinghial che p ha arportat,

per f el post ma 'sti animal,

cert en basta el Mercatal !

No' ormai le su' bugi

en le stam manch pi a sent. 

G'vann invec un d' chi dritt,

quant ariva la matina

mosc mosc, tutt avilitt,

ha la testa un po' inclinata:

"Cum se fa a f'n la giomata ? 

Credme pur, i' me sent mal,

b'sogna ch' vagga a l'Ospedal,

i' el so cum gir a f'n,

prest me tocar mur !".

Quant dentra i spoiatoi,

fa un lament, par ch' c'ha le doi,

se 'na scarpa p en se laccia,

da veda la su' faccia,

le bastimmie ch' tira gi

en se possne arcont pi;

dop gambiat c'mincia a lavr,

tutt giuliv s' mett a cant.

El caratter quel ch'

Pe'l lavor lasciam'le st,

i' ve 'l diggh sinceramente

'n artista verament !!!

Ott, diec metre un po' pi in s

de 'st' compless facemm part no,

e cio io e Maciolla,

en voi f el tira e molla,

no' pasam da maldicent,

intrigant e ficanas,

oramai sm abituati

e perci en c' facemm pi cas. 

De 'sta GAM l'ultim acquist

Bnedett, l'avrete gi vist,

un simpattic, credete pur,

quant arconta le aventur,

e c'ha un mod acs ben fatt

ch' ve fa rida com un matt;

specialment se fa clasion,

s' mett a seda te'l bancon,

mentre magna e mord el pan

s' fa cap anch sa le man,

tutt a un quant dal banch scend gi,

dic: "Va ben, en parle pi ! ,

par ch' se sia amutolitt,

e p arcmincia come prima:

credet pur, en sta mai sitt. 

C' un soc ch' sempre d' fora,

s' alsa sempre de bon'ora,

ed stuff ch'en ne pol pi,

p'r quant s' tratta da g via

chi ce va ? Tocca ma l. 

Anca quest a la matina

c'mincia a f la fischiatina,

El sentitt ?", me fa Otello,

"Com alegre, tutt felic ? 

E' in partensa, el fischj el dic !". 

A un cert punt se ferma d' scatt

e te urla come un matt,

chiama: "Ercole, du' se'?

Vieni aiutta a carich ?

Anca te me tiri a vacca ?";

lo, mezz sord rispond bland bland:

"No, so' gitt a f la cacca !!!". 

Canzio, l'amministrator,

non sempre d' bon umor,

quant i va l'acqua per l'ort

par ch' te faccia el cascamort,

i piac d' f el stussicarell

cum faceva da burdell.

Adess p ha prs un vissi,

en pol f el sacrifissi

de st qualch minutt de pi

a la sera quant se stacca,

tant che a c'l'ora en batt la fiacca.

Qualcun dic: "Guarda l' blin,

d'ventat cum Scalabrin !". 

Chi dirig tutt l'andament

de 'sta GAM Aredament,

Castorre, el grand pilastre,

quant strani, p'r , un disastre,

mentre invec, se s d' moral,

tutt le cos tornen normal.

B'sognar pur rendse cont,

anch per non pas da tont,

che dirigia acs 'n' azienda

en se pol sempre pretenda

che l'umor del dirigent

sia costant, sempre indulgent. 

C' qualcun ch'ha gi notat

che i capei lunghi ha lasciat;

quest en per ambision

o per imit i caplon:

ha sostituit la sciarpa

che 'l preserva da chel mal

ch' l'artrosi cervical.

L'ho saputt ieri per cas

da un antre ficanas,

e cio un de chi d

che stasera en fra no'.

Celestino, un ex campion

de chel sport ch' s' fa sa i guanton,

combateva sa 'na grinta,

sol che c'l'atre en fava finta:

el colpiva sa chel destre

e la faccia sua d'ventava

un bel mus da Circo Equetre. 

Del colega la presenza

cert la GAM en pol f sensa,

sempre pront ad ogni event,

te'l servissi en fa mai gnent,

non perch i manca la voia,

perch en pol smalt la noia. 

L sempre ben dispost

quant la GAM fa le propost,

ve dir, per falla f'nitta,

che el jolly de 'sta ditta.

Prima d' f'n sta lunga storia

imprimemce t'la memoria

che se la GAM raccoglie i frutti

cert el merrit de tutti,

mo per chi s' datt da f

giorne e nott per facc lavr. 

A la fin de 'ste discors,

facc 'n auguri e bv un sors.

  

 

INIZIO PAGINA

 

 

LA VISITA 

di  Massimo  Volponi  -  Urbino

Segnalata al III Concorso 2000

 

Quand so' arnut, c'l'atre giornacc,

da c'la visita, in campagna,

m' 'nut el masticacc,

un so ch, com 'na ciafagna.

 

'Niv faiend de mala voia,

com un sass dentra un torent,

intristit, come la noia

de chi en c'ha voia de gnent.

 

M'aspettava, c'la vechina,

t'na poltrona, covaciata,

dignitosa, pcina pcina,

en sembrava 'na malata.

Mo el respir era veloc,

de sudor era imperlata,

era sfnitta, sensa voc,

'na candela consumata.

 

Non un vers, non un lament,

se vedeva che sofriva,

io er rabiat, come impotent:

el su' mal m'indeboliva.

 

Du' occhj grandi per parl;

en ho apert manca la borsa,

e so' armast mal a guard,

bandonat da ogni forsa.

 

Petta 'l lett, tutto sbiaditto

el ritratt del su' maritto,

t'na medaia, sopra 'l pett,

una foto del fliolett.

 

Un la guerra, un la spagnola

ho pensat dentra de me:

en ha dett una parola,

ma fatt cenn d'avicin.

 

 

C'era sopra 'l comodin,

un mass d' carte e un rosarn:

avm fatt una partitta,

e, apena l'emi fnitta,

 

finalmente ha dett qualc:

Dotor mia, questa la vitta:

la partitta ormai fnitta,

el mass tocca armetle gi .

 

So' git via sa la cosciensa

che 'l mestier mia pol serv

sol ma chi pol gi guar

sol per questi en s' pol f a sensa.

 

Dop du' giorne, de sfugitta,

ho lett sopra un manifest:

Ha finito la su' vitta

d'un camin po e onest

 

 

INIZIO PAGINA