VRIA DI' DLA PASEGIATA
di Renzo De Schrilli
(vedi)
letta da Menina Fnti
|
En sapev daver com fa dal moment che sè git via; è dificil armedià tanta buffa compagnia ! T'ho cercat da tutt le part: in tel circol, tl'osteria, malà dov s'gioca a le cart, e persin tla spezieria.
Dmand ma Paci e pò ma Fonti, mo me paren mezzi tonti; vo a sentì mai tu fratelli, ma tu padre ... en s'capisc nient. En parlam pò de Perelli ! Dio chi nissa n'acident, lo sta ben malà dov sta, pensat fors d'fal artornà ?!
Quest en tutte picolesse, ch'l' om c'n'ha tante dle stranesse ! C'è qualcosa più important, ch' pol riuscì piò interessant: è sentit cert a parlà de quell ch'è sucéss maquà ! Voria dì dla pasegiata ... Urbin era trasformata:
a vedè tutt chi signor sa le spad e i giustacor, i mantell e i ermelin, sa le pium in ti caplin, a vedè tutt cla nobless, Duchi, Princip, Principess, a cavall d'certi ronzin poch più bei de Gagin pcin ! Tutti arnutti di' burdlin.
Elio, el Duca: nobiltà ch'saria mai dii: "Fatt in là". Ecca di atre cavalier, tutti nobil per daver ... Pansadura; Broculin, Gig dla Gemma, Cerigin, el mac'lar ch' sta per el Don, i fachin sa Baiocon,
Luminati, el fiol d' Carloni, Gambarara ... tutti boni ! E Baion dalla Cesana, sa na vecchia Durlindana ... I Bacchielli, i Piergiovanni, nobiltà de sti ultim anni ! Nando e Gino, i fioi d'Amato, quel ch'el cor i s'è schiantato perché en pol veda, por can, a soffrì la speci uman !
Paolucci el gioielier (lo en è ancora cavalier) era 1'unic, meno mal, tutt vestit da Cardinal !
|
Mo in tla faccia pensierosa i s'legeva un qualche cosa; te pareva ch'el dicessa: "Quant è bella la Duchessa!".
E Renato, el fiol del Locch, tutt'un pess ch' pareva un ciocch era pien de distinsion, tant è ver che tel porton del palass, quand s'è arvoltat, 1'hann de vol fotografat ! Chel ritratt, m' ha dett Bigetta, l'ha vlut metta in tla saletta, mo ha levat, sempre prudent, i ritratt di su parent !
C'era anch'el concert d'Urbin: una banda d'assasin tel costum che alora usava, mo chel giorn en s'intonava. Zurlo en c'era ... ma Gagin, sa chi quattre bichier d'vin, ha otenut un bel effett; dop è gitt subit a lett !
E dle dam? ... Mei en parlà: ma le donn lasciamle sta. Chi s'lamenta è sol Moscon, ch'ha perdut un'ocasion ! Se no quant n'avria chiapat sa chel lacc tutt scuradlat ! Mo el più bell è che la gent ce credeva seriament !
E un por can d'un contadin, ch' s'era pres per cas a Urbin, credend ch' fossa d' Carneval, quand la burla en porta mal, i ha dett ma na sgnorina: "Vlet el ciccol, mascherina?". Per fortuna è scapat via, imbocand t'una osteria, che cla dama aveva dett de schiafall t'un trabochett !
Chi ha inventat tutt ste lavor? Pavolucci el dorator ! Bsognerà che sta Comenda en se faccia tant atenda! L'hann avuta certi sgnor ch' c'hann fatt piagna dai dolor ! Lo ch' c'ha fatt fa sta risata l'ha del cert piò meritata ! Te salut, el mi Pacchion, e mantiente sempre bon, come quand eri maquà; mo sta atent in tl'artornà ... Elio, el Duca, è tu cugin: te chiamasser baroncin !
Renzo De Scrilli
|