I stupacc

 Presentata al II° Concorso 1999

Tanti ann fa quand er pió pcin

quand sem 'nutti a stè in Urbin

dal teras de casa mia

quardav sempre gió t'la via.

C'erne tanti giovanott

ch' tutti i giorne fin 'le ott

s' divertivne a sufiè

t'un tub d' plastica per giuchè.

Preparavne pian pianin

di foj d' carta a strisciulin

ch' messi in t'una situasion

erne tante munision.

Quand avevne fatt la scorta

canna longa o canna corta

 n' infilavne un bel pestin

in t'el bugh del tubicin

S' dividevne in do' tre squadre

con se gioca a guardia e ladre

s' nascondevne dapertutt

e sufiavne gió de brutt.

Un bel giorne incuriositt

en riusciv propri a stè sitt

dal teras prima de sera

i ho dmandat che roba era.

Me rispond un ragason

ch' pien de foj avea i calson

"fiulin mia se' mess malacc,

 questa è la canna sa i stupacc".

<INIZIO PAGINA>

per un pestin de pan

 Presentata al II° Concorso 1999

Era sera vers le sett

e del pan en c' n'era 'n ett

e mi madre “Danielin

va a cumpranne un cuncinin”.

Gió de corsa per le scal

stand atent de non famm mal

t'el garage de tutta fretta

per chiapè la bicicletta.

Tutt sparat com un danat

ch' parev el diavle "asatanat"

salla bici fori us

mo el negossi era già chius.

Girò a veda anca de là

sarà apert forse chissà

e via 'n antra pedalata

mo el problema è la frenata.

Quand ariv ma'l Piansever

propri en me pareva el ver

d'veda la butega aperta

mo la sfiga era alerta.

Per fermè la bicicletta

só sa'l pied in tutta fretta

a calsè t'el cuperton

per fermè la situasion.

Mo t' la strada 'sa me trov?

un tumbin propri nov nov

quindi  el centre in t'un moment

dio ch'i venqa 'n accident.

Facc un salt t'el mezz d'la via

quand el pied me scappa via

'na saracca contra el mur

vagg a dè propri a mus dur.

Dopp la botta er tutt un pess

quindi guard 'sa m' è sucess

tocch in gir daggh 'na tastata

c' ho la mana insanquinata.

Chel murett ch' era fatt d' nov

en aveva avut tant prov

e t'un spigol propri aguss

un gran tai sotta el barbuss.

Tra la gent che me guardava

tutt chel sangue ch' me pisciava

sensa fè tanti discors

m' hann purtat al pront socors.

Quattre punt com 'na righetta

m'hann schiafat in tutta fretta

du' garzin a mono us

m'hann tacat da pied al mus.

Fnitta la medicasion

m'hann fatt anca 'n inision

per co' era en i ho dmandat

e de corsa so' scapat

Quand a casa so' artornat

erne tutti un po' incasat

a magnè vlevne 'cmincè

aspetavne sol ma me.

Sa quel ch' m' era capitat

el pan en l'avev cumprat

quand hann vist c'la fasciatura

m'hann mostrat un po' d' premura.

Dop spiegat la situasion

ho armediat anca 'n schiafon

perchè io per fè pió in fretta

avev pres la bicicletta.

"T' avev dett d' lascialla stè

perchè ancora è d' arcmidè

e sicom me fatt stè in pena

va t'el lett e sensa cena".

In t'el lett com un torment

i pensier m' arnivne in ment

e 'sta brutta situasion

me servitta da lesion.

<INIZIO PAGINA>

EL TRENTUN

 Presentata al III° Concorso 2000

Giva d' moda quand er pcin

de giuchè sa i giurnalin

de scambiass chi novi e vecchi

che alla fin erne parecchi.

Un d'le cos pióó divertent

ch' facevàm ogni moment

era quella de giucài

prima ancora d' baratài.

Se giucava a sett e mezz

sia chi novi che chi grezz

mo la gioia de ognun

era quella dei trentun.

Se puntava el giurnalin

sensa fè tanti casin

se guardava quant costava

el su press se dimezava.

Stabilitta la giucata

e cuperta la puntata

el massiér dava le cart

sol tre p'r ùn e sensa scart.

Per spiegav com funsionava

el valor lor se somava

se potevne pó chiamè

tutt le cart ch' ùn vleva avé.

La giucata la vinceva

chi le cart pió belle aveva

per la somma de ognun

pió vicina mal trentun.

Pasavàm acsé le or

tra le gioie e tra i dolor

c' era chi faceva el goss

chi perdeva a pió non poss.

Quel ch' vinceva te rideva

e qualca volta te sfoteva

te faceva anca blin‑blin

mo tocava stè sitin.

Se poch poch el gioch gambiava

e la fortuna t' aiutava,

era el cas de continuè

per potéss un po' arfè.

Mo se invec la situasion

continuava c'la canson

se 'l destin t' mirava dritt

te mandavne anca pulitt.

Se smeteva de giuchè

ch' era ora d' gì a magnè

chi faceva da leon

chi mandava gió i magon.

Qualca volta arpensavàm

ma tutt quel che facevàm

e per chiuda la giornata

gió 'na gran bella risata.

<INIZIO PAGINA>

PAURA

 Presentata al III° Concorso 2000

Paura d' viva, de murì
e per tutt quell ch' se sent a dì
paura d' movme, de pensè
e per tutt quell ch' pol capitè.

Paura d' gì per strad e sentier
e de sapé ch' se' amica d' ier
paura me fa la tu belessa
perchè me da l'insicuressa.

Anch' a vlet ben me fa paura
mo t' ne voj tant, stanne sicura,
per te ho giurat l'amor eterne
per te girìa anca t'l'inferne.

Anca 'l tu amor me fa paura
perchè te veggh tant' insicura
per te farìa un bel girotond
e t'amerò finch' dura el mond.

<INIZIO PAGINA>

EL DUBBIE

Segnalata nel IV° Concorso 2001

 Da quand me so' avilitt

vel voj metta per iscritt

che quand facc' le patat fritt …

me se vogn tutt el piancitt ...

Cl' atre giome er un po' aflitt

t'la cucina stav sitt sitt

vaggh a preparè el cunditt­

me s' arvogn tutt el piancitt …

N' antra volta incuriositt

mentre staggh a fè el sufritt

me sentiv ringalusitt ...

en avev vont el piancitt ...

Quindi tutt rinviguritt

facc' du' salt, vaggh a gamb ritt

t'la padella sa du' ditt ...

facc' caschè tutt t'el piancitt ...

Cl' esultansa ma traditt

brutt teston imbarbugitt

ma tutt' ora en ho capitt ...

se me so' rincoionitt ...

<INIZIO PAGINA>

TIC TAC

 Presentata al IV° Concorso 2001

Passa el temp, pasne i' ann

vann e venghen i malann …

ce scordam dle belle cos

quand tutt' era acqua de ros ...

c' arcordam sól d' quel ch' ce par

che de fatt en è 'n cas rar ...

passa el temp che a malapena

facém cas de cla cantilena ...

tic tac … tic tac … tic tac ...

ogni colp gió dentra el sacc ...

sensa veda che dietra d' no

ogni tic è 'n tac ch' en arvien pió …

<INIZIO PAGINA>

Tla nebbia

Segnalata V° Concorso 2001

Scapp de casa quand so' ma'l cancell

el mond è sparitt, el mond en c'è 'nvell.

            Pian pian m' incamin 'na molla me scatta

            en s' ved 'na "madonna", en so do' gì a sbatta.

Me par de sognè incminc a stè mal

de veda tutt grig ste mond irreal.

            Sta nebbia ch' te penetra fin gió dentra 'i oss

            te mett 'na tristessa, te fa 'nì 'l singhioss.

Ariv ma 'n giardin quand spunta 'na rosa

'na forma de vita o chissà chissà cosa.

            La guard per un po' e prima d'gì via

            m' acorgh che d'un colp è grigia anca lia.

El cor c' l'ho tla gola sta robba insicura

'na cosa l'ha fatta, m' ha méss la paura.

            Alora un pensier me vien tutt' in fretta

            me entra tla testa, mo i' en 'i daggh retta.

E s' ce fossa la mort malé che m'aspetta?

el se' sa chi diggh: «mo chiappla in tel cul minghetta».

<INIZIO PAGINA>

Tra de me
 

 Presentata al V° Concorso 2002

Un giorne per cas un d' quei ch' en s' fa gnent

m' artrov tutt' un quant in mezz' alla gent.

            De colp tutti s'girne e sensa 'n perché

            me guardne me fissne e smettne d' parlè.

Mo subbit s' arcoien, se gratten el nas

s' armettne a discorra e nessun c' fa pió cas.

            Stranitt e sturditt m' apogg contra 'n mur

            ste fatt acsé stran m'ha rés insicur.

Io ch' en avev fatt gnent propri de mal

ho avutt la paura de èssa ... normal.

<INIZIO PAGINA>