|
Bugiardino del Paluss
- 1° premio -
di Giovanni Volponi – agosto 2017
1° Premio poesia - XVII Concorso 2018
Periodo d'insorgenza:
Tipich
del giorn, spec dop prans,
aumenta sa 'l gambi de stagion,
dop na gran faticata
o sotta l'ombrellon.
Esordio:
Prima la palpebra ciondola
po' la vista s'anebbia
incminci a sogné che manch t'acorgi
te archiappi de bott
guardi intorne che nisciun t'abbia notat…
No: l'è fatta franca.
A chel
punt el rilassament prend el sopravvent
e cmincia el paluss ver e propri.
Durata:
El temp d'un ave maria per i pió
nervosetti
na decina de minut el temp minnim
la media oscilla tra 'n quart e la mesz'ora
sopra la mesz'ora pó sfocié in "dormita
della grossa".
Sintomi:
El paluss consist t'un
sonn ristorator
ma non profond, l'udit è sempre all'erta
e al minnim segnal el palussar è pront a
scatté in pied.
Luoghi di manifestazione:
Te pol chiappé dappertutt.
Dalla sedia scomoda dla tavla da prans
al divanett petta la tivù,
mo el gust piò gross tel dà la sedia a
dondol.
Contagiosità:
El paluss è altament contagios:
un sbadigl tira chl'atre
e t'un lamp
tutti c'han na gran voja de buttas giò du
minut.
Cura:
L'unnic rimedi è daj corda e
spté che passa.
INIZIO PAGINA
Ancora
-
2° premio -
di Oliviero Luslini
- Urbino
2° Premio poesia - XVII Concorso 2018
Oh mi' bella Urbin,
quand er pcin
dentra le tu' mura
giocav fin a nott scura.
Eri la mi' casa spensierata,
mai t'avria lasciata.
Ma mi' padre fischiava
e dop urlava:
"Oliviero vien a casa! En te basta da stè
fora!"
Ma io: "Ancora, ancora!".
COM UN SPECCHIE
- 3° premio -
di Maria Teresa Spaccazocchi - Peglio
3° Premio poesia - XVII Concorso 2018
Come gusc de noc
pietra grigiastra
nascond l'anima inquieta.
Come capej onduleti
coppi roseti
cuprun la ment capricciosa.
Come ossi visieti
trevi spacheti
regne el spirrit vivec.
Come occhi curiosi
finestre spalanchet
robne segreti all'infinit.
Come nei tla pell
oggetti bizzarri
tacheti so a lonteni ricordi.
Come specchie de me
la chesa riflett l'amor
per l'odieta malinconia.
INIZIO PAGINA
Cla bambolina
pcina...pcina....
- 1° premio per la prosa
-
di Gianfranca Ruggeri - Urbino
1° Premio prosa - XVII Concorso 2018
En c'era nient da fè, cla bambolina dla
Mira Lansa, gira e argira, m'era entrata propi tla
testa. E pensè che me c'er imbatutta quasi per cas, un
giorne che, tla cucina dla nonna avev vist, sopra el
tavlin, chel librettin pcin pcin, che po' era el
catallogh di' premi. Dacsè, tant per passè el temp, avev
cminciat pian pian a sfoial. 30 punt- du cucchiain ; 45
- 2 bicchier; 70 - 3 piatt; 150 – 3 padelle; 200.... e
po'.... tutt'a na volta t'ultima pagina l'avev vista.
Bambola Susanna in gomma morbida: altezza 20 cm, occhi
azzurri; capelli biondi pettinabili. Capelli biondi
pettinabili? Era tropp bell, en poteva essa vera... per
250 misre figurin te davne chel spettacol de bambolina.
Invec era propri dacse', el regolment diceva che, se
entra sei mes i mandavi tutt cle figurin, la bambola era
la tua. E dacsè saria statt. C'era sol un para d'
inghipp da risolva, mo ormai avev decis e nient m'avria
fermat. La prima bega, a di el vera non propi da poc,
era avè el permess dla nonna che, tutta vestitta d'ner e
sempre sa la corona tle man, me me metteva un po' de
soggession. Mo dato che, sensa de lia, en se giva da
nessuna part un giorne che sembrava piò de bonumor e
cantava na cansoncina de San Remo, mentre girava el sug
sai pendulin, " A propossit, nonna" avev dett sa na voc
che per l'agitasion en me pareva manca la mia " sa è
decis da fè sa chi punt dla Mira Lansa?" Lia aveva smess
da cantè e m'aveva guardat come s'avessa vist o sentit
un marsian, po s'era argirata vers el sug ch' bulliva e,
sensa guardam tla faccia "Sa c'entren i punt dla Mira
Lansa adess, ch'è anca ora da magnè?" aveva rispost mez
tra i dent. " No dicev dacsè per di'" avev continuat io
tutt d'un fiat, per paura da perda el coragg "perchè io
avria pensat da fè ni cla bambolina da 250 punt. Ecco l'avev
dett e lia, sa un mezz sorriss "Ah' te avresti pensat..
me piac... e da quant in qua, tun sta casa cmanden i
burdei?" Oddio, en era d'accord, quindi en c'era nient
da fè. Mo en avev manca fatt in temp a perda la speransa
che in du parole aveva conclus : "Comunque io i punt en
i facc, ansi c'avrien da essa anca dentra chel cassett,
se i vo' i po chiappè, che ma me me fann sol confusion.
Quant alla bambolina, fa pur, mo en contè sul mi aiut, è
da fe tutt da per te.. " Sicur che facev tutt da per me
e sa ce vleva, l'important era avè a disposision tutt
quel ch'ce vleva. Dacsè er gitta tel cassett, du è che
c'eren tutt cle figurin che ancora odoraven de bucat e
avev dat ufficialment el via ma la raccolta. E ogni
volta ch'apriv un detersiv o na saponetta era sempre na
grand emosion: 5 punti, porca miseria, eren un po'
pochini, mo 20, porca paletta, tutti a na volta, eren un
bel po' daver! E dacsè, mucchia, mucchia, er errivata ma
i fatidici 250 punt. Alè la bambolina era la mia. Oddio,
propi del tutt ancora no, perchè machè niva fora el
second problema. Cum se mandaven via cle figurin? C'era
scritt che tocava fè un pacco postale e po spedill all'indirisso
tal dei tali. Insomma en sarà statt manca tant difficil,
mo per na burdella de 8 ann e mezz, en era manca facil
del tutt. Po', com è vera che la necessità agussa
l'ingegno, m'era nutta n'idea. Avev fatt un bel pactin,
l' avev legat ben ben sal spag e sa na faccia messa
spauritta e messa sfacciata de chi en c'aveva nient da
perda, er gitta ma la "cooperativa" du facevam la spesa
e l'avev fatt veda ma la commessa. Lia, sensa tante
domand aveva capit tutt. L'aveva pres e "Dam ste figurin
valà" aveva dett " che per stavolta ce pens io, mo en ce
chiappè tant el vissi". Evviva, adess era fatta per
davver, bsognava sol aspettè. Un mese, due mesi, tre
mesi.... sei mesi eren troppi, ormai avev pers la
speransa. Po, un bel giorne invec, la Bambola Susanna
era arrivata chiusa dentra un pacchett, ch'april faceva
quasi impression. Stav malè incantata a guardè, quand la
nonna, ch'adess ch'era arrivata, era curiosa anca lia da
vedla " En l'apri?" aveva dett e io " Se adess l'apre"
avev rispost" Mo me tremaven le man... E se fossa statt
un schers, un gioc, un tranell, se m'avessser pres in
gir e tel pacc en ce fossa stat nient? E se fossa stat
un sogn ? Se...se...se... basta. Tocava aprì. E dacsè
pian pian avev cminciat a scartè el pachett e lia era
malè. Bellissima! Cert, 20 cm en eren tanti, era un po
pcinina, i occh en eren azzurri mo marron com i capei,
che pro eren pettinabili davver, com c'era scritt. L'avev
presa ti bracc e abbracciata stretta stretta, cum
s'fossa un fiulin "Mo è na mulicca" aveva dett la nonna
che anca stavolta en aveva pers l'occasion da ste sitta."
E BELLISSIMA" avev dett io sa la testa ritta e
l'orgoglio de chi era riuscit t'una grand' impresa" Se è
blina davver" aveva aveva ripost allora lia, abbassand
el sguard, mentre tirava so sal nas, come se c'avessa el
raffreddor, mo.... me pareva ch'piagneva.
INIZIO PAGINA
J albre
-
segnalata -
di Anna Rita Ambrogiani - Urbino,
12 febbraio 2017
Segnalata al XVII Concorso 2018
J albre in t'la nebbia
èn meravigliosi.
I ram scuri, intreciati
vann vers l'infinit,
se perdne
in ste chiaror inconsistent.
E' sera
e è com s'en fossa adess…
pió gnent.
Nè pió dispiacer,
nè pió dolor.
Quell ch'te circonda è com
un po' d'calor
de gran bracc persi
in 'ste chiaror profond,
maché in tun 'ste angol
pcin e silensios de mond.
INIZIO PAGINA
TUTT SUDAT
-
segnalata -
di Luca Busignani -
Cagliari
Segnalata al XVII Concorso 2018
M'arcord quand er pcin,
'i estat pasat tun chel vigulin.
Quanti calc ma chel palon,
quant saracch ma chi purton.
Le Stalacc el nostre camp,
da so' in cima fin a Valbona
eran cors a perdifiat.
Quand la palla giva gio'
en ne potevam già pio'.
Se chiapava la via Stretta,
tra un rimbals e un davansal,
'na vetrina e 'na cunetta,
l'arvdevi tel Mercatal.
Quant sgambat in cle disces
tra le sfid e le contes.
Quant risat e gioia pura,
ce mancava la misura
d'una gran felicità.
Ma Bramant c'l'arcurdava,
quand chiamava sa'l su fischi,
"vien mache' brutt disgrasiat'
en el ved' ch'se' tutt' sudat?"
INIZIO PAGINA
L 'AMOR PIÓ DELICAT
- segnalata -
di Antonio Fontanoni -
Sassocorvaro
Segnalata al XVII Concorso 2018
L'amor piό delicat
che sia stat mai creat
è tra j alber e le piant
che se amen da distant
Afiden mal vent
i lor sentiment
e per potés impolinè
da quel el fann trasportè
El lor amor è acsé delicat
che da 'n insett è trasportat
INIZIO PAGINA
IN CAMPAGNA
DALLA SIA - segnalata -
di Enaide Galli - Urbino
Segnalata al XVII Concorso 2018
Quand er pcina, d'estat giv, per 'na
quindicina de giorne, in campagna da la mi' sia che me
teneva volentier. Ma i "Dunin" c'avev el sens dla fameja,
me sentiv protetta e tutti me vleven ben.
Tun cla casa de campagna, ce stavne la
sia, el sio, la mi' cugina, el mi' cugin, n'antre du'
sii e 'na sia tutt'e tre zitelli: 'na mucchia de person,
ognuna presa per quel ch'era, ognuna sapeva le su'
mansion, i su' diritt e i su dover. E anch'io truvav el
mi' post. la mi' sistemasion.
La cucina m'l'arcord granda e un po' in
ombra, perché tenevne i scur acostati per fè un po' de
fresch tun cle calde giornat d'estat. Dal sufitt nivne
giò a spiral du' o tre strisc de carta apicicose per
chiapè le mosch che ronzavne numerose e stavne quasi
ferme in alt sopr' el tavol. C'erne pochi mobbil e j
utensil per cucinè erne tacati so sopra el lavandin e
sopra el camin.
C'era 'na scala de legn che giva mal
sottotett, ma era pericolosa per no burdei e en ce
potevam salì, mo io me sgulinav da gic so.
Tre port portavne tle cammer: due erne
propi al pari dla cucina, per cl'atra c'eren da fè du'
scalin, po' c'era un coridoio e da malè s'entrava tun
clatre. Quand io e la mi' cugina aprivam quella di sii,
facend alsè el saltarell, niva otra un mist d'odor densi
e nauseanti, mo facev finta de gnent. Aprivam le
finestre, sventolavam fori i lensol caldi, batevam i
cuscin che ancora c'avevne la forma dla testa e erne un
po' gialli dal sudor. Dai cumudin tiravam fora j urinal
e butavam la piscia tel camp de sotta, 'na cosa per me
propi strana che me faceva storcia el naz.
Me piaceva 'na mucchia quand se dava da
magnè ma le galin, mo questa era na robba ch' facevne le
sie perché tocava dè la quantità giusta e butè ben larg
el mangim tutt intorne. Io potev sol stè a veda o al
massim tirè un pugnett de granturc. "Cir, cir, cir…. co,
co, co.." Le galin sbugavne da tutt le part, sal coll
alungat in avanti, le al aperte, le samp quasi alzate da
per terra, corevne a frott vers el centre dl'aia do' la
sia spargeva sa sapiensa i chicch a pioggia. Le galin
becavne velocement e quand en trovavne più gnent,
alsavne la testa e la movevne a scatt, guadavne sa n'occh
vers la sia, se fermavne, aspetavne, alsavne ora 'na
zampa, ora cl'atra, facend co co gravement e s'alontanavne
sol quand la sia giva via. Dlè volt provav a chiamè le
galin cum faceva lia: qualcuna, fregata, coreva, mo se
rendeva subbit cont dla beffa e artornava a rasolè sa
indiferensa.
Era bel fermass a guardè i bua tel tepor
dla stalla, mentre el sio moveva el stabbi sal forcon,
arpuliva la letiera, po' agiungeva un po' de paja
pulitta. Le mucch e i bua stavne sdraiati e ruminavne,
guardavne sa i lor occh grossi e sbatevne ogni tant la
coda o la testa per liberasse dal fstidi dle mosch che i
giravne intorne. Avev paura d'avicinamm e da tocai,
perché anca el sio me diceva de stè atenta ma chi corne
lunghi!
Quand j omin arnivne dai camp sa i bua
che tiravne la treggia, ce facevne gì sopra ma no'
burdei e per no' era un gran divertiment: "Vaicò mora,
dai bionda.." e le bestie andavne avanti lentament fin
'a casa.
Quante belle esperiens ho fatt e quant
emosion: caminè a pied nudi tl'erba morbida o per la
strada tra i sass con precausion; andè a chiapè l'acqua
tel poss e portè l'orc t'un fianc; arposass a l'ombra
dla quercia dop magnat tel silensi dla campagna du se
sentiva sol el vers monoton e sensa fin dle cical; stè
tutti insiem, alla sera, intorne all'aiola del camin, a
chiaccherè e scherzè e magnè un ova fatt sudè sotta la
cenner; sentì l'odor dla pasta e fagiol o del sug sa le
salsicc; andè de nascost du c'era tutt el gran per
caminacc sopra e sprofondè fin quasi i ginocch ridend de
gust sensa badè ma la polver dla pula che s'alsava e
riempiva la stansa e la bocca; imparè a fè le prim sfoj
de pasta in pied sopra'n banchett per arivè ben mal
tavol; portè da magnè mai grand ch'erne ti camp a mieta;
sfojè el granturc tl'aia fina tardi sa la luc di lum;
andè a fè "i bisogn" tel capann riparat da le frasch o
tla stall; rida de tutt e divertiss sa gnent.
INIZIO PAGINA
Argo
- segnalata -
Stefano Mancini Zanchi 2017 -
Fermignano
Segnalata al XVII Concorso 2018
In tutti 'sti ann'
passati insiem
è pres per te
tutt'le mi pen.
Mai un scresi,
o ch'avemm litigat'
S't'ho fatt calch' sgarb'
m' è perdonat.
Se calca volta
t'ho fatt' calch' soprus'
Mai una volta
me t'nutt' el mus'.
Se ch'er nervos
e t'tratav' malament
par ch'rispondevi:
"…en i fa nient'!"
E quand' cla sera so artornat'
nesuna festa, manc'un latrat…
Petta 'l camin, acovaciat
eri ormai mort: m'avevi lasciat….
E' statt'acsé che te sitt sitt
M'è abbandonat e se' partitt.
El dispiacer m'ha prese l cor
Poc' c'è mancat' per un malor….
Resta el ricord d'un amicch fedel
e una domanda: "sarà volat' in ciel?".
INIZIO PAGINA
|