'NA ROTA CH' GIRA

Presentata al Concorso 1999

L'aria fina de Urbin

en la respirav

da 'n bell pestin.

En vedev l'ora

ch' arivassa l'estat

per gi' a fè un gir

sott' el loggiat.

La faccia de chi cnoscev

l'ho vista invecchiata,

en è stat 'na gran sorpresa

e piò de tant en m'la so presa.

Sicurament

'na cosa era vera

en è pió com 'na volta era,

me mancne

i punt de riferiment

d'un po' de sie e de parent.

N'èn sparit 'na mucchia

de chi antenat

ch'm' hann difes e coccolat.

Se va avanti lostess

mo di ricord

ho pers i pess.

Tant volt la vita è cruda

e te par d'armana nuda.

Mo se sa c'è i alt e i bass

e caminand a gran pass

pensav che per certi vers

se prend' el post de chi s'è pers.

'Na volta givi da lor

per fatt capi'

adess ma chi p'cin

è da stè a senti'.

Io la mi' part l'ho sempre fatta

e per quell so' sodisfatta.

Tutt normal e m'acontent

sensa fè tanti lament.

D'una cosa p'rò m'importa

al cimiter d'Urbin

vria gi' quant sarò morta.