la  festa  d'la  cometa

Urbino, 30 agosto 1964

I' la scola avev gia' fnitt,

er gia' tutt ingalusitt,

perché dop de tanti mes

artornav tel mi paes.

Ma s'ho 'rmast pio' che mai g'lat,

quand un tal, dop salutat,

ha credut d'fam un favor

sa 'n discors de ste tenor:

« Ma lei parte Foscolino ?»

« Si ritorno la' ad Urbino,

per passarvi le vacanze

nella casa a quattro stanze».

«Ma davver vorra' scherzare;

tutto là sta per crollare;

anche oggi, proprio adesso,

lo si è letto nell'Espresso,

S. Francesco, i Capuccini,

e financo i Torricini,

lo si vede dal d'intorno,

slittan più di un metro al giorno;

e la Radio e la Tivù

hanno detto anche di piu'

che sicur tra men di un mese,

del suo grande bel paese,

rimarran sol calcinacci,

tre mattoni e quattro stracci !»

A sentì tutt sti discors,

m'è nut subit un rimors;

me so' dett d'entra de me:

se Urbin sta per caschè,

se va tutt a rugolon

da S. Pol fin ai torion,

se i parent e 'i amich mia,

i cnoscent e la mi sia,

han da fè la mort del sorc

tra 'n tavlin e 'n para d'orc,

anca i', perché c' so' nat

c' voj armana intrapolat.

E infatti dett e fatt,

tutt de fuga com un matt,

mess in mot el macinin,

so' partit subit pr' Urbin.

Arivat sa 'n cert afann

t'la salitta di Trazann,

m' èn scompars, e v' l'asicur,

tutt le mille e pió paur,

quand guardand davanti, dritt,

i' t' ho 'rvist Urbin tutt ritt.

Vers la piassa i manifest

ch' te parlaven de gran fest;

subit ùn sa 'na gran bretta:

«Vuol veder Romeo e Giulietta ?»

Mentre 'n antre tutt sciatat:

« C'è i lavor dl'artigianat

t'la botega d' Rafaell

fatti tutti sa l' scalpell;

c'èn i lum, c'èn i banchett,

i tapet, perfin i lett;

gitt a veda, datme ment,

per de pió non se spend gnent ».

In t'le strad un gran bacan

tra i turista sa i vilan;

i student del Magister,

quei nostran e quei stragner

ch' fann el chiass, vann a balè

fann de tutt men che studiè.

Me s'ho dett d'entra el mi cor:

" O Urbin, te se' un tesor;

e chi dic ch' machè va mal,

mo s'è tutt un carneval ?

Pró sa tutt sti gran veglion

quell ch' m'ha dat de pió emosion

è stat quand, in mezz ai pin,

propri d' front i Turicin,

i' t'ho vist, in t'la pineta,

butè pr' aria la cometa.

E alora in t'la mi' ment:

« E pensè che c'è la gent

che t'la luna te vol gi',

de sicur sol per sufrì;

tant c' n'è un de tutt sti guai

da per tutt, ch'en fnischen mai !

I' me dmand: ma che bsogn c'è

anca d'chiatre gì a cerchè ?

Non è mej butè só pr' aria,

sa ste sol, sa sta bel'aria,

sensa sprema d' pió el cervell,

com fann tutti sti burdell,

vers el ciel, sopra i torion,

un pess d' carta, l'aquilon ?

O Poeta romagnolo,

anche a te piacque il bel volo:

è cantat tutt la dolcessa

e chel mucch de contentessa

ch' tutti proven tel guardè

la cometa un pó ondegè;

e alora, te l' confess,

e te pregh subit, adess,

fa i burdei un po' content,

fai sofiè ben ben el vent;

el sè ben che tutt ste gioch

p' i burdei durerà poch:

quand sarann tutti sudati,

belle stracchi e gia' sciatati,

t'la lor vita trovarann

sol dolor e grand afann.

Sempre sol e sempre sitt,

quand d' pensà avev già fnitt,

t' ho sentit 'n altoparlant

ch' avertiva da distant

ma la gent che malasó,

'i occh e i nas tutti d'insó,

che el pevron che pió volava,

e che l'aria mej chiapava,

era d'un ch' stava a San Pol,

mentre el scond era d' Risciol;

seguitand e po' el racont:

« Ecca ch' s'alsa quell del Mont,

mentre spetta l'aria bona

la cometa de Valbona ».

E poch dop, arpres el fiat,

eccle ancora mezz scialat:

« Or s'innalza Samurai

sa Hong Kong e tutt Sciangai ».

A sentì tutti sti nom

ho d' mandat ma 'n pisardon:

«Mo csa c'èn anca i cines,

sa i indian e i giapones ?»

Sa 'n gran guant sopra t'la man,

m'ha rispost in italian:

« Lei signor sarà un turista,

la città non ha ancor vista:

i rion or nominati

sono quei dei fabbricati

costruiti là a Loreto

nella strada che va a Schieto !»

Da per me, mess da 'na part,

a guardè cle robb in alt,

m'è 'nut propi in t' la mi' ment

d'artornè per un moment

come quand er un bordell,

giv de corsa ma i macell,

o al torion de Santa Chiara,

e sa tutta 'na burdlara

i' t'asptav un sol fil d'aria,

per potè butè só pr' aria,

sa la front mezza sudata,

chel pess d' carta colorata;

e se po' da la mi' mana

me fugiva el fil de lana,

i' provav la sensasion

da volè a spindulon,

atacat in t'i cudin,

sopra i tett de tutt Urbin.

Ma chel viagg cminciat per gioc

en è minga durat poch:

la cometa ha 'n po' pian pian

pres el ref da la mi man,

m'ha portat sopra dla gent

ch'en cnoscev propi per gnent;

ha volat sal ciel seren,

sa la grandin, sa i balen,

è anca gitta per d'ingió,

mo gli ha fatta artornè só ....

Quanta strada in tanti ann,

poch el ris e pió i afann;

quand d' volè t' sarè stufata,

sa 'l fiat gross e già sciatata,

la tu carta ormai sbiavitta,

e la coda pió gricitta,

i' m'arcmand, la mi' cometa,

butme gió tun sta pineta.