|
XI° Concorso 2011 Agenda 2012: Tutti i Testi Presentati a Concorso |
Tutti gli autori dialettali |
|
Tutti gli altri testi:
Ambrogiani
Anna Rita
Arcangeli
Massimo
Borgiani
Maria Grazia
Bucci
Romano
Colocci
Giampaolo
Corbucci
Giorgio
Fabbri
Mafalda
Fontanoni
Antonio
Galli
Carla
Ludius
Mancini
Tiziano
Mancini Zanchi Stefano
Marini
Isabella
Mascioli
Davide
Spaccazocchi
Maria Teresa
Tortelli
Luisa
Vetri
Stefania
Volponi
Giovanni Viva el pan Gratat!
Volponi
Massimo
Zolfi
Brunella
Arcangeli
Massimo
Capellacci
Anna Maria
Cavapozzi
Olsano
Forlani
Maria Denis
|
Du nid di Anna Rita Ambrogiani (Urbino, 7 Dicembre 2010)
Apre la finestra e veggh du nid in t'l'acer e t'l'acacc, propi maché vicin. Ormai en c'ènn pió foj, se vegghne ben, i rest de du bei nid intreciat cum s'dev. Qualcun che s'è involat ... chisà in che part del mond è capitat? Opur, magari, gira per sti camp e se posa ancora propri in tun ste piant! Arfarànn el nid maché st'altr'ann, sa i lor gorghegg c'alieterann o t'la pansa d'i mi gatt ... fnirann?
di Anna Rita Ambrogiani (Urbino, 25 Aprile 2011)
M'afacc' ma la finestra e guasi tocch i ram e le foj d'j acer montan. Più in là è tutta nebbia che fa mur per camp e grepp, se ved a malapena ch'el boschett. Fora dal mond, par, isolament, sembra che oltre a quest en ce sia gnent. E pens che qualca volta c'vól da stè cosé racolt, un po' da sol, anca se poch più in là c'è un pó d' rumor ... E' sovrastat tutt dal cant legér d'j ucell in tun sta matinata d' temp poch bell. Per ogg me piac a stè d'acsé racolta, ma ste mond matt j voj chiuda la porta. Dman, sigur, attornerà el seren e tel mond matt de nóv ce trovarem.
'Na risata di Anna Rita Ambrogiani (Urbino, 16 Settembre 2010)
Te risolv tutt'i dolor (tel moment) guasi guasi, anca el ma 'l de dent. 'Na risata contienn tutt, fa pasè i moment brutt. C'è la pac', l'amor, c'è tutt dentra lia, c'ènn i sogn, la fantasia, c'è la gent, per un moment... c'è l'alegria! I sfondón, le bagianat... sol le person j'hann inventât. E' propria dla rassa mia e per gnent al mond la perderia ! !
Me piaceria di Anna Rita Ambrogiani (Urbino, 14 Marzo 2011)
Me piaceria che qualcun publicassa la mi' poesia, gnent a che fè sa Dant mo pró me piaceria, me piaceria tant. Le poesie en vann tnutte per sè, mo vann divis sa ch'j atre, i' pens d'acsé. I' scriv dla vitta, quel ch'sucéd e vienn, e spess butt gió ch'el cor pió en ne tienn: dle robb de ch'j atre, mia, del cas, quel ch'sia. E alora cerch 'na matita, un fojarin per ferme sti mi' pensierin. Perchè... Te vienn a l'improvis, dai, mett gió, si no dopp en t'arcordi pió, un pesstin d'carta, 'na penna o 'na matita, te vienn acsé en è 'na gran fatiga. Qualca volta un po' c'arlavor, le sistem mej, mo gambien poch, i pensier èn quei. Vria studiè mej la metrica, le rim... mo ancora en so' riuscitta, el temp è pcin. La pasión per el dialett l'ho sempre avutta, pó un giorne ho cminciat e cosé ... ho continuât. M'è nutt per schers e pó c'ho prés gust a butè gió qualch vers. All'inissi, en avria mai pensât da scriva 'na poesia, sopratutt in dialett, e invec me so' messa a arcontè la mia ... Per me è acsé, en vaggh cercand atre, se valne gnent... el giudicarann ch'j atre. Me piaceria... mo da 'na part me diggh 'en ce sperè perché magari tutti el vrijne fè. En è question de sold, servne anca quei, e se qualcó ariva è sempre mej, mo el motiv è divers: è 'na pasión, un sogn, en è temp pers.
Speransa di Anna Rita Ambrogiani (Urbino, 14 Marzo 2011)
Un barlum, un pensier che se snoda tel cel. Una luc, una scia, un azurr più profond per i dolori del mond. E la senti, la vedi e guasi en ce credi; e la vedi, la senti, in balìa d'i venti. In tel mezz, de front, chiappa tutt l'orizont, tutt' el cel chiappa già l'urle dl'umanità. Sé è urle, è dolor, mo è qualcó ch'vien dal cor, de chi cerca d'gambiè ste mond ardott d'acsé. E' speransa ... e non sia soltant utopia.
Un vecchj a l'Ospedal di Anna Rita Ambrogiani (Urbino, 1 Agosto 2011)
Pulitt o sporch vè avanti li stess, el corp è 'n involucr, en conti pió un cass. E te par ch' pensne: "Sa pretendi da no?" Magari per lor è campat già de pió ... O Dio dla Speransa te chied du' è che stè se vedi tel mond d'acsé a tribolè. Maché, dapertutt maquasó t'l'Ospedal dovunque te giri è tutt un gran mal. La vitta che fugg t'arporta da cap. E' tutt un mister dal giorne ch'si' nat.
PER UN COLLEGA CHE VA IN PENSIONE di Maria Grazia Borgiani - Urbino
Anca te finalment Dop tant' ann de dur lavor È dat l'adio ma i "aliment" Che vendevi per cont d'lor ... Se stat brav tel tu servissi E adess godi el benefissi D' fè la vitta da pensionat E' un ripos meritat. Sa la faccia sorrident Te servivi ogni client Anca quei che ogni tant Fan rabí anca ma i sant. Sempre calm, paciott paciott En t'incassi manch sa i casott; brav e bon da fè ogni cosa se s'rompeva anca qualcosa l'arcmdavi e tel pió bell favi el manich ma 'l cortel !... In tla testa sempre el brett Sia d'inverne che d'estat, dic chel porti anca tel lett qualchedun c'ha arcontat. E' paura dle malattì Ch'ogni tant te fan sufrí Mo el più gross incovegnent Vien dal "tub de scappament" ... C'è la mania dla toccatina, 'na caressa sa la manina, mo sa clia tle panchin en 'i givi manca vicin ... Adess sé 'n liber cittadin, pó durmi tutt le matin, gì a spass quant te par sia ai mont che al mar. pró en te nissa in ment tla testa da comprè n'antra vespa per gì a fnì a rutilon e arvendla s' en se' bon ... bada sol sa la consort, la fameia e vanga l'ort sa chi attress rinovat che no t'avem regalat. Adess l'auguri ch' te facem noiatre tutti insiem è 'na vitta da pensionat tranquill e beat, sorident e gioios godend el meritat ripos.
'Na sera d'inverne di Colocci Giampaolo - Carpegna
Cima 'na poltrona a sdrugolon' Cucchiat' davanti ma 'l camin' Guard' i cepp' de carp'ne e de cerr' a brucià Spicca il lor' particolar' odor' El su' foch' fa luccicà tutt'intorne ... Le su sfiammat Me fan veda d'i color Ross arancion ed azzurr Mo anca di folett o di piccole diavolett Che i corr su per il camin. Stat sarà perché ho bevut Un po' del fiasch de bianchett Dla vigna del mi por nonn Ca s'trova vicin al foss'a Mercatell C'm' argalat el contadin ch' la cura adess. Sent'anca le campan da mort Me dispiac per q'el poret El mettrann tel nov lazarett Almen en c'ha più da pensà Ma sta vita antrufolata. Quasi quasi me ven voja Da cocia du' castagn Du' patat o du' sancicc Che sa sto vinell en stona mica E me rend più allegra la serata. So' tropp stracch che ma paluzz Quasi quasi vag tel cucchie Conclud achsì la giornata Fora bufa come un matt D'matina me tocca cenda anca la stufa.
El dialett di Giorgio Corbucci - Cento
Mo perchè ce vien da scriva ogni tant Qualcó in dialett?
S'pol traducia in italien, in francés o in inglés La « brilanta » del paés?
S'pol descriva l'andament d'na palomba su ma un foss Ch's'avicina « a la cóióna »?
S'pol usè sol na parola per traducia « el rapascét »?
Belle po' le storpiatur specialment in medicina: s'va dal « lucero » a « i abét » c'è la « prostica infiambata » la « castrite insanguinata» un dolor « ma 'l cudirόn » c'è la storta d'na « garoinla » e c'è chi « s'è fatt fastisi ».
E per chi s'trova distant C'è 'na frès quasi elegant, Ogni tant se sent a dì Che « me sa milànt d'arnì ».
J MI' GATT Inventèta per i mi' do gatt: Mimo e Otto di Mafalda Fabbri - Isola Del Piano
J mi' gatt, toh , tel voj dì tantle volt, fan ammattì, tant j fa de fat blin blin com de dat un bel rasptin. Un, el Mimo, è vechiarin cl' atre , Otto, eh lu purtin ha subìt un intervént, giù malì non c'ha più gnent. Pró en genieli tutti do, quant' te guardne da chel mò sa chi occhi, chi bafett ronfne e struscne sa un afett che avecle fra i cristièn ce mettria tel foch la men. Mimo lu, com fussa gnent, com se fussa divertènt, un moment è tla cucina pu' tun lamp è sla vetrina, sopra in cima e guarda in giù com per dit “ mo chi si tu ? tu si bon de fe dasmò con tre salti sul comò ? ” “ veramènt è 'na vetrina, la vu fè sta figurina ? ” E mo tant co ce vu fè!, perché i gatt sann misurè ? già c'han tutt ste qualità la sveltessa e la beltà. Clatre, invece, cl'ho da poch È un reghèl de mi' nipot: Otto è giovne , è genjalin, me pèr propri un cagnulin, do te giri lu è malì è com se te vlessa dì “ come è bello stare quà io mi sento il tuo pascià! ” E per dilla com la stà, sent un po' sta verità: se en c'avessa sti dó gatt starìa pegg in tutt i patt, j voj ben ma sti gattin èn dó brave bestiulin, e alla fin, oh no signora, ecch el detto che vien fora: “ chi maltratta chen e gatt j van mel tutt i su fatt! ”.
LA MADUNINA DI SERPENT di Mafalda Fabbri
I' so' neta malà 'l Sass dla dal fium, un po' più in bass, diec faméi e na chiesina sa na bella madunina, arpescheta giù dal fium sempre accesi quattre lum. Dla, de front a Fossombron, bab c'aveva la pussion. Per gi otra tla città c'era 'na comodità, c'era el banch , na passarella, i' mi medre e mi sorella, dó o tre sold , en era tant per gi otra tutte quant o se no c'era el stradon per gi otra a Fossombron. Quant' vediém cla figurina, sia la sera o la matina, se c'arpens me vien da piagna, pró en ho voia d'fe la lagna, sent la voc de mama mia “ su vlem dì n'Avemaria ? ”.
Tutt le volt che c'era el vent. sotta al sol o sa 'l brutt temp, quant vediém cla madunina, missa dentra a cla casina, Madunina di serpent: i' t'ho sempre tla ment, sent la voc de mama mia “ su vlem dì n'Avemaria ? ”.
Un gir per el campsant di Anna Maria Capellacci - Urbino
Com tutt 'i ann, pei i mort e i sant facc un gir per el camp sant. Prima pass ma i butteghin a comprè un mass de fiortin. I' cnosc' tutti i pori mort che me guardne dalle tomb. Quasi tutti perché già so' arrivata a una certa età. A guardé tutt chi ritratt èn tutti sorrident me par propri ch'èn content. Facc' el gir del cimiter e per tutti c'ho un pensier, un ricord de quend'era viv bell o brut en è important, tanta adess èn ugual tutti quant. Ecch la tomba dla Cesira ch'en vleva mai fé la fila, vleva sempre passè avanti, perché lia c'aveva da fè, en c'aveva el temp da ciarlè. Chissà se se sarà pentitta da passè prima anca d' là mentre le su compagn continuen a ciarlè de qua? En bsogna avé sempre premura, tocca gì anca pianin, me diceva el si' Gigin "el temp el passa el Signurin". Poch più in là c'è anca la Nitta, sempr' è stata tanta arplitta, anca lia sarà pentitta? Ha risparmiat sold e soldin per lasciai mai su' fiulin. Adess litighne fra de lor, en i portne manch un fior. C'è anche Gino ch'era trist Perché lu quand'era cott la su' moj riempiva d' bott. La Maria, santa donna, 'i tien la tomba com un giardin, a testa bassa lia scarpisc tutt l'erbacc e i fior passit. Quand i lucida el ritratt, lu la guarda contrariât com se quel che fa fossa sbajat. Lia borbotta a testa in sù "guarda quant' par adess en me meni più". Vicin c'è anca la Fiorina che s'lamentava dalla sera alla mattina. Arcontava i su' malann, che i duravne tutta l'ann. Quas' invidie i su' malann, ha campât più d' novant'ann. Facc du pass de là del mur e trov un po' de tomb, facc'el gir per gille a veda e te trov qualch' mi collega. Han scordat tutt i rancor, par che ridne tra de lor. Chissà cosa arconterann de chi temp dietra i bancon? Le fatigat, le discussion, i contrast sa i superior, chissà se el sann che tra de lor c'è anca el direttor? Anche se ló ascolta attentament tant adess en pol dì gnent. Tra lor c'è anca la Rosina, era la mi capa quand'er pcina. Sa tutt i cicchett ch' m' ha dat c'era de che dventè matt. Te perdon perché si malé, un fiortin anca per te. Poch più avanti sulla destra, c'è anca la mi maestra. Adess rìd, mo en rideva prima se en sapev la tabellina Cert bactat su chi ditin, faceva tremè anca el taviin. Se el fasti adess, maestra mia, vedresti subit arivè el padre, la madre e anca la sia. Adess vagh via, è belle nott, lasc ste mond sensa più affann, vag a casa sa un magon che me pesa sulgroppon. Pró appena pass el cancell so felic com un fringuel. Tutt quel che c'ho da fè me par "el fior del bel cantè"
SOSPIR DE SOLIEV di Antonio Fontanoni - Sassocorvaro
Magnam i fagiol
Sensa 'na lagrima
URBIN DUMILAUNDIC di Carla Galli - Brescia
Per truvè 'na città non dla riviera scapam dal mar dù c'è sempre la fiera puntàm in alt, so vers i mont di Apenin e chiapam la strada interna per Urbin.
Avanti e via un percors nov' tra i camp ce s'apre un'antre mond tel gir d'un lamp l'aria bona, la varietà del paesagg so' propi contenta d'arnì a fè ste viagg!
Ai Trasann la sorpresa e l'esclamasión: "guarda mala só, vedi? par 'na vision, dritta e alta la regina die collin ecco, alla città ducal sèm vicini".
L'euforia dl'ultim curve, le ginestre, le mura, l'aria chiara, el solustre, i madón rossastri, el bell ciel turchin, ooh, cucchin, par d'arnàscia, sèm in Urbin!
Urbin è patrimoni dl'umanità, l'Unesco 'i ha consacrat l'unicità, è important a livell planetari, mo en c'è nessun cartell pubblicitari.
Un progett innovativ dl'informasion sarìa necessari in varie occasion intant no' collaborami sensa i lament e partecipam tutti a qualunqu' event.
De sigur merita de pió la città dù' la vita è perfetta per qualità, un post ch'en va sa chiatre paragonat sol dev'essa in altri mod valorizzat.
URBIN E 'I URBINAT di Carla Galli - Brescia
Punt d'incontre d'i urbinat è la piassa en è un post grand ch' te sconquassa sotta l'urlog o vicin alla fontana la gent passa, se ferma, s'allontana.
C'è i solit o chi arvedi dop tanti ann sa 'l gust da rida e capì le robb cum vann malé sa 'l fredd o '1 cald bei armulitti aspettam le novità tutt' inganscitti.
La sistemasion continua dla città va data ai competent dla manualità, in urbin stè in pac, magni genuin, c'è l'aria bona, le beless dle collin.
Sa 'l ciel limpid, consapevoli del bell se respira mej e s'allarga el cervell b'sognaria avé cura dle piccoless en lascè in gir mossicon e mondess.
El sporch di can l'hann d'arcoia i padron, le gomm american, pistate dai pedon, una per una tocarìa raschialle, se potrìen metta 'i cestin per smaltille.
I discors politich en fann 'na griccia intant lór la città l'hann fatta riccia, ma le scalett c'è la borra e se sguilla perchè en c'è pió chi giva a pulilla.
Du è l'anima del rispett, l'attension l'ironia bonaria, l'innata comprension? Tiena d'acont el centre è 'na sch'messa la manutension sigur 'na promessa.
El Segret d'Urbin di Tiziano Mancini - Urbino
E' sentit el Tigi Tre sa ch'ha det cl'atre lundè?! Una squadra de scensiat è qualch'ann che c'ha studiat
Ha scoperto che inUrbin erne pien i Capucin fin da quand el Gran Poeta arcontava dla cometa.
Tutt cla gent ch'era malà erne quei dla tersa età che campavne pio d'cent ann sensa manca troppi afann.
A ste punt chi capiscion stann cercand tutt le ragion per capì da do' nirà tutta sta longevità.
Sarà l'acqua, sarà 'l vin o sarà San Crescentin? Sarà 'l clima, l'aria pura o '1 preghè ma santa Dura?
Mo c'è bsogn de discussion? Tutti sann la spiegasion: el segret de sta città è la gran ... curiosità.
Digh daver, è verità, pó essa d'là pió che de qua: mo se abiti in Urbin en vo' gì a San Bernardin.
Cl'atre giorne un moribond s'arcmandava ma 'l Signor: "Prima d'gì tun d'atre mond, i' voj veda a fnì i lavor!"
En me dat l'estrema unsion s'en è finit Santa Lucia s'en è apert el Padiglion s'en arpart la ferrovia.
En comprat pur la cassetta ch'en ce vagh dentra la bara se la Data ancora aspetta s'en sistemne Santa Chiara.
En chiamat el becamort se malà a san Bernardin ma chi frat en arfann l'ort, el piancitt e anca i scalin.
Per morì sensa rimorsi ma Ca' Staccol voj preghè, voj fè un gir dentra al consorsi e alla Guinsa voj passè.
Vojargì ma i giardinett ch'en vicin al tribunal du ce givne le copiett e i malati dl'ospedal.
Se qualch'ann ancora aspett so' sigur che anca al Petricc e al parchegg del palassett finalment riuscirò a gicc.
E dacsé el foneral mia potrò fall ma la fornac montare tla funivia e tel ciel salirò in pac.
URBINO-PIEVE DI CAGNA (18 settembre 2011) di Tiziano Mancini - Urbino
Oramai el sa anca el gatt che in Urbin è pien de matt e perciò in sta situasion anca el calcio en fa ecesion.
E' success che chel squadron gioca adess sa le frasion e dacsé dop du giornat i tifos s'èn incontrat
Quei d'Urbin da l'alt in bass sa la pussa sotta al nas dighne "guarda sti sfigat c'han le scarp tutt immaltat
Per noiatre è na cuccagna capirè: en dla Pi d'Cagna no sèm grandi, sèm l'Urbin c'avem anca l'argentin!"
Pró pasati sett minut el prim gol era già nut Uno a zero palla al centro Allo Stadio Montefeltro
"En è gnent è stat un cas han pisciat fora dal vas perciò adess per punision chiaparan n'umiliasion"
"Boia porc han arsegnat tel pió bel ch'avem tacat" Due a zero palla al centro Allo Stadio Montefeltro
"Ah mo alora s'fat dacsé ce vlet propi fè incasè" Tre a zero palla al centro Allo Stadio Montefeltro
A la fin tra cap e col ecch ariva 'n antre gol Quatr a zero e palla al centro Allo Stadio Montefeltro
A chel punt ma chi tifos 'i ha sfogat un gran nervos bastimiand santi e madonn padri, madri e anca i bisnon
"Maledetta la Pi d' Cagna e anca tutta la campagna en nut so da chi lubag sa le scarp legat sa i spag"
Che vergogna e disonor el vilan ha sgat el sgnor de ste pass anca el custod vrà magnè i caplett in brod
e anca el sàbot ma 'l mercat quand girem dal frutarol ce dirà tutt sodisfatt "quattre sucin en le vol"?
El Concors de bellezza di Isabella Marini - Urbino
L'altra sera ma 'l Ragn d'Or un po' d'amie non più bordei sen ardunati un po' tra d'lor in compagnia de Nik deejey
Arpensand cla gara ambita ma qualcun 'i è nut in ment com ai temp dla bella vita trovè 'na miss, tra le present
En te digh el putiferi tutt cle donn infredulit visto che faceven sul seri sen arvoltet tutt'impipit !
"Sol ma 'n omn 'i pó 'nì in ment de fe ste gioc sa leggerezza senza preavis e senza di gnent de scomodè la dea bellezza"
En ce manca propri gnent per sfoderè el nostre sciarm èm bsogn sol de un po' de temp per affilè le nostre arm
Servirien un po' d'masagg un trattament d'un para d'mes sa i fangh le alg e qualch tiragg per la bellezza en s'bada a spes!
Chel vestit cucit adoss c'è fa stè sa 'l fiat sospes è com fossa pel can ... l'oss per chel premi tant contes
'Na colana e 'i urechin qualch anell e bracialett con adoss un po' d' lustrin èm fatt mej d'un archittet
Sèm belle sode e natural del nostr aspett sèm sodisfatt sèm genuin e per gnent artificial è tutt nostran e gnent arfatt
Adess sèm pront per la passerella avanti voj della giuria chi vuol esser lieto sia guardato ben ... so' la più bella
Se fa prest a dì concors tel giornal un titolon han decis de fè ricors tutt le donn dle frazion
No' sèm vittim dla borghesia perché campam a bass tenor en c'è pió la democrazia valghen sol le moj di sgnor!
S' èn ardunat ti lor fondin han preparat di gran striscion e marciaran tle vi' d'Urbin per anullè la premiazion
Vojne brilè come le stell dó belle gamb sotta le gonn en moi, en mamm, en sorell ma prima d'tutt se senten donn
Quest è propri un tir mancin sa stè rosp ch' hann mandat giò ha da tremè el comun d'Urbin en tutti voti ch en arivn pió
Allora digh mal promotor pensate ben prima d' fè i dann! ma che salta quale asesor dat 'n avis d' almen un ann!
Allora avanti belle sgnor sarà scritt tel gazzettin appuntamento al Ragno D'or per l'elezion dle bell d'Urbin
IL CORAGGIO DI AMARE (Le guerre, la violenza, le vendette, le sopraffazioni, il terrorismo, tutte cose che concorrono a far crescere l'odio… e a dividere i popoli). di Stefano Mancini Zanchi - Urbino
A macchia d'oli l'odio cresc e soffoca l' amor.
Sol el coragg d'amè pió fort Sapria mandè l'odio … a mort.
Festa dl' aquilon di Stefano Mancini Zanchi - Urbino
Tutt' pintichiat è 'l ciel d'Urbin; par ch'ha 'l morbill o chisà qual infesion. Ma no! Sta pur tranquill! è el sollit ciel turchin sa pió d'mille aquilon.
LA MATASSA di Maria Teresa Spaccazocchi
Che storia la mi storia, el libr d'un scritor el film d'un gran regista, un giorn fè el prim ator, un giorn l'ultim dla lista, ma va ben, va ben acsé ciò qualcosa d'arcontè.
Che vita la mi, vita, un piatt rott arconcet salla sbranga, un giorn tien c'è pó magnè, un giorn no l'è d'arconcè, ma va ben, va ben d'astmò, un pó d'sbranga ancora c'l'ho.
Che storia la mi vita, un busillic da risolva, 'na matassa da sbroiè bastaria "slisciai le gricc e le ficagn arsistemè".
FRAMMENTI DI RICORDI DI QUANDO ERAVAMO GIOVANISSIMI di Luisa Tortelli
I' en el so chi avut st'idea D'ardunac maché stasera p'r artrovè un po' l'atmosfera E arcontè gioie e malann, perché arrivati a ste punt dla vita un po' pr'un c'avrem da dì che la strada è un po' in salita!
O, a dì la verità, che propi facil en è mai gitta! Ma quand eravam bordei, el nostre quartier a dì la verità era ricch de povertà, ma se sentiva l'atmosfera d'un temp bel che mai pió arnirà!
A sti temp durant l'estat, se faceva c'le belle ammucchiat, dava gust a giochè insiem, a cut, a campana, a gi dietra i pajar del fien!
I burdei ch'urlavne e correvne só e gió fin a quand quei de casa ce dicevne d'argì só! Ma voiatre v'arcordat? Numerose le ammucchiat! Cinque o sei da casa mia, mentre tre dalla Maria, quattre o cinq da Ruffagall, i Tiboni gli Ugolini sono i fiol d' Renzin, i Belpassi, i Pantechini e le Remi le più belle del quartier eran le stelle!
Ma ogni tant la mi madre, ce faceva dle sfuriat, via burdei, tutti a casa, givne via svéltin, svéltin, e corévne senza fiacca!
Tel mi ricord c'è un sacch de gent: a partì dalla Delina, della “Gnara” la nonnina, ed Amilcare el marit sa'l giornal giva dritt, dritt.
C'era Gino “Farinella” con la Binda, la sua bella, sa l'incudine el martell a bottega a batta el ferr!
Poch più in gió c'eren le Sani con i libri nelle mani, e la nonna Caterina ma 'l Guglielm chiamava prima! Poch distant la famiglia Biani Ch'eren buoni e molto umani! Subit dop 'niva i “Palanga” Che dla via éren la stanga!
Un personagg ch'me armast tel cor, è Michelin, ch'era sempre de buon umor e faveca le battutin, anca se dietra c'era el lavor d'alsass prest tutt le matin.
Da c'latra part la Rina e Remo, a descriverli un po' temo! Dla bravura hann lasciat i segn, hann fatt ben tel ferr e tel legn!
Poch più in só c'era la Lina affacciata alla finestrina e de Tullio ben m'arcord anca se lo taiava cort!
Propi a fianc t'la stessa via c'è Renzin e la Maria, che sa i lor fiol facevne allegria!
Anca i Tiboni en hann fatt a cicca, tanti fiol e poca trippa, e poc sotta i Torricin i Belpassi sa Marchin.
Se gim vers i Capucin c'era i Betti, i Ragni e pó c'erne grandi e pcin, e se v'lem chiuda l'elench 'nim gió, gió vers casa mia c'era un bel assortiment, completava ben la via! E sa te du strof scritte in dialett, ve chied scusa s' ho 'n po' strett, perché io en so tant ben scriva, salutamce e gim a lett, perché ormai el sonn arriva! Bona nott, è stat perfett! Grazie a tutti e speram de viva, per ripeta d'incontracc e poté di' evviva evviva!
SECONDO INCONTRO di Luisa Tortelli Urbino, 29 luglio 2011
Carissimi ex burdei del quartier dla Gualatrona è passat giust giust 'n antr'ann, c'artrovam tutti insiem per gustè sta pizza bona!
De notizie nov c' n' ho poche, se non quelle de div, che tra poch dventarò nonna!
Adess m'aspett da part vostra, qualch aggiornament, perché so' in riserva, v'ho dett tutt t'la poesia, adess sa un po' d'impegn dite la vostra, che io ho dett la mia!
Arcontat qualco' de bell per tirè su un po' el moral, che dle rob brutte c'èn tel telegiornal, ce fan 'nì 'na malinconia! Ma me me vien la tentasion d'aprì la finestra per butté via la television !
E' mej arcordè chi temp quand c'era poch da magnè de quel ch' succedeva tel mond en se sapeva quasi gnent! Io me sent 'na donna fori moda perché us la penna per di' du stupidaggin, adesso c'è il computer: c'è chi ciatta, chi ce lavora per me tutt quest è arabo perciò me sent tajata fora. Lodam pure el progress, ma se vlem scambiè 'na parola sa qualcun ormai non c' è quasi più permess! Ve sét accorti che nó sèm sempre quei de prima! Ma ti quartier a chiacchierè non c'è pió l'ardunatina! Ste mond moderne c'allontana sempre pió: sé, c'ha tolt cla semplicità che non vivrem pió! Sta volta non ho avut el temp de pensè e tirè fori 'i argoment ho fatt 'na robba un po' alla mej ma se me date el voto, non m'aspetto più di un sei!
Sperando sempre di ritrovarci tutti insieme il prossimo anno!
Rondini di Stefania Vetri - Urbino
E a l'improvis tel ciel turchin 'na gazarra de puntin ... s'arvultilne, volne so e po' ecch ch'arvenghen giò ... pó se fermen tel più bell, ma en i trovi pió unvell! "Armanetve, 'nit maché, tropp c' n'avrete da arcontè". Ma en se pol fermè 'n ucel ch' vola liber in tel ciel ... S'ferma n'attim tel su tett chiappa fiat, una bocata, e pó arcmincia la volata e tra un vol e 'na pichiata, passa tutta la giornata. E la sera finalment dop tutt ste bagaiament sensa invidia e tradiment Pol durmì cuntent cuntent.
Viva el pan gratat! di Giovanni Volponi - Urbino
Ogni tant el mi' cugin (c'ha vent'ann: en è pió pcin) fa: «C'ho sempre ste palin: sa co' en fatti i passatin?» E ogni volta arcminc la storia. «Se m'aiuta la memoria parl de quand ero burdlin e, cum s'fa sa i burdei pcin, quand la mama fa la pasta se sta sitti, fermi e basta. Ma sicom en c'avev voja de guardé cum s'fa la sfoja fugiv via de sguaraguai a gioché sa i batanai, mo 'na volta la mi ma', perché vleva ch' stav de là, per el bracc me prend e fa: - Te sculacc s'artorni qua! - lo me liber dalla presa e dacsé, cum per difesa, sbatt i brace de so e de gió finché 'l destr va da per ló. Un barattol è cascat: quel più gross del pan gratat. I' me becch 'na punision: gnente pió television; ma sta cosa ha 'n gran vantagg: sa du ova e 'n po' d' formagg sa 'l e pep e un bel brodin enn nut fora i passatin! I', cla sera, en ho magnat mo ringrasio el pan gratat ch'era un kil o forse dó e, te giur, en fniva pió. Er cuntent en se sa quant er felic, ma propri tant perché per un mes bonin ho magnat i passatin».
CHE BELLA FAMEJA di Massimo Volponi - Urbino
Quand so' gitt a visitaj, m'ha chiapat un bel magon, m'ha già dat parecchi guai la fameja di succon. El pió giovin è 'n po' sciancat, el second grass infilsat, la sorella camina slalata, dcl'atra invec è indurmentata, el pió pcin va via a gatoni dop ch'ha vutt gl'infantiglioni, el pió vecch' è ubriac cott, imburnit, sciap e fagott.
Sei fratej, tutti a l'arversa, sa 'na madre brutta spersa, che apena ragasina 'niva fajend la spirlimpina sa chi quattre cuntadin d'i puder de Cà Vagnin. E difatti tutti i fratei lia j ha fatt sa sei burdei, men che 'l settim, quel del maritt, mo è mort prest giò a gambritt. Lia s'è sempre cresa bella com 'l cul della padella. L'ha sposata chel babiocch che girava sa 'n bel fiocch pett' al baver del spulverin sa chel ris da pituchin.
C'è da agiungia el su' cognat, magnauffa e sgulfanat, sciap com la broda d'i gnocch, sgamblat e ciaccabdocch. Petta '1 foch sta sempre 'l nonn, che se cred un fatuton, sbasafion, sporch e lulon, succaplata e mucicon. Bricca la nonna tra i furnei, fa la sfoja ma i su' burdei, cacianasa e cagnarola, en è gitta mai a la scola. En sapev da dó cmincè, tant en c'era gnent da curè. Me sentiv com contagiat da ste mucch de disgrasiat.
So muntat tla mia "500" e via a fuggia com 'l vent. En el so sa m'è sucess, tutt un quant so' dventat fess, me so' acort, a lè per lè, che me so' mess a cantè: "So' d'Urbino e facc el brav, cach tle cals e pó m' le lav...."
LA MAESTRA DLA I B di Massimo Volponio - Urbino
M' arcord ... adess m' arcord ... er un burdlin, Scola Elenentar "Pascoli", a Urbin. La signora Maestra ce meteva tra le ditta, in tla giusta posision, la matitta, e ce teneva, legera, la manina, per non scapè fora da la righina del quaderne sa la copertina nera, foj a quadrett, per insegne per ben ma no' scolarett. Dop 'l prim giorne, fiocc bianch e azur grembiulin, nisciun ha pió piant, nisciun burdlin. perché c'avemi n'antra mamma, com quella vera, una per tutti, che ma tutti sorideva.
« Casa-cane-babbo-letto, ma che brav ste bimbetto. Oggi giocam al "Musichiere", set tutti pronti? Stat tutti a sedere. Chi s'arcorda la favola de ier matìna? "Tutti alsavam in alt la manina. "Chi è 'l pió grand geni del penel? " E tutti in cor "El nostre Rafaell!" I nummer cardinali, la storia anticca, te corse tla palestra, che bella faticca ... "Che sol stamatina! farem 'na pasegiata." "Eviva la nostra Maestra, mej d'una fata!" 'I aquilon ... Va pensiero ... Lo Zecchino d'Oro ... C' n'è per tutti, dal gioch al lavoro. I disegn, le poesi', i detat, i pensierin ... lia era la chioccia e no' i su' pulcin. Sé, m'arcord com adess chel burdlin e la Maestra dla I B, a Urbin, dop cinquant' ann pasati com i foj d'i quaderne, volati ...
Adess lia en c'è pió, è gitta via, sopra le nuvol, ma la só, è volatta via. C'è chi l'ha vista a giagia sopra i tett circondata da centinara de anglolett, e chi invec sotta l'ombra d'un noc a 'rcuntè filastrocch sa la su' dolc voc. Dic qualchidun che gira de nott a controlè ma la scola elementar, a veda cum è. J en el so du ch'è, ma de sigur vicin, sinonca chi ha messe 'l mi' quaderne a quadrett tel comodin?
LA MENOPAUSA di Brunella Zolfi - Urbino
All'improvviso sent un gran cald ... è 'n calor stran, speram ch' en venga la febbre pens tra me, lundè voj gì a Riccion sa la Daniela, è tant che avem decis de gic! Misur la febbre, no, sto bene per fortuna, allora èn i termosifon ch' èn troppi alti e me spoj ... e dacsé ch' inizia sta manfrina!
Passa un po' de temp dall'accadut en c' pensi pió, quand ecch artorna 'n gran cald. E no ... maché c'è qualcosa ch' en va! Pó tel cervel s'accende 'na lampadina! Sta veda ch' m'arriva la menopausa? Ma no, me digh, non c'è riscontre oggettiv ... va ben qualch ... ritard è normal, mica so' 'na fiulina, me sembra un po' prest, stam a veda!
E invec c'è poch da veda! E' propi lia ... Sti calor èn sempre più frequent, incmincia un piccol fastid tel stommic, poi pian pian va su ... su ... e 'l pett el col, la faccia dventen rossi com il foch, e sudi ... e sudi ... Te de' 'n contegn ... speriment le strategie, ma te vien un gran nervos, e senti ancor più cald. Se tutta molla de sudor e subit senti fredd, e fè atre che scopritt e arcopritt ... insomma è 'na manfrina!
La notte en ne parlam ... mett un pied fora, pó el mett dentra un pó me scopre e pٖó me spoj, pó sent fred e m' arcopre ... è propi n' odissea! Capitassa solo tun casa, nisciun te ved, ste tranquilla, ma le più grosse vampat t'arriven sempre quand parli sa qualcun ... sa i cassier in banca che te guarden stran, a scola sa i bordei che te guarden perplessi, 'i amicch che fan finta d'gnent, prò te sorriden. T'armanghen du possibilità: o fe finta d' gnent o te sventoli sa tutt quel ch' capita tle man (tant el ventaj che c'è in tla borsa, en el trovi mai), oppur dici la classica frase: oh! La seconda giovinezza!
Che stupida sta fras, ma che seconda giovinezza ! se in ste period te senti sfnita, te vien sempre da piagna, se' nervosa, en te va ben gnent, c'è sempre fam e cresci come i bordei pcini. La notte en s' dorme, te svej sempre alla stessa ora com 'na sonnambula, t' adurmenti sa 'l pigiama, per pó trovat sensa la mattina ! Ma du è sta seconda giovinezza, io faria volentier el scambi sa la prima! Però a 'n cert punt ... riflett: basta avé un po' de pacensa, te vesti a cpolla, pensi che tant è la vitta ... ve' a camminè per dimagrì un po', en guardi i film ch' fann piagna, fè com cle donn ch'alla tua età dventen dle vamp, che invec di gran lament se fann l'amant.
Perchè sti lamenti, perchè en se' cuntenta ? Pensa ch' è nata Elena, la tu' nipot, l'amor tua ... E' propi vera, è lia la mi' consolasion, quand la string tel pett e la consum de basc, tutt cle manfrin me passne, la guard e pens: en avria mai cres, quest'è la mi' sconda giovinessa!
PROSA
CAVALIN - MADONNA DEL GIR - 2011 di Olsano Cavapozzi . Cherasco
Ho voja dfarconte un fatt che pur esend antich è tel stess temp atual. Prima pró bsogna ch'facc un brev resocont storich de ste event. La festa chiamata dla Madonna Del Gir, che celebra la Beata Vergine Maria, par ch' abbia avut origin tla prima metà del millecinqcent. Quest dimostra che le tradision, ch' hann avut una grossa partecipasion popolar, èn destinat a durè a longh. Infatti sta ricorensa ogg com alora se sviluppa tel gir de diec parocchj dò la Madonna arman un ann per ogni chiesa. Al moment del trasferiment tra l'una e cl' atra l'enorme imagin de Maria vien portata a spalla dai rappresentant dle dó comunità. El fatt pró che st' event se ripet ormai da secle è la dimostrasion che ancora esist un quale legam tra el present e un pasat ormai lontan. Quel che fin adess ho scrett è sol l'antefatt dla storia che ora vaggh arcontè. Era el magg del 1961, io facev ancora part dla comunità cavalines e cl' ann malé ho partecipat per l'ultima volta alla festa dla Madonna Del Gir. Anca se dop cinquantann i ricord en ormai sfocati, quant' arpens ma chi moment sent dentra d!me una gran nostalgia. Alora me d'mand: se me suced dacsé forse vol dì che un quale motiv c' sarà! Infatti, st!ann a Cavalin se ripet sta solennità ed da un pò de temp ch' me gira per la testa l'idea da potè facc una scapata. Ho valutat ben la sìtuasion e so partit decis. Alle tre del pomerigg del sett de magg me trovav a Montcalend tle vicinane dla chiesa de San Michele Arcangelo. La gent che c'era in ste borg de quattre cas era roba da non creda. Conclus i preliminar i sacerdot hann cminciat la disposision del corteo: davanti le donn, pó i burdei, i pret, l'immagin dla Madonna e dietra 'i omne. C' sèm aviati vers Cavalin in forma composta, tra canti, preghier e lettur varie. Al confin tra i dó paes un parochian de Montcalend ha ringrasiat la Madonna per l'ann de permanensa e ha espress el desideri d'un arrivederci al 2021. A ste punt sostenuti anca da una briosa banda musical, i cavalines hann pres in consegna la Sacra Immagin. Quest è stat un moment entusiasmant. C'era talment tanta gent ch' en ce se poteva mova e tutti spintonavne per potè guardè magari de sfugita la figura de Maria. A ste punt in mezz a tutta sta baraonda ho pers el sens religios e spiritual dla celebrasion. Tutt intorne vdev sol soris, abrace, baci e strett de man, gent c'sartrovava dop mes, ann e magari anca de pió. Era una festa tla festa e anch'io me so sentit felicement coinvolt. Pasat un pò de temp i pret hann ripetut la dispozision del corteo e dignitosament c'sèm aviati vers la Piev de San Cassian. Dal moment pró che una parola tira cl'atra, man a man ch' se giva avanti io perdev sempre più el fil. Me piaceva parlè sa person ch'èn vdev da tant. Ma non sol, girav continuament la testa indietra, de fianc, in alt e in bass, scrutand ben ogni canton perché lung tutt el percors a cmincè dalle cunett e ti giardin, ti balcon e tle ringhier, t'i murell e ma le finestre era un'apoteosi floreal. Ross de tutt le qualità e color che formavne scrett e decori d'ogni tip. Gerani grandi e pcini, calle, papavre, giaggioli, glicini, ortensie e tant altri ancora. Al sol pensier che tutt sti adobb sian stati fatti dalle man di cavalines, me faceva sentì orgoglios. In tutt sta meraviglia, de forme e color mancava una cosa sola el profum, che sti fior pur dachsè bei en potevne comunque avé. A quest pró c'ha pensat la natura, infatti lung tutt el percors e tutt intorne, i spai d'acac ormai fioriti parevne ricoperti de manna e propagavne un profum intens e penetrante. Presi ormai in st' atmosfera serena e festaiola a pass lent e regolar sèm arivati alla chiesa de San Casian. Ma sta Piev, che a di' el vera é un gran bell esempi d'architettura romanica, io'me sent per motivi diversi particolarment legat. Ho fatt de tutt per trové un bugh, ma la confusion era dachsè tanta che en me stat posibil entré. C'ho arprovat più volt e alla fin ho rinunciat e so argitt ma Gavalin. Più el temp pasava e più cresceva dentra d'me la voja da veda da vicin 1'immagin dla Madonna. Ho aspetat un para d'or e alle ventun e trenta me so incaminat vers la parocchia e maché la sorpresa è stata grand, perché i punti luc sapientement disposti davne tel scur dla nott la sensasion dfun gigantesch presepi. Era una vision straordinaria. Intorne alla Piev c'erne ormai poch person, ho ragiunt velocement el portal e so' entrat. La chiesa era completamente sgombra, ho girat vers la navata destra e me so' avicinat ma chel gran quadre. L'ho osservat tel su insiem per qualch minut e pò me so' soffermat ti particolar. La tela, alta più de dó metre e larga un metre e mezz abondant é incastonata t' una gran cornic dorata e intaiata sa maestria. La figura de Maria, alta, slanciata e dolc tla su espression domina la scena, ha i brace apert e le man morbide e delicat tengne su sensa fatiga un mantell enorme che sembra vlè proteggia l'intera umanità. Tla part alta del dipint dó angiulin leggeri e premurosi stann per posè tla testa de Maria una presiosa corona. El quadre tel su insiem me par bell tla forma e ti color e trasmett in chi el guarda un fort impatt ernotiv. Dop un'attenta osservasion me so inginochiat a mani giunte e guardand el vis dla Beata cercav dentra d'me le parole giust per fè una richiesta. Mentre pensav, un rumor de pass m!ha distrat dal proposit e alora ho fatt el segn ella croc e spontaneament pianin pianin, me nut da dì: Madonina protegg sta comunità che t'ha acolt a brace apert, con gioia, amor e devosion. Lentament me so aviat vers l'uscita, erne ormai le ventidó pasat. Fora tirava el vent e le bandierin s'agitavne producend un sibil che rendeva la nott ancora più misteriosa. So argit ma Oavalin e me so artrovat sa un grupp de paesan tla curva di sospir aspetand la conclusion d'un event per me straordinari. Ecch adess cmencne i foch artificial, un, do, tre, quattro, cinque e tra una cosa e cl'atra alla fin ho pers el cont. Sti foch pró, en stat un più bell de clatre per i color, le forme e i gioc de luc. Una degna conclusion d'na giornata bella e ricca d'emosion. Alla fin me so' dett: Madonina d'man arpart, ma port sa me la gioia d'avé partecipat a una festa dó i cavalines tutti, lavorand tenacement, con amor e competensa hann saput unì Sacre e Profan com mej forse en s'poteva.
LE STRANESS DLE STAGION di Olsano Cavapozzi - Cherasco
Stamatina en so el perché ho durmit più del dovut. La sveglia segna quasi le undic, me als de scatta apre la finestra e el sol intens me barbaia la vista. Abass la testa e m' apogg tel davansal. A pochi metre sotta d'me c'é 1'ort del calsolar. é ordinata ben t 'nut e c'é ogni cosa. Do colonin d'vit rigoglios e carichi d'ua, spars qua e là fann bella mostra de sè un po' de piant da fròtt e la part più esposta al sol é coltivata a ortagg. Me par propi un ort botanic. Als el sguard, gli occhj ormai s'en abituati all'intensità dla lue e malà t'un bell pogett inserit tra i tigli, cèrque secolar, acac ed altre varietà de piant, svetta imponent e solid el campanil dla chiesa romanica de San Cassiano. La giornata é propi bella e el ciel é chiar com un pagn d'bucata. I mi occh j pian pianin scivolne via, giù vers Schiet, Ga Gall, su dalle part de Montcalv vers San Ludec, ancora scendne in diresion de Borgmasan, Rio Salso e fin a Pesre e oltre, do' el ciel e mar en 'na cosa sola. Tun sti moment prov di brivid dacsé intensi che ho dificoltà ad esprima. Stupefatt da sta vision me vien voia da gridè, quant'é bella la natura! Ma c'é un punt in tutt st'insiem che me lascia un po' dubbios: é una grossa macchia grigia che ogni tant fà capolin malagiò tra chi valon. Guard piutost incuriosit, passa quasi una mezzora e la macchia vien avanti, par ch' sallarga e propi adess sta entrand tla vall del Foia. Me sa un fatt un po' curios e alora voj segui i svilupp dla situasion. A momenti s'avicina, retroced, é esitant e pu c'arpensa, s'armov d'nov ed é lotta sensa tregua contra un filarin de vent. Trascor un po' de temp e la situasion par stasionaria, ma tutt d'na volta anca el vent tira più fort e quell che io stagh guardand é un duell entusiasmant. A tenton sta mole avansa é un po' incerta, subit dop s'artira, sping ancora e pu indietreggia contra el vent en c' la pol fé. S'é arfermata par ch's' concentra, arvà all'atacch e in fin s'argira e in tutt ste tira e molla se trincera a metà dle rip di falch. Dop d'un pess el vent se ferma d' colp e sta massa en s'contien più, par na furia scatenata, avolg tutt me par propi un uragan, ma en se sent nisciun rumor. Ormai la visibilità s' é ardotta, en s' ved da che a malé, 1'atmosfera è dventata umidiccia, caliginosa e c'ha un che de misterios. Me par d' essa t'nantre mond. I rumor s' èn atutiti en se sentne quasi pió. Adess st' enorme banch grig-scur è arivat anca da me, èn vegg più gnent, manca l'ort del calsolè. Slong i brace e stregn i pugn ma en li face a chiapé gnent, en c'ha corp e manca odor é sol fatta de vapor. E' quasi ora de pranz e un po' disorientat chiud le impost e pens: com é strana la natura. E' un nebbion tel mezz dl'estat.
La rimpatriata delle belle di Castel Cavallino avvenuta il 16.05.1987 di Maria Denis Forlani - Urbino
Anche se la Vanda en era tanta contenta d'avec maché, ce sèm riuscitte lustes ad artrovacc dop de tant temp che sèm nutte via da ste bel paesin che ma la maggior parte de no' ha dat i natal. So contenta che l'iniziativa è piaciuta e parecchie han aderit. V'arcurdat quand givat a chiappè l'acqua sa i orc ma che Rusin? Quanti orc c'avet armes su per chel stradin, che sudat, che fatigat !!! E quand'era el temp da mieta e da spighè? com'erne le vostre gamb quand arnivat la sera? E no' sa facevam? Eravam tun chi fundin tel vigulin dla Ziffra a giochè sa le lunach; la dmenica tla chiesulina a giochè a dì la messa e litigavam sempre perché ognun de nò vlefa fè el prêt; e la liscia da cima al mont? Le mutande ch'avem rott e i schiaffon ch'avem chiappat !! E la bottega de Second? Malé potevi gì a comprè el damagnè a qualsiasi ora, era sempre apert e Second sempre pront a soddisfè i nostre bsogn anche quand la Lisa i portava i piatton de flschion. T'arcordi Grazia quanta mortadella è magnat? V'arcordat de Alberton, la guardia del paesin, che accendeva e spegneva tutti i lum de Cavallin sa 'na canna longa longa? E Pep Rossi che ce tirava sempre l'acqua quando giocavam la sera sotto el lampion davanti alle su' finestre? Guai a gì a rubè le noc ma Capot !!! E Tugnin quand arcoieva i sold tla chiesa s'arabiava com'un can se trovava qualch boton al post di sold. E Ciani s'imbestaliva quand el chiamavam "cinciangle" e no' giù a corra a ciampicon per chi vigulin. E l'odor del pan fresch, dla crescia sa 'l rosmarin, la crescia de Pasqua, i biscottle, le mel cott, l'arost de patat, de pundor, de manzan che se chiudem i occh ancora c'avem tel nas e tla bocca. E le laviate de conserva in gir per el paes? Chi giva, chi niva, che movimenti; e i mars e le cincee per la festa dla Madonna? Quant s' ne vedeva per la strada de Moncalend, vers el Mont, ma che Lorf, ma Niculin, ma la Piev, che luminaria, che fumaraia... e i biscott sa l'anic dla Gidia? E Gig el calsular ch'aveva fatt dla su bottega na scola de vita per i bordei? E la Clelia sempre in prima fila a lottè per fè ste mej ma no' donn? Infatti adess en se va più a chiappè l'acqua ma Che Rusin e Alberton sa un boton sol accend e spegn tutt le luc del paesin. E chi de vo' en è stat mai da Pitrin el fotografo de Cavalin a fè 'na foto e se propri en eri tanta blina te faceva anche un ritochin? Quand sentivi el rumor del tlar dla Prima eri sicur ch'era arrivata la primavera. Quanta gent, quant chiass, quanti bordei e quant'è bel arcordè tutta st' allegria.
|