|
GRUPPO DEMOPOLIS |
|
NOVE OTTAVE SUI REFERENDUM Consulenza linguistica di Lucia Fiabòn Luglio 1995
Acett l'invitt d'la vostra Diresion cari compagn d'la festa d'l'Unità, e, per en perda 'l temp, c'è 'na question ch' me par grossa 'na mucchia: eccla maquà: me sa ch' c'hann fatt pasè 'n po' da cojon in t' i ultim temp: c' hann pres per bacalà sa la facenda de 'sti referendum. Chi sa come l'affare sit gerendum?
Io, per me 'l vria gestì in maniera spiccia rispondend, sensa fe' tanta manfrina, ma cla gent languida e piccicaticcia ch' ce vria mandè ogni giorne t'la cabina sa 'n discors che per me 'n fa manch' 'na griccia e mandai a fe' 'n bagn t'la varechina. Mo intant ve digg: io so' d' Rifondasion e su 'stle robb ho fatt 'na riflesion.
Arivav da 'n sit-in, cum s' dic adess, ma 'l Self Service, malé a Pian Sevér, per difenda 'na linea de progress. Enn bravi, fini, gentili davér, mo c'è di piatt che né d' rad né dispess né pr amor, né per forsa o per piacer, enn i fann propi, en c'enn manca t'la lista e questi enn guai per un bon cumunista.
Perché en c'avevne datt, sa i macaron, come second, ch'i tre-quattre burdei? Enn el sann quei de cl'organizasion, che 'n c'è 'n piatt che ma no' ce vagga mej? che no' magnam i burdei a clasion, specialment s' èn grassotti, tosti e bei, a pranz, a cena, a merenda e da d' dgiùn? Perché en c' n' hann datt da magnè manca un? Alora (s' no maché ce stam le or!) io vria sape': csa serv 'sta tarantella d'eleggia i deputat e i senator, i consiglier e compagnia bella, faj fe' le legg ben fatte? Bel lavor, se a 'n cert punt ma 'n qualunque Sor Panella i salta in testa (s' fa per di', t' le spalle) che tutt 'stle legg enn un gran sacc de balle!
Le cinq'centmila firme s'possne arcoja sa 'n starnutt, mo dop c' vol un po' d' miliard e anca se 'n c'avem nessuna voja ce toccarà votè, sensa riguard, tutti, sensa ecession? Ostia, che noia! Mo la Costitusion? i vlem de' 'n sguard? S'en vota piò d' metà d'i avent diritt el referendum è già bell e fritt.
Alora, in qualca situasion disprata, qualch' volta, propi in cas ecessional s' podrà anca fè 'sta brutta sfachinata, mo la repubblica presidensial e i referendum per ogni sciapata ch' i vojen sol 'sti gran pess d'animal, se 'n c' fam freghè, compagni e citadin, se farann sol quant piscne le galin!
Io, quant me sent a ripeta 'sta gnornia, da 'stle gent ch' c' vrien dè certi modell, i daria 'na zampata t'na galornia o 'n calc t'el cul, da la part del cervell per fai passè del tutt 'sta brutta sbornia d'acqua d' fogna ch'i rod ogni budell. Mo sicom so ch' m' ho da damm un contegn i lasc rimbuschè tutti tel lor bregn.
El vot enn è na robba a l'acqua d' ros, compagni, minca sarem tutti cotti! Io so d' Rifondasion e so tignos, mo anca se Cossutta e Bertinotti vlessne votè sa chi quattre ploios, diria: "Compagni, ormai li avete rotti". De stle facend ma me 'n m'ne frega gnent: maché le legg l'ha da fe' 'l Parlament!
|