SCRIVERE

di  Massimo  Volponi

E' bell' a scriva, scriva è legér,

pò chiamè rida e volè per davér,

schersè e piagna, sensa dil ma nisciun,

e tutt pol fnì t'na nuvola de fum.

Basten 'na penna e un foj

per di' tutt quell che voj

in tutta libertà de pensier,

dicend chi se' e ricordand chi ér

ma chi'atre e ma me stess

sensa avé paura, sensa compromess,

scrivend sa la sincerità

sol e soltant la pura verità.

Scriva è un'arma, scriva è una spada,

pò fall in ogni temp, t'un prat o per la strada;

pò di' e pò non di',

per fatt mej capì

da chi manca la tu' voc

riesc piò a sentì.

Parlè, respirè, veda, caminè …

Quante robbe importanti da fè,

ma la tu' anima, la tu' ment

poss'ne corra veloci tra la gent

anca se te en ce se', anca da 'na galera,

sol sa'l tu pensier e sa 'na penna a sfera,

per fè e per disfè, sensa mova gnent.

Scriva è cnoscia, scriva è creè,

èn du' occhj in fuga, liberi da inventè;

e alora, quand c'ê voja, quand è b'sogn,

fa' com ho fatt io:

ho prés carta e penna e sogn …