LA  BATRACCOLA

di Otello Sorini

So’ sedut t’ la scrivania,

sto scrivend ‘na poesia;

scriv veloc e de gran lena,

e me digh “so’ propi in vena”,

quand de là chi du’ fiolacc

urlen, griden parolacc.

Un pestin soport pasient

me distoine, en scriv pió gnient,

arabitt in t’ i budei

i’ ho gridat ma chi burdei:

“Lasciat gì da sbatruclè ?

Perchè s’ no ve veng a mnè !”

S’ èn sitati, en urlen  pió

e me poss armetta gió:

cerch e pens d’arfè la rima

m’ al discors ch’ho lasciat prima,

mo me batt com un martell

cla parola in t’ el cervell:

sbatruclè, sbatruclè,

mo da du’ deriverè !

Pens e arpens ma ‘sta parola,

manch ‘n’idea me scappa fora;

a l’indietra vaggh t’ el temp;

sa ’l pensier bricch tra la gent.

Facc decìn d’accostament

dle parol che c’ ho t’ la ment.

I brificch, i batanai,

raguiàm, cinciabudei,

i batacch, e sbatruclè:

finalment se’ propi te,

el ricord d’ quand’er burdell

me cumpar in t’ el cervell,

vegh ma Ciccio Scanabucc

sa la cotta e le babucc

ch’ el pèss d’ legn in t’ una man

che faceva un gran bacan.

La batraccola è ‘n strument;

la sunaven per la gent,

la sunaven in Urbin

per le strad e i vigulin,

la sonava el sagrestan

argirandla sa ‘na man.

Era propi un gran richiam

propi com sa le campane;

archiamaven l’atension

ch’era l’ora dla funsion,

t’ un chi giorne de pasion

prima dla resuresion.

La batraccola en s’ véd  pió;

le campan en s’ leghen  pió;

hann capitt che ‘sti strument

ogg incanten poca gent;

mo el pensier me va luntan:

sarà un bén o sarà ‘n mal ?

* Celso Pretelli, sacrestano del Duomo.