SOGNO  DI  UN  GOLIARDO

Pubblicata nel 1979 in Fior de camp

Pubblicata nel I Vol. di  V' l'arcont in dialett

T’ el cors dla nott, fra dmenica e lundé,

ho fatt un sogn che só per gió è acsé :

m’è apars Fedrich, el Duca nostre,

tutt infuriat ch’ me pareva un mostre.

Per la paura ho tirat un gran sospir

pensand che anca lò fossa un vampir.

Quand p’rò l’ho vist a un metre de distansa

ho arprés un po’ d’ coragg e de speransa

perchè me so’ rés cont e ho capit

ch’ en era assetat: era avilitt !.

Lé per lé e sensa pió timor

i ho gridat fort :

GOLIARDO

Fedrich, Duca del mi paés, sor Cont,

perchè è corrugata la tu’ front ?

Se’ sempre stat benefich, generos, audac,

forsi l’anima tua non ha pac ?

Se vo’ te facem di’ una preghiera,

ades el potem fè anca de sera.

DUCA

Non è purtroppo ciò che mi assilla,

l’anima mia è in pace ed è tranquilla,

ma ho saputo, per indiretta via,

che c’è stata una baldoria a casa mia.
La mia pena è profonda ed infinita

pensando che a Palazzo si fa la “dolce vita”.

GOLIARDO

Caro Fedrich, se l’è saput per cas

alora l’ha arcontat un ficanas,

se chi l’ha dett ha travisat i fatt

è mezz imbecill opur è matt !

DUCA

Allora potresti raccontare

come sono andate le cose, non ti pare ?

GOLIARDO

Sa vo’ ch’ te digga, io en ér present ;

s’è saput qua e là per dett dla gent

che la sera de ‘sta riunion

c’è stat gran moviment e confusion.

Era formata da molti aristocratici,

professionisti, letterati e medici,

arrivati dal contàd e altri paesi

diversi ceti sociali, anca Borghesi...

DUCA

Io penso che la festa avrà dato buoni frutti

a beneficio dei cittadini tutti.

GOLIARDO

Per quel ch’è stat notat

manca l’acqua hann consumat

perchè purtropp, da nó,

a cl’ora en ‘niva pió.

Per servì ‘ste gran banchett

èn ‘nut só da San Benedett

camerier, sguatter e coch,

hann portat perfin el foch,

come se da nó, in Urbin,

en s’ trovassa le fascìn.

P’rò hann istituit una borsa per le scol

da destinè per qualcun di nostre fiol,

sempre che almen ùn c’ ne sia armast,

perchè da un po’ de temp s’è notat un cert rimpast ;

ansi, o Duca, te dirò sincerament

che la città è dventata un continent:

se giri per le strad de tutt’ Urbin

stà pur tranquill, en incontri un cittadin.

DUCA

A proposito: l’andamento generale

giù in città come va ? Va meno male ?

Perché ho sentito dire che vi sono novità,

queste sono chiacchiere oppure è verità ?

GOLIARDO

Car el mi Duca, en te preoccupè,

in Urbin c’è sempre chi c’ sa fè:

el Palass, i monument en sempre ben guardat

non sol dai custod mo anca da un comitat

ch’ se fa chiamè, s’en sbai, “pubblich ornat”.

Da poch che Urbin l’hannn fatta città d’art

‘sta gent te ficca el nas da tutt le part.

Second i calcol fatti ultimament

i dipendent del Comun en du’, tre cent.

Per l’ordin pubblich c’è le guardi d’ piassa

e per le pulisì quei dla ramassa ;

la maggior parte oriundi dla campagna

da Schieti, Cavalin e la Pitcagna.

‘Ste compless, ansi ‘ste ploton,

è ben dirett da ’n’Aministrasion

che con rara abilità

regg le sort de ‘sta città.

DUCA

I fatti sono chiari ed evidenti,

bisogna prendere dei provvedimenti,

se si continuerà per anni ancora

può darsi che il paese va in malora.

GOLIARDO

Parla pian perchè s’ qualcun te sent

dirà sens’atre ch’ s’è un bel maldicent,

per quant el pensier di veri cittadin

en pò scordè ch’ se’ sempre te

el ver padron d’Urbin.

DUCA

Queste parole mi ridanno la speranza

pensando che il buon senso e la costanza

ritorni in ogni cuor di cittadino

per l’avvenire della nostra Urbino.

Improvvisament  se sent un tintinìo,

Fedrich s’arvolta e pó me volt anch’io,

dal salt ch’ ho fatt so’ cascat gió dal lett,

sonava la sveia armessa per le sett.

LA CENA DE SANTA CECILIA 1963
Pubblicata nel 1979 in Fior de camp

E’costume,vecchia usanza,
sempre in simil circostanza
far due rime d’occasione
o cantare una canzone.

Noi ,invece, qui stasera
rimembriamo ciò che fu
i bei giorni di quell’era
che non torneranno più.

Farò un breve riepilogo
a tutti i convenuti
sui fatti più curiosi
che già sono avvenuti

e m’accingo sul momento
ad entrare in argomento
perché già sento per l’aria
l’atmosfera assai precaria.

Ho avutt sempre sta mania
per cree’un po’ d’alegria
e non sempre riesch tl’intent
perché pass da maldicent,
da intrigant,da ficanas
mo ormai ce so abituat
e perciò en c’fac più cas.

Fe el process ma quel ch’è statt
saria roba d’ventè matt
mo per non avè rimors
cambiarò subbit discors.

Se arcontè vlesmi la storia
dla ex-banda cittadina
ce vria un bel po’ d’memoria
e ste so fin a ematina

La vicenda en è manc bella
perché già da treddic mes
en c’è piò manc la Cappella.

Cert Urbin ce tneva tant
per la musica e pel cant;
oggi è cosa risaputa,
la città è sorda e muta.


Trent’ann fa,ti mes d’estat
per le prov d’certi servissi
pacevam certe sudat
e non pochi sacrifissi,
el compens che no avevam
era qualch sbattuta d’man
dalla gent che in gran massa
accorrava sempre in passa:

Ogni ann,pro per Natal
la Capella Musical
se sforsava sol par dacc
qualch cent lir pel galinacc.

Nonostant sta posision
em tnut dur per la pasion
ch’ann i veri citadin
pel decor dla nostra Urbin.

Ti servissi de campagna
cert non sempre era cuccagna,
qualca volta se magnava
e qualch’atra forse no,
c’era chi se lamentava
e diceva:-En ce veng piò!
Perché già era sucess
quel che io ve dirò adess.

Tun paes machè dintorne
A sonè sem gitti un giorne,
em pres poc come contratt
perché e’ sucess un fatt.

El pret dic.-Svlem cumbinè
piò de tant en ve poss de’
pro ve facc una cenetta
sostanziosa e prelibata
no,na cena a la poretta
cum la gent era abituata,
ho di”bosi” de qualch ann
da guarì qualunq malann.

Sa st’discors acsè ben fatt
em firmat chel bel contratt
e a la fin sempre d’chel mes
a sonè gim tun st’paes.


Dop un bel servissi d’piassa
gim so a casa per magnè
a chi temp en giva grassa
pensavam d’potec sfamè.

C’porten otra na fetina
d’mortadella fina fina,
un me dic:-Ah,io en guast
l’apetit sa l’antipast!

Nantre,invec,facendl’uchin
« Ho sentit un cert odor de fricò sal’usmarin »
E qualcun più sgolfanat :
-Preferisc la pastasciutta!
Tun chel mentre me so voltat:
eravam già a la frutta!

Credet sia na storiella?
Em magnat i fich e l’ua
sa na fetta d’mortadella!!!
Tant è ver che l’por Medeo,
ch’aveva sempre cert scapat,
sa ch’ha fatt? Ha pres un fich
e tel pret po’ l’ha tirat.

El caplan,un romagnol ,se chiamava don Gaitan
ha slargat tut do le man
e ha dett:-Ragasol
siate un poco più discreti,
questi son scherzi da preti!
A la fin pen gi’ ti guai
I avem dett:-E’ stat per sbai!

Da che por don Sant Tampieri,
trent’ann fa,me par sia ieri
anc malè è sucess qualcò
fin tant camp m’arcordarò.

Era festa d’sant’Egidi
Tla parocchia d’via Piana
Avem fatt un stusichin
Ch’arpensac vien el mal fin.

Eravam,sen sbai dicnov,
arivati vers le tre,em sonat fin a le nov,
capiret a cl’ora tarda
una fam ch’era gaiarda!



Ce metem comodi a seda
e facem ste stusichin;
una cosa da non creda:
ventisett d’chi pulastrin,
fra arost e in fricò
no avem magnat nicò.
Facend l’ultima sonata
“La canzone del Pierrot”
avem chius cla gran serata
dand mal pret la bona nott.

Per queste rime insolite
banali e un po’ confuse
vi faccio come sempre
le mie sincere scuse

e chiudo con l’augurio
che Urbin città ducale
possa riavere un giorno
la Banda Musicale
 

AGLI SPOSI

Come sempre ai matrimoni
c’ è chi canta qualch versett
chi fa el sciap da manicomi
e qualcun ch’dic du strofett.

Quel ch’io pens e dirò adess
non è cert per fè un process;
su per giò è un po el pasat
de nó vecchi, dop sposat.

Cert che quest è un gran bel giorne
sa i parent, i amich dintorne
ch’fan la festa ma sti spos
com s’tutt fossa fior e ros,

mentr’invec bsognarà dì
che le ros per l’avenì
sfioriran, pianin pianin,
c’iarmanran sol che le spin.

Se st’discors a prima vista
pó sembre un po' pessimista
dicem pur ch’so n’incantat
se le cos avran cambiat.

Vlet sapè cum girà a fnì?
quel c’suced vel dirò i'.

Caro sposo, te d' matina
alset prest, va tla cucina
e prepara un po d’cafè
o se no 'na goccia d’tè

sa un po' d’annic, ben corett
da portè ma la tu' sposa
prima ch’salsa só dal lett.

Mentre bev chel cafè cald
ogni tant t’volgerà el sguard
pensarà:- Che gran bel fiol,
guarda un po' che ben ch’me vol !

-Te ridend en prenda el vissi;
io ho fatt ste sacrifissi
p'r insegnat cum è da fè
sia da dman e lung’andè
e con quest è da capì
che machè cmandarò i'.
Acusand ste colp mancin
la tu' moj fa un sorisin
mentre rid, già pensarà:
-El vedrem chi cmandarà!-

Ed infatti girà a fnì
Su per giò cum te digh i'.

Se qualch giorn, stracch dal lavor,
t’sentirè un cert malumor,
sarè giò anch de moral
ma però, tel fè le scal,
pensi sol a cose belle
perché credi da magnè
un bel piatt de taiatelle.

Senonchè,guarda el destin,
preparat c’è un cert brodin,
entri a casa e, apena guardi,
senti odor de dad Lombardi

Quest è gnent pó, in confront,
ch’el brod doppi en è manc pront !

-Sta a senti car la mi moj
io el brod se ch' en el voj,
me fa 'nì cert languidess …

E sta atenta ch'en so' fess …

-O carin, en incmincè
tutti i giorne a sbrontolè,
quel ch’è dett l’è dett tun mod ...
e la scusa è pres del brod ...

Te s’è fatt la convinsion
ch’io stag a strascinon!
tutt i giorn sa la vicina
da la sera a la matina!

-Brava !  E’ pres propri tel giust,
quest el se’ ch'en me da gust;
so' convint ch' a lung andè
s’girà a fnì per litighi;
te 'l digh i', sta pur sicura,
n’amicissia acsè en dura.

T’ l’ho da dì: s’è un bel noios,
manda via chel nervos
perché ogg, anca le donn,
nonostant ch’porten le gonn,
arcordat c' hann i diritt
a la pari di maritt !

-Guarda un po' ste donn moderne,
en dventate i Padreterne,
permanent, i labbre ross
set bon sol da fè le moss

S’io en fossa ùn d’chi babeo,
s’ t'imparassa el galateo,
bsognaria ch’facessa us
de datt qualch schiafon tel mus!

Cert la cosa cambiaria,
el pranz pront sempre saria
ed invec, p'r en litighè,
el tu commod te facc fè.

-Se te prem el da magnè
sarà mei ch'en fè el gradass
e invec da sbrontolè
fa el piacer, bada sal gass !…

-Oh beata providensa
se me scappa la pasiensa
chiap el piatt sa la minestra
butt nicò dalla finestra!

-Sta a sentì, car el mi spos
te vo propri ch’vagga via,
io ardun tutt le mi cos
e arvagh a casa mia!

-Se daver te se decisa,
sii più chiara, più precisa,
s' succedessa verament
facc 'na sbornia da oli sant
festegiand l’aveniment !

-Mo perché se sempre trist,
un maritt dacsè mal fatt
io cred ch’en s’è mai vist.
En me vó più ben per gnent
specialment pó propri adess
ch’c’è sarà qualch ingredient

-E sucess qualcosa d’nov ?
Parli pian, par ch’fe le prov !

Da un po' d’temp me so avilitta
me sent tutta illanguidita
en ho voia piò d’fè gnent,
ogni tant c' ho i girament:
fors sarà la gravidanza,
già me dol tutta la pansa !
Te per quest en pensi gnent,
se bon sol da fè el lament …

-Di’ un po', s’ho ben capitt,
per cla legg ch’v’è da diritt
d’essa al pari di maritt,
sa 'l pretest ch’s’è la mi' moj,
mica vrè spartì le doi ?! …

Questa è sol una storiella,
se la musica pro en gambia
sarà forse sempre quella

Io el poss dì per esperienza,
so' al corent, ho conoscenza:
se un parla e clatre tac
ce sarà sempre la pac.

Vlet sapè el fatt d’ier nott ?
Sarà statt vers mezanott;
er a seda sopra el lett,
stav scrivend ste du' strofett.

S’è sveghiat la mi' metà
e m’ha dett:-Vo gì più in là ?
Cosa fè, t’ metti a studiè ?
Me s’è di ch’sa vó imparè
Oramai ch’s’è dventat nonn ?
Mettet giò ch’io casch dal sonn.
Guarda un po' com un s’arduc ...
Fa el piacer .. smorcia cla luc!

Nonostant tutt sti lunari
Me vol un ben straordinari,
me soporta, l’ho abituata
da chel giorne ch’ l’ho sposata
e poss di che a casa mia
da trent’ann c’è l’armonia.
No, credet, sem sempre in pac,
se io parle lia tac
e, invec, quant parla lia
als el tacc e po' vagh via.

S’vlet gì ben a lung andè
un consigli vel poss dè:
soportatve un po' a vicenda
sa 'l bon sens, sensa pretenda,
fat in mod ch’el vostre afett
sia sincer, sempre più strett
e vedret che la famiglia
fiorirà a meraviglia.
 

PASQUA 1985
di Maria Severini

in memoria di Goliardo

Un po’prima, ann scors, d’sti temp,
t’ avev fatt n’antre du' righ,
t’en pasati com un lamp
prò sti mes tra i patiment….

Divers spirrit m’animava
per la festa ch’arivava,
'na gran gioia dentra el cor:
festeggiavi ”le nozz d’or!”

Ogg le scriv sempre sal cor,
mo me batt per el dolor,
c’ho pensat un gran bel po,
en riusciv a mettle giò!

No perché en sapev sa di’,
me pareva fori luogh:
m’è servitt per fè un gran sfogh.

Erne i giorn dla stmana santa
ch’stavi propri tant più mal
e s’è gitt a l’ospedal,
pro pareva ch’stavi mei

cla matina ch’era Pasqua.
I proverbi en sbaien mai,
arivata era cla sort:
era un mei ch’era de mort.

C’è lasciat per cl’atre mond
Dop na vitta ,spesa in fond,
a cerchè d’sbarchè el lunari
quant i temp erne un po duri.

T’avem vist distes,seren,
propri cum dicevi te:
-Vè,par ch’dorm,guara malè!

Ce sem fatti un gran coragg,
sapevam tant ch’era pegg
augurat d’campè dacsè

tra i dolor che,a lung andè,
te cresceven sempre d’piò
e strasiavne anca ma no’.

Ce consola pro el pensè
che ma quell che tnevi te,

che ma quell che tnevi te
era el ben dla tu famiglia:
quest l’è avutt a meraviglia!

E’ lasciat un gran post vot
tra de no’. In tutt i mod
c’mancne tant le tu batut
e chel sguard particolar
sensa di’…..dicevi tutt!

Avem fatt mei ch’s’è potutt
e intorne al nostre lutt
avem vist na mucchia d’gent:
t’vlevne ben,era evident!

En poss fe un paragon
Sa chel Crist ch’e mort tla Croc,
Mo se ascolta la mi voc,

te, babb mia ,ma la so
è da goda sensa men,
ma qua giò è vutt le pen!

Io ce schmett tutt quel ch’te par
Se,poc poc ce po aiutè
so sicura ch’el farè
anca sen s’è piò sa no’.

Te sentim vicin ancora
e sapem quant era bell