Dal Barbiere

La barba d' un porett' era arufèta
In t' na magnera da metta spavent.
Un tèl cla ved, fec el proponiment
De fai avé 'na bona arcomidèta

El barbier già 'i ha datt l'insaponèta,
El rasor va so e gió, or lest or lent,
E lo straluna i occhj, sa qualch sbufèta,
Dand da cnoscia che prova 'n grand torment,

Intant un gatt a gnavolè se mett,
Malé vicin, tun mod da fè pietà;
E subit ma 'l barbier i scappa dett:

Ma cla bestia csa i fann ades ma là?
Rispos de chiopp, storcerdse chel porett:
El sbarbificherann per carità.
 

Pubblicata su "ECO di Urbino"