di Giuseppe Mariotti
In Antologia
al Concorso 1998
Soffia legér el
vent e bira intorna
ma ‘na bella
spianata e se divert
coiend minda per
terra tantle foj,
che, sa la mossa
svelta d’un burdlacc,
t’ le frulla p’r
un cuncin
e dopp sa ‘n urle,
via, t’ l’ armanda p’r aria;
pó subbit subbit
ecch ch’ i ardà la caccia
tutt’ alegre e
tutt content
com s’ arvlessa
da cap arcmincè ‘l gioch.
Da
ma lé poch distant una cerquella
guarda
incuriositta
e
zitta zitta
scrulla
le foi e pó sospira.
La
véd el vent,
p’r un cuncin se
ferma e pó pianin
com un morós i
bira intorna intorna,
la tocca apena
apena
e quella dolcement
i fa de sé,
s’inchina, ‘l riverisci,
fa la paìna, s’
dondola, se smena,
se scrulla tutta
dalle gran risat
per qualchi
compliment ch’ i ha mormorat.
Anca
le foi batten le man content
e
sottovoc approven quel ch’ha dett.
Bascia
la cerquella alora ‘l vent
e
‘tacca tutt content a fai scaruss
pian
pian su p’el modell, su p’i brancón,
tra
i ràm e le foi…
pó
cmincia ad afanass, a sborbotlè,
com’ ùn ch’en ne pò pió;
e
la cerquella insospetitta,
vdend
ch’ la cosa dventa seria,
s’
dingla tutta e cmincia a sbattse
e
tenta a tutt i cost d’ podé resista,
mo
’l vent dventa furiós,
la
vòl tutt’ abracè, perd la paciensa,
urla,
strepita, piagn, prega, inveìsc,
e
quella, oh, s’ podessa essa distant !…
se
sbatt, trema, se scòt,
tutta
se bira in t’ el modell,
com
se vlessa scarpiss da sotta terra,
e
sa i brancón
cerca
da dè in t’ el vent tanti schiafón…
Come matte da
l’alt urlen le foi,
frullen in tond
chiamand aiutt,
fischien, fremen,
prò ‘rmai tutt è perdutt,
chè ‘l vent
l’ha già présa
e tutta l’ha in
t’i bracci e fa quel ch’ vòl…
Finalment,
dopp ch’ s’ è stufàt,
dopp
d’avella ben sbatutta,
ben
scarmiata e possedutta,
sghignassand
fuggi via distant…
E
la cerqua, purtinina,
tutta
quanta sconquasata,
p’
na sfuriata da cla via,
pian
pian s’armett a post e torna calma,
s’armulisci
e se ravvìa
e
dall’alt arguarda d’ nòv
piéna
d’ bronci, de rabbia e disdegnósa.
É
pasat el periccol, e anch le foi
s’
armettne in pac e arcminc’ne le lor ciarle
e
tutt content arfann l’uchìn ma ‘ l sol.
Cert, chi fossa capitat
tra 'sti mont, giorni passat,
avria vist, machè in Urbin,
qualco' d'gross: el Principin.
Oh! la gent, Madonna mia,
tutta quanta in allegria,
dalle do' se brustoliva
sotta el sol, mo via 'n giva.
Anca io, benché mezz plat,
sa'l calor me so' sfidat,
chi d'no' due perdeva prima,
mo è stat ló ch'è fugitt prima,
perché è inuttil , l'affesion
no' c' l'avem per cle person;
se ce digghne d' gì t'el foch
o all'infern, o t' n antre loch
en c' pensam manca un minutt,
bum! sem gitti e sem arnutt.
Basta, argim t'un chel bell giorne:
c'era un gran da fè d'intorne,
tutti vleven sfacendè,
chi malà e chi malè;
chi fugiva só per el dom,
chi p' Lavaggin, p' el Landron,
sa la scusa de gì a veda
en c'era un ch' te stassa a seda,
tutti quant in moviment
sensa po' pudè fè gnent.
Vdevi a corra cle automobbil
sa tutt quante le forse mobbil
tutt sudati e tutti ross
chi pess pcin e chi pess gross;
Colonel e General
e tenent e caporal,
'i espoment d'la città
dal bidell al podestà,
en te stavne un minutt fermi
com s' c' avesser vutt i vermin.
I concert, per fè calco',
(da nisciun adess c' n'è do'),
spiferavne un pess, e via
ch'aumentava l'allegria.
Tra la gent c'era 'i om seri
ch' te squadravne tutt'interi
e per non smentì la rassa
dal mur d' Merli t'mandne in piassa
En digh gnent e pass sott voc
d' quei ch' èn gitti ma la Croc
o ch' s'èn messi a spindulon
ma'l Spinet e ma'i Torrion.
Finalment, aspetta, aspetta
ecch ch' arivne do' in stafetta
in t'le moto, trafelati,
tutti quant'impolverati
ch' paren propi i mulinè
tant è ver ch' nisciun sa chi è,
un sa'l compit d' fè i ritratt
cl'atre propi per fè 'l matt.
Tutt de chiopp se sent don don
ecca ch' mincia el campanon ...
Tutti fissne i occhj ma'l mont,
sa le man tutti già pront
e in tel corp una gran voia
de strilè fort fort "Savoia".
Ecca ch' scenden le person
giò dal mont a trambalon.
Finalment cmincia la festa:
l'automobbil principesca
ecch s'avansa giò pian pian
tra 'na gran sbatuta d' man
tra i "Savoia" e tra 'i "Eviva"
tra la gioia più giuliva.
Anca 'l Princip, tutt content,
ce guardava sorrident
voltand 'i occhi de qua e de là
ma stle donn in libertà.
Mo fra tanta confusion
quell ch'ha fatt gran impression
è un fatt strani, mo un fatt bell:
dall' albergo Raffaell
fin a guasi 'l mezz d'la piassa
(vojne dì per qualch ragassa)
malè d' fianch al radiator
sa periccol d'un mal d' cor.
c'era armast un atacat
che correva tutt sfiatat
e per quant la gent gridava,
manch pe'l mazz, ló 'n se stacava.
O Gesù, com se storceva
com se smnava e com faceva.
I' 'n el so, mo stle person
l'han smejat ma 'n brendolon;
e a memoria de ste fatt
c' han fatt sopra anch'el ritratt,
e po' Arceci, galantom,
l' ha mess fora in t'el canton.
Basta, s' no sti fatarell
me fann perda chel più bell.
Donca el Princip dopp smontat,
sta per gì sotta 'l logiat,
mo chi tneva tutt cla gent ?
'Evne voja de stè atent !
Credet pur, en è 'na storia,
te 'l portavne guasi in gloria
e l'han vlut arveda d'nov
dal balcon del Palass Nov.
Quand s'è vist ma lasó in alt
po' capì la gent che salt:
chi gridava, chi el chiamava,
chi in t'i pied d' chiatre pistava,
chi diceva: "Bell, simpattich",
spec le donn ch' d' quest'en pratich,
chi i butava i basc sa'i ditta,
chi schmeteva 'na partitta
ch' avria dett qualca parola;
chi cantava a piena gola,
e 'stle donn sa chi pett gross ?
t'nivne propi guasi adoss,
e in parola d' galantom
calsne piò le donn che 'i om.
Cert è statt una gran festa
ch' c' armarrà machè t'la testa;
e po' al fin c'ha salutat
in t'la macchina è armuntat
prendend giò de gran premura
la su' strada d'la pianura.
<INIZIO PAGINA>