Home Michele Gianotti

Michele Gianotti

Urbino (Ca' Gnagno)

URBIN  UNIVERSITARIA

In Antologia al I° Concorso 1998

Adagiat tun du’ colin

c’è t’ el mond un paesin,

nisciun atre dacsé bell

anch’ se l’ cerchi en c’è unvell.

E’ tutt quant un monument

dla natura, del rinasciment.

Per i vigol e le piass

tutt’ intorne el bell Palass,

se respira ‘n aria bona

che t’ fa viv’ alla carlona.

Maché è inutil dass da fè

el progress en è maché:

s’ è fermat pió ‘n gió del Gall

qui s’ arconten sol le ball.

Prò è bell viva in Urbin

ch’ è lontan dai gran casin:

t’ un torion o t’ na piasetta

trovi sempre ‘l mod d’ rifletta:

en convien tant’ agitass

sbochè ‘l sangue com’ un pass,

maché è bell perché ‘n t’ illudi

ch’ l’allegria vien dai scudi.

Basta ch’ t’ trovi ‘n compagnia

che vien subitt l’allegria.

Se pó c’en du’ tre budelle,

en importa se ‘n èn belle,

per i bosch e i monticell,

per le vall ed i ruscell,

lor t’ aparen com le fât

e te lascien incantat.

Anch’  i ’llustre gran docent

lasciat l’aula a sprón batent

se butne a testa bassa

t’ i tavlin t’ el mezz dla piassa

e con gran disinvoltura

lor se scorden dla cultura

e se dann un gran da fè

per cerchè da gì a ... magnè.

Stat’ atenti, i mi’ corsisti,

dacsé bravi en s’ èn mai visti:

sempre prima t’ la magnata,

t’ la bevutta e t’ la risata,

camperann svelti ed arzilli

cent’ ann com’i cucudrilli.