La
conferensa
In Antologia al V° Concorso 2002
Ierlatra sera invec da gì un po' a spass
comm al sollit so' gitta t'el palass
Petrangolini: t'el cortil Scalia
e Paioni parlaven d'la poesia
dialettal. C'era un bel po' d'ragass
giovini, forestieri, e anca un bel mass
de gent d'Urbin. Ci ho mess tutta la mia
attension ma sa ch'è la " diglossia ",
o mei perchè en è lo stess che dì
" bilinguismo " boh propri en l'ho capitt.
"La lingua della madre" sì, quest sì,
ch'è la madre d'la lingua subbit dritt
m'è entrat t'la testa; e po' anca quest: chi va
distant capisc la propria identità.
<INIZIO PAGINA>
La strada d' Palin
Spess me vien voia,quand artorne a Urbin,
de gì in gir p'la campagna, mica a fè
qualcosa de special, ma sol acsè
p'el gust d'arveda i mont e le colin
di dintorne. La strada de Palin
vers Colbordle me piac 'na mucchia. C'è
un punt apert d' qua e d' là e te pò guardè
com un mar d'onde fino a San Marin:
camp grandi e pcini, quadri, triangolari,
stesi da cima, piani o ti pendì,
t'el spicch del sol, nascosti t'el vernì,
de tutti i ton del verde, del maron, del giall,
un po' più scuri un po' più chiari
sconda del giorne, sconda d'la stagion.
<INIZIO PAGINA>
La
svissera alla 'ndrangheta
La svissera alla 'ndrangheta è invension
tutta d'la Lilli e se prepara acsé:
te chiappi tre salsicc e 'n bel pezston
de manz, tritti ben ben in mod da fè
'na bella palla, aggiungi un po' d'pevron
dolc, macinat (la papprica cioè),
pó el sal (quell' aromattich) e, attension,
peztin de pundor secc. E en te scordè
per carità de fnocchj, di sem de fnocchj !
Muscina tutt pó dà 'na forma bella
tonda ai ciuftin de carne (che anca i occhj
voien la lor), pó mett' i t'na padella
sa l'oli bon, pó coc'i sensa fretta.
E pó magna. E fa anca la scarpetta.
<INIZIO PAGINA>
L'ort
d'la Lilli e de Vincens
Vincens e la Lilli ci hann 'n
ort
pien
de cpolle, de mlanzan e de pundor.
L'insalata e i pevron ci hann un odor
mentre ch'i coji che te vien a men
el sentiment; el stommac e 'I duoden
fan fru fru fru e l'intellett e 'I cor
volen t'el ciel. Sa t'ho da di' di fior
d'le succ, di fnocch', di cidiron d'almen
mezz metre (chi cines, no i nostran
più corti e tossi). Ho colt sa le mi man
i fagiolett ! La Lilli t'un second
ha preparat la cena. Oh che magnè !!
A casa lor, carin, se pò mandè
a chiapassl' in t'el cul el rest dei mond !!
Sonett p'i Ducchi.
I Ducchi ci hann el vin te giur più bon
del mond, ci hann pó ogni sorta d'animal:
L'annatre, l'och, i poi, i galnacc, i pcion,
par l'arca dei giudissi universal.
Produchen pó un bel po' defurmenton,
d'orz e de gran (en so quanti quintal !)
E I'ort ? Pundor, suchin e peveron,
cidiron ... tutta robba natural
che la Gianna la Dmennica e la Lina
coltiven da per lor. E la cucina?
Prosciutt, caplett, porchetta, pappardelle,
arost mist e contorni e taiatelle
...
Te dig sol: "Vien, mettet a seda, magna,
bev e respira l'aria d'la campagna !".
Le precedenti 5 poesie sono state consegnate alla
Pro-Urbino nel giugno 1999 e inserite, in ordine alfabetico di titolo, in questa
rassegna antologica nel Gennaio 2002. In fede Michele
Gianotti
<INIZIO PAGINA>
Fori piov
Segnalata al X Concorso 2010'
Pubblicata in Agenda 2011
Un dó tre quattre cinq sei sett ott nov...
a gegia cont...
tel lett...
tl'orlogg camina
el temp...
è nott
ho sonn...
fina dmatina voj durmì
tutta chiotta...
fori piov...
quindic seddic dicsett dicdott dicnov...
boll el vin nov
tel scur cup dla cantina...
che odor!...
sto ferma...
aspett...
so ch' pó l'artrov
la strada...
fori piov...
pió d 'na ventina d'ov c'èn,
a du ventell,
grossi,
in tel nid...
fori piov...
voj durmì...
el batusc strid...
vaggh gió...
c'è 'na catassa d' furmenton
sa i acin com nociole
t'un canton.
fori piov...
voj durmì
sotta 'sta pianta...
trenta quaranta
la galina canta...
La precedente poesia è stata ritenuta meritevole di
segnalazione con la seguente motivazione:
Filastrocca dei numeri e della pioggia, nel carosello di pensieri
e immagini di un dormiveglia. La lingua nativa torna ad esistere per frammenti
di forte realismo, in un'atmosfera surreale, scandita da sospensioni, fra versi
di varia misura, alcuni di una sola parola.
<INIZIO
PAGINA>
El mercatin
Presentata al X Concorso 2010'
Pubblicata in Agenda 2011
Davanti a San Francese
sopra i banchett
la dmennica
c'è 'n sacc de batanai,
libre, perett pr acenda a cap del lett,
orlogg sensa lancett,
sighett e tnaj,
bichier deco
tasin e bocalett,
ochial sensa stanghett
ventaj
artai de giornal
gialli anticchi,
scaldalett de cocc,
pinsett per el camin,
fermaj
e spassol p'i capei,
ventaj de piss,
santin
rosari d' vetre
crocifiss.
Ogg c'era un clarinett
e 'n mandolin
e du organett,
e 'n sett d' lensol de lin
sa 'l giornin.
E tun sfond celest
c'er' anca
'na santa
sa la faccia rosa e bianca.
<INIZIO
PAGINA>
Urbin
Presentata al X Concorso 2010'
Pubblicata in Agenda 2011
L'ho vista a l'improvis dietra la
svolta
d'un sogn, fors. Scivolava pian tel pel
dl'acqua. Se rispecchiava capovolta
com 'n'isola, com tun mond paralel.
Me par d'avella arvista 'n'antra volta,
forsa tra l'imbra e l'ambra, in mezza
al ciel
sospesa malasó. Viagiava arcolta
com dentra 'n'astronav. S' gonfiava el
vel
dle nuvle sotta. Sensa pés pian pian
volava sa 'l palass i toricin
el campanil la cuppola la mura.
Mentre volava sempre pió lontan
quand era ormai poch pió d'un punt pcin
pcin
sapev d'avé
trovat la quadratura.
<INIZIO PAGINA>
EL
vigol
Che pac c'è, che silensi cert matin
prest t'el vigol, che luc chiara, che bella
aria anticca: s'arsent quasi el spasin
ch' g ratta la via le donn ma la canella
(ch' en c'era l'acqua e en c'era el lavandin
t'un casa) e 'l cicalecc in comunella
a taiè e a cuscia a seda t'el scalin
d'la Marietina, arsenti la Cordella
che batt el lard, le corse di bordei
che volaven felici com i ucei
che tel platan dl'asilo a primavera
cinguetten tra le foi. Sentel pass fitt
d' mama ch' va al Dom e quel lent d' bab ch'è
gitt
a lavorè e ch' artorna quand'è sera.
<INIZIO PAGINA>