I COMENT D'UN EXTRA MURO

Pubblicata nel I Vol. di V' l'arcont in dialett

Vo' en sapet i sentiment

ch'en t'el cor de molta gent

ch'è costretta a lavorà

for dle mura e no maquà.

Sia un ch' sia profesor

o bidel opur dotor,

maniscalch od ingegner

o soltant un por barbier,

ch'abbia fatt i gran guadrin

o ch' te cena sa 'n panin,

ogni tant in t'la giornata,

sopratutt in t'la notata,

ló arsogna el su' paés

ch' ha lasciat già da tant més.

Tla su' ment pianin pianin,

ló t'arved i vigulin,

le disces e le salitt,

le botegh sa le marmitt,

e le donn ch' vann al mercat,

San Francesch sa tutt i frat,

le finestre sa i gerani,

i formagg propri nostrani ...

Ló s'arcorda propri d' tutt,

sia del bell che de chel brutt.

Ma se sa c'è l'ecesion,

c'è pur sempre qualch minchion

ch'è partit soltant da ier

e ch' te fa el forestier.

Quand arvien 'na volta l'ann,

porta i guant in t'le su' man,

c' ha le scarp tutt lucidat

che n'avrà manca pagat,

e te parla el milanes,

el roman o 'l piemontes,

e te dic che non va mal,

ló s' la fa sa l'industrial,

magna ben ed é content,

e c' ha un gran apartament,

mentre so, porca maghella,

ch' magna sol la mortadella.

De tutt quel ch' avvien maché

lascia stè en li dmandè;

ló arvien per i parent,

tant per faj un po' content,

en ved l'ora d'argì via,

de lascè sta sporcheria;

e te dà del disgraziat,

d'imbecill o dl'amalat,

ma chi sta só per el mont,

o de casa vers el pont.

Ma credet è tutt sciapat,

per non dì fanfaronat,

se potessa ste maché

lo s'faria anca inc ...

I' invec quand propri arvengh,

c' ho 'na voja ch'en me tengh

de sapé de tutt la gent,

d' chi lavora e d' chi en fa nient,

e de cnoscia se el paés

è cambiat da l'altre més.

E se fossa sol per me,

ce credet, vel poss giurè,

magneria anch'el pan sol

o un piatt d' cudich sa i fagiol,

pur d'armana tra sti mur

in atesa d'un colp dur.

I COMENT D' UN EXTRA MURO

Seconda  Parte

Or ve digh pian pianin

quell ch' m'hann dett maché in Urbin ...

Du' le cos vann en c'è mal

ho saput ch' èn tl' ospedal,

e dacsé 'na bella sera

so gitt só sa n'infermiera;

dop ch' ho fatt tutt el scalon,

en ve digh la confusion,

un gran mucch de dotorin,

erne pochi quei d'Urbin,

apogiati in t'la ringhiera

aspetaven de fè sera;

un diceva: "I' so' stat alla partitta

dopp ho strett sempre la Nitta"

Mentre. n'antre: "So' de guardia: sin da ier

avrò fatt ducent clister" …

Ma non vist, caminand tutt da 'na part,

so' git dentra ti repart;

c'era 'n' aria, 'na fumara

com s' buliva 'na caldara,

c'era un che 'l pan magnava

e 'na monica chiamava,

mentre queste tel balcon

te legevne el sermon;

sa 'na voc mezza scialata,

un me dic: "I' so' Pepp, so' dla Nunsiata,

quand scapat, el mi' bordell,

dit pur vó ch' maché è 'n macell;

se qualcun scappa ogni tant,

è per gì ma i Suculant;

ve vlev dì qualch' atra robba

ma en poss ecca la Gobba".

Una suora pian pianino

s'era messa sul lettino:

"Sù Giuseppe figlio mio,

abbi fede e spera in Dio"

"Oh sor Betta s' en m' aiuta quel ch' è p'r aria

maché tira 'na brutt' aria".

Sti discors per non sentì

ho fatt finta d' non capì;

inciampand in tel piancit

so' scapat tutt intontit,

mentre tl' aria c'era un cant:

era el cor de don Bramant ...

E dle guardie non parlam:

du' hann prés tutt sti vilan?

Me par propri l'altro ier

che dmandava un forestier:

"Vado ben per la stasione ?"

"Sempre dritto, poi girate da Stifone"

Se per cas chel disgraziat

arturnassa anca st' estat,

s' en ce mett le man i sant,

quel dorm sol ma i Suculant !

Apogiat in t' i turion

i' guardav ma Baiocon

a giochè tel Marcatal

de vin ross un mezz quintal,

quand s'è apert tutta la porta,

del Teatre, d'una volta;

per fè entrè ma 'n birucin

pien d' banchett, de cumudin,

de poltron de cinch sei lett

e de scal per gì ti tett;

sopra 'i occh ho alzat la bretta:

me so' dett: "Ch' faccien propri l'operetta ?"

Me par propri tutt scenari,

c'è perfin un lampadari !

E ma quell ch' calzava tant

smocoland sa tutt i sant,

ho dmandat: "Oh scusat mi bon omett,

fann stasera el Rigolett?"

Ló m' rispond: "En faran manca la Manon

è el legnam d' Turìn sucon !"

E dacsé ho anca imparat

che 'l teatre sconquasat

serv adess per magazen,

p'i bigliett per gì tel tren,

e tla porta del logion

c' piscia i can e c' caca i pcion!

Ed alor mi' bona gent

se sta só per non fè nient,

sa ch' asptat de butal p'r aria,

ch' tiri el vent o ch' cambi l'aria ?

Pó m' arcord da quand so' nat

dle piastrelle del logiat;

per non dì dle lampadin

sa intorno chi piatin;

i' ce schmett chi cambierann

tra quaranta o cinquant'ann.

Vó diret ch' so' ficanas,

ch' dapertutt voj metta el nas

se s'girassa tutt el mond

quant è lung e quant è tond,

un paés dacsé all'oscur

en se trova de sicur.

S' un ariva maché d' sera,

o d'estat o d' primavera,

vien chiapat da 'n sentiment,

da 'n brutt presentiment.

Per el Dom, gió per Valbona

en s'incontra 'na persona,

e credet se sent l'afann

de qualcun ch' dorm a San Gvann.

In sta calma general,

sol la luc de qualch fanal,

te fa veda ma 'n gatin

che 'nut gió da 'n vigulin.

Sal silensi e tutt ste scur,

me chiapassa un colpo dur,

se te casca giò el capell,

sta sigur, el mi' bordell,

ch' en l'artrovi finch' è nott

bsogna aspetti el giorno dopp !

C'è un lumin gió ma San Pol

ed un antre ma Risciol,

set davera fortunat

se c'è un lum giò vers i frat !

Se sa 'l tren pó set arnut,

en ve digh, armanet mut;

quel ch' te chiamen la stazion,

è 'na spéc de baracon,

un capann fatt per la caccia,

'na latrina, 'na robaccia;

e, davanti, tel piasal,

tra un bidon e 'n urinal,

c'è 'na spéc de caroson,

ch' te trasporta chi minchion

che la sera o la matina

hann viagiat in litorina;

è sucess ma 'n viagiator

a stè ferm per sei sett or,

t'un vagon sa 'l coll mezz tort

t' un binari ch' era mort !

Che squalor o bordei mia,

e' vrità, non fantasia;

capitat è anca ma me,

capiret tutti el perché

la valigia pian pianin

d'apogè in t' i scalin,

e dmandamm quasi sa 'l piant:

so in Urbin o tel campsant?

Ma in part me so' arcredut

quand el giorno dopp è nut;

ed allud del mutament

ch' ho trovat tel moviment.

Pochi quei in bicicletta,

ma 'na mucchia in motoretta

ch' te volaven per el cors

come quei ch' fann a le cors.

Me so' dett: sarà gent indafarata "

c'ha da fè tla matinata

chissà qual e quant lavor

o a chiamè va ma 'l dotor.

Ed un po' preocupat

ma 'n amic i' l'ho drnandat.

M' ha rispost: oh te purtin !

è tutt barber, cuntadin,

ch' hann portat maché le glupp

ed arvann vers le lor supp!

E dop tal afermasion

me so' dett: en te cojon

sti vilan en gitti adess

propri avanti sa 'l progress;

I m' arcord quand' er pcinin

che lor niven só in Urbin

sa le scarp tutt mezze rott

a fè 'l gir gió ma le grott,

e te niven fin la piassa

sa tla testa ancor la guassa

sol per venda un para d' pcion,

o 'na balla de cidron.