Home Attilio Fini

Attilio  Fini

POESIE IN DIALETTO & INDAGINI DI COSTUME

 

I  LAMENT  DL’ EGOISME

di Attilio Fini

(Presentata al Concorso 1998)

 

É ‘n po’ d’ temp che un sacch de gent,

anca se 'n i succed gnient,

c’ha ‘n nervós ch’ la porta p’r aria,

forse en tira ‘na gran aria:

chi s’ la chiappa sa’ l guverne

o chi inveci sa’ l padre eterne.

 

T’ i bar, t’ la piassa, in t’ i turrión

s' parla sol da gì in pensión,

en c’ n’è ùn ch’ vol gì a lavrè

perchè fann tropp fatighè,

pó t’ la piassa un gran lament

che in Urbin en s’ fa mai gnient.

 

C’era ùn t’ l’uffic pustal

ch’ urlava com un animal

ch’ en s’ fa atre che paghè

ch’ en c’è i sold manch per magnè,

la su’ man, prò, en era vota,

tneva un vaglia da riscota,

dla pigión dl’appartament

du’ ce tien sett ott student.

 

T’un grupett sotta el lugiat

c’era ùn tutt incasat

per la gran complicasión

de paghè boll e televisión,

mo ùn pian pian i ha dett tra i dent:

“Lascia gì de fè el lament

c’è cinq macchin e sei televisión

lascia gì d' rompa i coión”.

 

Sotta el mur dl’urlogg dla piassa

c’era un grupp sa ‘na ragassa

sa i calsón tutti straciati,

pareven quattre disgasiati,

all’impruvis da un sacucin

squilla un bell telefonin

cerca cerca, en sapeven de chi era:

pensa un po’ ch’ miseria nera !

 

T’un ‘ste mond dla produsión

avém pers le prupursión

perchè quand la robba è troppa

la vlém cruda e la vlém cotta

e perdém cum fossa gnient

la ragion e i sentiment.

 

Una sera in piena nott

so’ git só sotta le grott

e mentre guardav de fitt

mal palass e mal piancitt,

dai purtón improvvisament

scappa fora un sacch de gent:

le donn, i vecchj e anca i burdlin

sa i cerchiett e le palin,

chi mordeva un toss de pan,

chi arcunciava le sutan,

i calsón tutti bugati

alla mei erne artupati,

un giucava sa ‘na palla

ch’era fatta sa la balla:

en ci aveven propi  gnient,

mo erne unitti e sorrident.

 

Me so’ arprés all’impruvis

e ci avev un gran suris:

da cla brév aparisión

ho capitt quant sem minchión.

El prugress è git avanti

sém contenti tutti quanti,

mo per quell ch’hann inventat

poch cervell avem ‘duprat,

perchè ognun pensa per sè

manch ’n amich riesci a truvè

per discorra ‘na mulicca

o fumacci insiém ‘na cicca.

 

E dat ment ma ‘st’cunsilier

fat du’ pass una d ‘ste sér

per i vigol vers el Dom

e vedret qualco’ de bon,

che ve tocca in fond’ al cor

e ma la vitta ardà valor.