MADONNINE

Urbino, 29 maggio 1947

I c' ho 'na Madonina

t'na nicchia, per le scal,

tutta bianca, carina,

sa un sguard sentimental ! . . .

I' ho fatt 'na volta azzurra,

i' ho mess 'na lampadina

e un fior in t'el bocal

ce mett ogni matina . . .

So' anch'io sentimental !?

Quant volt me so fermat

a guardai, a pensà,

a dimandai qualcosa,

d'acsé, sensa fiatà !!

Anca per la Cesana,

quand vagg pr'el mi camin,

i pass semper davanti

a tante Madonin !

C'è la Madonna Rossa

quella di Gasparin,

la nicchia d' Garibaldi

e chl'atra d' Ca' Marin.

De Magg, oh quanti fior

i portne chi pastor ! . . .

e d' intorna i bordei

ce fan i giocarei . . .

c'ardunne un po' de sass

ed ogni petra è n'anima

de quei ch'en già trapass!

O Madonine, avanti

tant volt ce so' passat

e propri non me sembra

d'avev sempre guardat ! . . .

Perché d'arvolgia el sguard

i' tant volt en m'azard,

en v'ho semper portat

ogni matina un fior

ch'avessa un gran odor !!