LORET

S'arivat fora d' Porta,

quella d' Santa Lucia, vo vedet

subit Loret !!

C'è com 'na montatina

tra do fil de Cipress,

só só, propri in t' la cima

'na Chiesa e t'la facciata

dentra 'na nicchia, sta la Madonina,

ch'artien in tla bracciata

el Bambin ! Tutta nera, carina

se pur non agrasiata,

semper 'na Madonina !!

M'arcord che da pcinin,

m'arcord com fossa adess

quand'era Primavera

i portavme ogni sera

de fior un massolin!

Ce pareva contenta

quand' i davan chi fior, la Madonina

luminata dal Sol

ch' tramontava infocat

fra el Carpegna e i Simon.

Era el Magg profumat

e giò per chle grepat

com cantaven i grill !

So, pr'aria tutt un trill

un vol de rondanin

e fra i Cipress

un cantà piò somess

de passre e de cardlin !

O bei sit del mi' Urbin !

quant volt me so fermat

a guardav, a pensà !

E semper una blessa

nova i ve c' ho trovat;

e semper 'na dolcessa

nova ho sentit in t' l'anima

per l'armonia cangiant

fra le vall ed i mont

fra le alb e i tramont

fra la luc e i color

fra le erb ed i fior

fra la terra ed el Ciel ...

O bei sit del mi' Urbin

dov se ved, dov se sent

ch' ve poi avé creat

El Maestre Divin,

Lo' solamcnt !