Home  Elio Bacchielli

Elio Bacchielli

 

L'AMICISIA

1997 - seconda riunione dei Bacchiei

 

L'arnicisia è un sentiment

che quand c'è, sempre se sent,

lascia in dòn 'na bella scia

che è lunga piò d'na via.

Se d'inverne perd le foi

e t'un mucchj queste le arcoi

in sostansa se rinnova

e germoglia a tutta prova,

e dacsé arprend vigor

e conserva el su' calor.

Quel che conta in ste moment

è el valor del sentiment,

el ricord di compagn mia

che dimostren simpatia.

Un abbracc, un fatt vissut

fin da quand ce s'era c'nosciutt

digghen d'un legam antich

che el temp en ha scalfitt.

Nó dl'incontre dl'ann passat

avem gust e el risultat

ch' ha arportat a ste radun

important e opportun

perché el fatt da stè insiem

dic che nó ce volem ben.

Ecch perché de lant in tant

c'arvedem nó tutti quant

per avè di giorne belli

bei ricord, ch'en sempre quelli

ben impressi t'la memoria

sa la loro vera storia.