PEPON detto CASTAGNETA
di Giorgio Tiboni
C'aveva n'aspett imponent,
mo un po' stran el su' comportament.
I vestit erne semplic e sempre quei
e per l'us prolungat
erne tutti un po' straciat.
Le su' scarp erne gross e spess slabrat,
c'avevne di spagh chiar,
sa dle brocch
ch'ai temp d'ogg,
en usne piò.
Tla testa portava un caplacc sgualcit
ch 'i serviva per proteggia l'udit.
Lunga era la barba,
la taiava rarament,
e i su' baff, credetme, erne un portent !
Girovagava sal su' sacch tle spalle
e sa 'n baston pien de nod
ch 'i serviva per apogiass,
e per potè un po' men stracass.
Era sempre in gir
p'le campagn d'Urbin
arcoieva i stracc
e le pell di cunilacc.
Dai cuntadin
armediava el pan
un pess de furmai,
un bichier d'vin
o quel c'era tle vetrin.
Ló tutt cuntent
cminciava a magne sta robba
prima sa 'i occhj
e po' sa i su' poch dent.
S'meteva dietra a 'n paiar
sa 'l sacch per schienal
e po' per digerì
le pulc faceva fugì.
Quant arpartiva
salutava el cuntadin:
quest i dava un bichier d'vin
e ló per ringraziè i diceva;
«El Signor t'ne renda meritt»
Po' dventava nott
'na stalla era el su' alogg,
se stendeva sopra la paia
e malé s'indurmentava.
Quest faceva quant era inverne,
perché ti mes dl'estat
per veda el ciel stelat
el su lett era un bel prat.
Dop sta vita desolata,
l'ha colt la mort in t'na giornata
e 'na gran pena c'ha lasciat !
Ormai tutti el cnoscevne,
era propi un galantom.
un personagg original,
era bell e singular,
de talent era dotat
e spess volt i' c'ho parlat.
I' er pcin e ancor m'arcord,
era sensibil sa i burdei,
poch socievol sa chi grand
e tutt quest sapet perché ?
La gent en el sapeva chiapè
e "Castagneta" en s'vleva fé chiamè.
Personagg
cnosciut
in t'i ann cinquanta
Pubblicata su "Quattro Venti" n° 4 del 1984
Peppon de Castagneta
JACHMIN:
El personagg più caratteristich d'Urbin
Giorgio Tiboni Pubblicata su "Quattro Venti" n° 4 del 1984
(Clicca sull'immagine per ingrandirla)
Jachmin era un personagg molt conosciut da 'i urbinat. Caminava sempre e poch volt s'fermava sa la gent. Era bass de statura e robust de costitusion, la su' testa era bianca com la nev, vestit sempre de pagn vecch ch'i regalavne.
Jachmin era un barbon original, era propi 'na pitura ! Tutt le person dla vecchia generasion s'arcordne e i vlevne un gran ben.
Durant l'estat giva a dormì t' na stansa pcina pcina d'un fator e d'inverne sopra i mucch dle balle da un furnar. Portava sempre t'le spall du' o tre mass de baston e de frust e c'aveva un sacch de cianfrusai: quelle erne tutt le su' ricches.
Mo la più grossa era un baston che lo aveva fatt bnedì e ch' portava sempre dietra. Un brutt giorne, per apogiall sbadatament prima da gì a lett, l'ha mess vicin a 'n antre mucch de baston: en è stat pio' in grad d'arcnoscle. Grand è stata la su' pasion quant è git per archiapall: è stat atent a esaminè a un a un, mo en c'è stat pio' gnent da fè. A lé per lé s'è sentit perdutt, ma po' ha pres 'na decision: tutt i baston avria portat sa ló. Da chel giorne infatti ha cminciat a girè per le strad d'Urbin sa i su' fasc de bastuncin. Erne tutti segnati sa un taiuss a forma de triangol distant poch centimetre l'un da cl'altre.
Lo credeva infatti d'essa un pusident e com s'usava cla volta al temp dla batitura. aveva fat un scanell ogni minella; se chiamava dacsé el recipicnt che tneva mezz quintal de gran. Apena s'faceva giorne cminciava a girè sensa sapé de precis du' gi', girovagava sensa meta scond do' el portava la testa.
Quant arivava t'el Dom, caminava t'el centre dla chiesa e quant'era quasi da cima, s'en c'erne le funsion, faceva schiochè la frusta. Pasava in rasegna tutt 'i altar lateral e se divertiva a fé sunè tutt le campanlin, per ascoltè i lor son. Po' scapava e se i burdei el fastidivne sapeva lo com metti in fuga. Dle volt c'aveva la luna storta, alora bastimìava com un turch, alsava la frusta e la moveva tant veloc ch' pareva 'na girandola. Ogni gir ch' faceva era un chiopp e la gente aveva imparat a contai per metti al lott, altri dicevne invec ch'el temp en aveva dla bona.
Giva in gir per le butegh ti bar. t'le osterì e anca tle cas. Per acuntental i davne un piatt d'minestra, un bichier d'vin, un cafè e un tuscanin. Questa era la ricompensa ma i piacer ch'faceva quant c'aveva l'umor bon,
Le monet en le cnosceva. Era sempre puntual t'le fier d'Urbin e di paes vicin, ormai era dventat famos, se non atre per la storia di bastoni. Quant arniva lo era ben informat dl'andament de tutt el mercat.
Tla vitta sua en ha comprat mai gnent, è sempre visut sa la bontà dla gent. È mort ma i Capucin circondat dall'afett di vecch vicin e dop tant temp viv ancora tel ricord dla gent d'Urbin.
Acquerello di Tiboni
(vedi "Acquerelli")
BAFUTT
E LA BAFUTTA
di Giorgio Tiboni
Era pcin pcin,
secch e brutt,
s'chiamava Bafut..
Sempre in gir su per Urbin
sopratutt t' i vigulin,
propi com un pelegrin.
Sa le cals a spindulon
tutt mez sbutonat
c'aveva l'aspett d'un gran disgraziat!
Era un vagabondi patentat,
sempre vestit de scur,
portava tle man 'na padlina
ch'i serviva per gì a chiapè el latt
de prima matina.
C'aveva du scarp slabrat,
apuntit e tutt sfondat.
Era ner com un sumar
pien de baff e de capei
per quest el chiamavne "Bafutin".
Girava sempre com un can randag,
era stran come figura!
De ló i burdei avevne 'na gran paura
e fugivne com el vent!
En c'aveva nisciun mestier,
la gent el chiamava sol
per un gran brut lavor:
fè la barba mai mort.
I piaceva scovè le coppie,
s'nascondeva dietra i cepp,
t'le fratt, dietra i grepp
e tla macchia di Capucin
e da malé seguiva tutti da vicin.
Un bel.giorno per su' disgrazia,
è arivat ùn ch' en ne vleva tant,
l'ha chiapat per el gropon
e l'ha fat volè sopra due in amor.
Ha avut le sua!
Da alora stava atent,
era dventat prudent
e se guardava sempre intorne!
Spess per intimorilla,
dmandava ma la coppia
qualch soldin
in cambi del su' silensi,
s' no minaciava
de fè la spia
ma quei de casa d'lia.
C'aveva tle man anca un curtlin,
per fè paura ma chi i giva vicin!
Viveva sa la madre
ch' se chiamava Bafutta
portava 'na gonna nera
e, mezza sganganata com'era,
sbugava da la Voltaccia de' Valbona
e giva per Urbin
pogiata su du' baston
per armediè qualch guadrin.
Trist e guai ma chi en li dava!
Volavne i colp e le imprecasion!
Tutt le person ch' la cnoscevne,
la schivavne, perché dicevne
ch' faceva le fatur
o el malocch ch'è più sicur!
Lia viveva sai su' fiol
t'na casetta dla Piola de S. G'vann
Dopp 'na vitta tribolata
sta vechietta s'è malata,
s'è malata gravement e c'ha
lasciat improvvisament!
Bafutin è armast sol
com un can sensa padron,
combinava poch e gnent.
Qualch' persona l'aiutava
e dle volt el consigliava,
mo ló en dava ment.
Era dventat propi matt,
se spoiava tutt mezz nud,
sbotonava i su' calson
ch'i armanevne a spindulon
e dacsé dava spetacol!
Era dventat scandalos!
Tel manicomi l'han portat
e da malé en è pió scapat.
S'arcmandava sa i conoscent
de potell fè liberè,
mo en c'è stat pió gnent da fé.
Ha visut 'na vitta strana,
fatta sol de zironzana!
FERANT
di Giorgio Tiboni
Secch secch, alt alt:
quest' era Ferant.
Portava 'na giachetta nera,
lunga fin i ginocchj,
rotta ti gommitt e tle sacocc.
Le cals, cort e sfugit,
érne propi striminzit!
El su' capell era gricit,
mezz rott e insustit,
sa 'na larga visiera nera.
En ha mai portat le scarp,
c'aveva du' bei piedon
e i bracc a spindulon.
Per quest su' gì scals,
sa'l temp bon e sa'l nevon,
la pell di' su' pied
faceva da scarpon.
Caminava, pendent in avanti
propi com la Torr de Pisa;
era bel e imponent
propi com chel monument!
Era de Canavacc.
Se spostava frequentement,
giva a pied;
tla machina rarament!
I chilometre ch' faceva,
érne tanti da man a sera!
Era bel ti giorne de fiera,
era propi un personagg!
Quant s'faceva l'ora d'pranz
girava per le ostarii,
magnava un piatt d' minestra,
un pess de pan e, fnit ch' aveva,
se rincaminava vers Canavacc.
La sera quasi d'nott,
arivava tel su' paesott.
E' visut com un primitiv,
era propi genuin!
Qualch curios el portava in gir;
mo ló en s' la chiapava;
nasicava la testa com a di':
"Badat a gì "
Era daver robust,
un bel omon;
la salut de ferr
l'aveva temprat al brutt e al bel.
La su' vitta,
era un bichier de vin,
un pess de pan
e gì in gir.
La gent i dava da di'
mo ló en i stava a sentì.
Caminava tel mezz dla strada,
e, quant sentiva un motor
se tirava tla cunetta
e malé s' fermava per la stretta.
Dop un po', sempre pendent,
archiapava a caminè,
sembrava che stessa per caschè,
alora faceva du' corsett
e dacsé argiva dirett.
Improvisament è scompars!
Ce s'era abituati al su' pasagg,
era dventat un personagg!
Mo la vita, carini mia, è per tutti un pasagg,
e tel gir d'un brev ragg
è armast sol el ricord del personagg.
