Pubblicata ne "I quattre vent" n. 2 del 1981

 LA MOSTRA DLE FOTOGRAFI' (*)

Com era el mond!

Se guardi ste fotografi,

prima ridi e po' diventi seri.

El temp pasat, a la fin,

en è po' tant,

epur t'acorgi

ch'en t'apartien piò,

fa part d'un'altra età.

C'è el mi' maestre

in ste fotografì

e tutti no' ce sem

dla scarosata al Furle,

vegh ma 'l mi' presid

sorident e bell,

e Gagin calsular

e Lelli caretier.

C'è i vigol dla cita

neri cum la fuliggin,

el Mercatal com era

a la fiera del Sant,

el monument

sa 'l su' stecat intorne

e chi soldat polacch

ch' hann fatt inamorè

le nostre donn.

(*) La mostra è stara allestita dal benemerito Cinefotoclub di Urbino nell'anno 1980.

C'è el padron dla filanda

che guarda compiaciut,

un para de vechion

sa na gran barba

e tutti i profesor

in bella posa

de la Scola del Libre,

e po' se ved

la classe del novcent

ch'festeggia in trattoria.

Com eravam alora!

Di chi giorni lontani

(e non po' tant)

ogg' arman ben poch.

Questa la lesion

ch'vien da la mostra.

Mo en te fe' prenda

da la nostalgia.

La nostalgia

è com na malatia

che l'om ha sempre avutt.

E quand se mett sul seri

te fa creda che ogg'

el mond gira tutt stort,

mentre ieri invec' giva pel mei.

Se vlem fe' per forsa un paragon

bsogna di' che el mond d'ogg

è sigur tutt arbaltat,

mo anca quel de ieri

del giudisi

en n'aveva na mulicca.