Pubblicata ne "I quattre vent" n. 5 del 1986
 

A sentì quell ch'avien in ste mondacc'

me casca adoss un po' d'scoragiament,

enn troppi sti fatacc' e le angherì

e chi paga è el popol inocent.

En s'è mai vista tanta rabbia in gir:

i seguestre, le frod e i ricatt,

le schiuptat in tle strad, i amaramente

e le person che scappen com i matt.

Se metti in cont anca le ruberì,

i atentat, e chel maledett visi

de bugass per pruvè na frenesia,

ancora en s'è dett tutt, che i artifisi

per purtè avanti tutte ste fufign

ch'metten la nostra vita a repentai

enn tanti e tanti, un pegior de d'atre,

che contai tutti en finiresti mai.

E passne i giorne, sti giorne perduti,

sensa ch'se' possa veda un cambiament.

Tnem dur piò che se' po, popol d'onest,

e a la fin avrem el sopravent,

tnem dur, e com dic' anca el proverbi,

che dop el temporal vien el seren,

finirà ste tempacc' de fe' la grandine

se vedrà dop tant l'arcobalen!

Alfredo Zampolini