LA VISITA 

di  Massimo  Volponi  -  Urbino

Quand so' arnut, c'l'atre giornacc,

da c'la visita, in campagna,

m'è 'nut el masticacc,

un so chè, com 'na ciafagna.

'Niv faiend de mala voia,

com un sass dentra un torent,

intristit, come la noia

de chi en c'ha voia de gnent.

M'aspettava, c'la vechina,

t'na poltrona, covaciata,

dignitosa, pcina pcina,

en sembrava 'na malata.

Mo el respir era veloc,

de sudor era imperlata,

era sfnitta, sensa voc,

'na candela consumata.

Non un vers, non un lament,

se vedeva che sofriva,

io er rabiat, come impotent:

el su' mal m'indeboliva.

Du' occhj grandi per parlè;

en ho apert manca la borsa,

e so' armast malé a guardè,

bandonat da ogni forsa.

Petta 'l lett, tutto sbiaditto

el ritratt del su' maritto,

t'na medaia, sopra 'l pett,

una foto del fliolett.

« Un la guerra, un la spagnola »

ho pensat dentra de me:

en ha dett una parola,

ma fatt cenn d'avicinè.

C'era sopra 'l comodin,

un mass d' carte e un rosarìn:

avém fatt una partitta,

e, apena l'emi fnitta,

finalmente ha dett qualcò:

« Dotor mia, questa è la vitta:

la partitta ormai è fnitta,

el mass tocca armetle gió “.

So' git via sa la cosciensa

che 'l mestier mia pol servì

sol ma chi pol già guarì

sol per questi en s' pol fè a sensa.

Dop du' giorne, de sfugitta,

ho lett sopra un manifest:

« Ha finito la su' vitta

d'un camin pìo e onest »