ARDUINO  SCOLA Un segn
 
 

UN  SEGN

Presentate al Concorso 1998

di  Arduino Scola

 

El temp l’ è cum un schiacciasàss

pur d’ gì avanti e tenna el pass,

scansa i problem e i valor, el fugg,

e del pasèd parecch rob distrugg.

Fortunèd sarà chi potrà arcuntèla

prò a farém tutti la fin dla cerqua bela.

Lia tanta grossa e imponent ...

La i’ è caschèda sol sa ‘n soffi d’vent.

Ma prò prèma da gì, la i’ ha prés l’impegn

d’ lascè in t’ el su post un segn.

Un germoi, un ramoscel, una sment,

in mod da dì ma quei present,

acsé, sa un po’ d’ malinconia:

“Gì avanti pur ... ma prò voltèv indrìa !”

Ogg gì avanti l’ è un problema seri ...

a-i-avém tutt, sol ch’manca el necessèri !

L’acqua e l’eria che ‘n s’ respira più

e cla pèc bramèda de chi temp che i fu.

  

 

 

UNA  VOLTA

di Arduino Scola

 

Una volta, te scaldèv sa pòch;

basteva dò fascén, un zòch.

Una volta, l’acqua féna

la sgorghèva da la véna

‘niènd giò propi a mèn bàsa

e t‘ la doprèv prò senza tàsa.

Par el magnè, an s’ fèva cagnèra,

un tòch de pèn e dò fagiòi si c’era !

Una volta, a ce cnoscèmmi mèi

e a c’ sentimmi tutti più fradèi !

Po’ la volta la i’ è caschèda

e a c’ sim persi per la streda.

Céghi, sordi, e un po’ a tentòn

a c’ sim fatt amigh sa l’illusiòn

lasciand perda chi valòr

leghèd sigur cert ma l’amòr.

Chi rapòrt tant genuén ...

più prezios d’ tanti guadrén

che purtropp i batt la scéna

per purtèc tutti in ruvéna.

Gràn test fèn, genta più colta,

prò mén umèn de quèi d’ na volta !

An c’era el gas t’ le tubatùr,

l’acqua t’ le chès, no cert sigùr,

la corènt sa’ i su’ atrezz ...

en s’ pò dì ch’ an sim ben méss !

Telecom, in più l’Insipp

C’ manca sol da fè le pip !

Ma oramèi l’ è tant chi’ tenta;

par quell d’sigur qualcò i’ inventa !

Televideo, cellular, cidì,

mè a’ n’ el so’, do’ s’ girà a fnì ?

Prò intant ‘sti ben pregièd

a i paghem più che salèd !

(A sembrem tutti di fulètt

par curra dria  ma l’ bulètt !)

A diferenza d’ quèi inditra ...

quésti  i’ ha el cor de pidra !

A i’ avém prés ‘na brutta via

senza el mod de tornè indria.

A co’ è sevida cla gran guera

se quésti i c’ arbuta sotta tera !?

I c’ ha dat l’odi e tant rancor

levandce l’aria e pur l’amor !

A poch i serv tutt cl’ impegn,

da sfornè lègg e disegn.

da chiames tutti in racolta

par arfè cum quei d’ na volta.

Vist par cert el risultèd;

d’ co’ i c’ ha fatt, d’ co’i c’ ha freghèd

e ogni giorne sempre in tir ...

par levec  l’ultim respir !

Se s’ podessa fè un arcolta?!

I c’ manca  propi ... quei d’ na volta !

 

ARDUINO  SCOLA Un segn