La mi' poesia

Segnalata il VI° concorso di poesia dialettale

"Renzo De Scrilli"

En v'immaginèt quant me piac'ria

d'arivè a scriva 'na poesia !

magari sol de du' strof o tre,

mo ch' c' avessa tutt quell che c'ha d'avé.

Al inissi avria da parlè d'amor

perchè è 'l piò grand de tutt i valor;

e po' dl'amicissia, dl'onestà e del rispett,

che quant la leggi te scaldassa el pett.

La vria fè legera com 'na piuma,

dolc com 'na rosa che profuma,

trasparent com'è l'acqua del mèr,

ch' fassa rida o piagna quant te pèr.

E po' semplic, com'è semplic a respirè,

libera, com ch' l'ucc'lin ch' vedi a volè;

che consolassa e te fassa compagnia

ogni volta ch' avré bsogn de lia.

Ch' arcuntassa 'na storia mai sentitta ...

... la mi' poesia, m'acorgh che l'ho già scritta