Home Stefano Zanchi Mancini

MANCINI ZANCHI STEFANO

POESIE PRESENTATE AI CONCORSI

 

 

‘NA  CERAMICOLA

di Stefano Mancini Zanchi

Presentata al III° Concorso 2000

 

Un rumor, all’improvis

me rintrona t’ el cervell,

mentre sogn el paradis,

m’ha sveghiat in t’ el più bell.

 

Sembra quasi ‘n areoplan

d’ quei ch’ ariva da lontan,

un de quei del temp dla guerra,

che te fann butè per terra,

e ch’ t’ fann prenda ‘n accident,

pensand ma ‘n bombardament.

 

El rumor dventa più fort

Dopp ch’ so svei e staggh più acort;

mo è tutt scur, en s’ véd un cass,

sol dle ali sent el chiass;

sta sicur che lé per lé

già è pronta a pissichè.

 

Per salvass da ‘sta rotura

se pol fè ‘na robba sol,

nonostante la calura

schiaff la testa fra i lensol.

 

Quand dal cald en resist pió

la mi testa artirrò só,

la tir fora pian pianin

dai lensol sotta i cuscin.

 

So’ ‘n espert, ormai so’ vecchj

per trovalla ‘guss i orecchj,

se ‘l rumor sarà sparitt

me consol e dvent pió arditt.

 

El pericol è pasat,

sent da èssa tutt sudat,

ho sofert per la canicola

pió ch’ del pissich dla ceramìcola

che de nott va a ravastón

‘torna al lett romp ... i minchión.

 

 

Home Stefano Zanchi Mancini

MANCINI ZANCHI STEFANO

POESIE PRESENTATE AI CONCORSI