Home Autori Dialettali

SIMO - Simonetta Fucili

Urbino

 

 

L'ingenier in t'i guai

La badant

El bus nov

La rotonda

Vita da gatt

La Befana alla Piantata

 

Indagini dialettali:

Enghido

Fosombron

 

 

 

 

 

 

 

 

 

L' ingenier in ti guai

Presentata nel VII Concorso di V'l'arcont in dialett

 

L'Ingegner in question se chiama Mirco ( è el fiol d'la Marta) e, a 29 ann, j è sucess ‘na robba strana…. A la matina prest ha telefonat ma Lollo, el mi fiol, per arcontai e su' disaventur… Tel sentì tutt c'le esclamasion, ho pensat che se tartassa de tutt un'antra facenda (Simo - luglio 2004)

 

Una matina, poch' dopp che me er' alsata,

sent Lollo ch' biasicava sa 'na telefonata. 

Parlava del più e del men,

quant a d'un tratt, sent che diceva

 

Lollo - En sarè mica matt?

A la tua età, in tla tu posision ! 

Lascia ch't'el digh, s'i propi un gran coion !

Mo cum è fatt, podevi ste' più atent

podevi stè distant … sigur ch'en c'era qualch acorgiment ?

 

(Lollo met gió el telefon)

 

Lollo  - Mamma, era Mirco,el se sa i è sucess?

Simo  - Per carità en me 'l di', en ce vleva propri adess.
Pens ma la Marta, c'ha da fè un bel po'
avrà la comprension de tutti nó.

LolloMamma lo dic ch' en el sa manca cum ha fatt
e giura che en ha avutt nisciun contatt !

Simo   - Nisciun contat, sa dici, en se mai vist,
per opra del Signor è nat sol Crist! 
Valà valà el so io, cum avrà fatt
en ha pensat a gnent e ha fatt el matt
e po', en voj dè la colpa sol ma ló,
tant per ‘ste robb tocca essa sempre in do'.

LolloMamma sa dici, en è capitt un cass

Simo  Propri de “quell” se parla, impara, car el mi' ragass !

LolloMamma en voi di', l'ha presa propi bella …
in fond è sol tel lett, sa ‘n po' de varicella !