Nino Cesaroni

Altre opere dell'autore

ALLA LUNA

di Nino Cesaroni - Urbino, 1981

Pubblicata ne "I QUATTRE VENT" N. 2 - 1981

Presentata al V Concorso 2002

Guardav 'na sera,

sol e solett,

la luna piena

prima d'gi'a lett,

a pansa sopra

sdraiàt t'un prat

amirav st'opra

ch'ha fatt el creat.

E mentre guardav

st'astre splendent

facev intant

qualchi coment.

Quante canson

d'innamorat,

quante person

de te han parlati

T'han tinta d'ross,

de verd, de chiar,

t'han mess tei poss,

e butat tei mar;

anca tei rio

t'han getat sti matt

e vleven sape

chi era stat.

T'han dett bugiarda

e ficcanasa,

che dventi pallida

e po', scontrosa,

mo se' lunatica,

è evident

che non pò essa

diversament.

T'han mess tla faccia

de tanta gent,

e tie sacocc'

de chi en c'ha gnent,

te fan passè

e per chi è ignorant,

t'han fatt crescent

e po' calant.

Dop t'han divis

in tanti quart

e non c'è scapat

nemen un scart.

Com se'n bastasser

tutt st'angherì,

fin malasò en nutti a fni,

per la mania de fé' i gradass,

mo enn arnutti

sa'n pugn de sass.

Soltant Cain

è armast malé,

mo se è vera

en s'po sapè.

De tutt ste cos

che dic la gent

ma te'n t'importa

propri per nient,

e sempre arluci

de nott tei mond

anch se 'na nuvola

dle volt te nascond.

Pubblicata in proprio in "To' chiappa" - 1986 - Urbino