EL TERNE

15 febbraio 1996

Quand s'è vecchj, se d'venta antich

perché en s'monta piò t'el ficch,

per 'na part del corp è f 'nitta

en è piò el centre dla vitta.

Per paura de caschè

s'è costrett a digiunè,

sol qualch piccola scintilla

ogni tant per arcordass

che se lo' adess en brilla

è perché guarda gió bass.

Com è brutt e desolant

che tristessa da campsant.

('na voc)  "Fatt coragg, en t'buttè gió

se adess ló en va pió so.

Fa bon vis a mala sort

se la cambi te i fè tort.

Ogni età ha i su' vantagg

e alora è tant piò sagg

prenda el mond per el su' vers

tir' avanti, en è tutt pers.

Tiente car la tu' salut

en fé tant el dispiaciut.

C'è chi sta ben pegg de te

e te devi rassegnè.

Da tant temp se' in pension

e d'lascialla en è intension,

la tu vista è ancora bona

ed è lìa la padrona,

anca i tu' bei sentiment

lor te renden tant coment,

el cervell è sempre san

e te porterà lontan

e c'sa vò dal Padreterne

vincia ancora n'antre terne?"