LA  NEV  IN  URBIN  E  EL  NEVÓN  DEL  ’29

6 gennaio 1997

Presentata al I Concorso di Poesia Dialettale  Renzo De Scrilli

Quand a Urbin d’inverne buffa

se sta ben vicin la stuffa

i rumor calen de bott

dle campan el son è chiocch.

C’è la quiete, tutto tac

e intorne regna la pac

en se sent el chiass di tacch

e t’i piéd c’è le ciavatt.

Per la nev tutt è discret

ce se mov sopra ‘n tapet.

Prest Stifón d’ Santa Lucia

passand sotta la mi via

dic che “Quest è un temp da lup,

preparatve a fè i starnutt:

imbiancat en tutt i tett

indugiat o gent t’ el lett,

mei el cald sotta le copert

che trovass fori all’apert”.

Spess arpens m’ al gran nevón

del 29, che eccesión,

per gì gió a Santa Lucia

la finestra era la via

e pió alti del portón

c’erne i mucch a profusion.

I burdei sgranand i occhj

vedne a scenda tutt chi fiocch

a giochè hann già pensat

subbit dopp ch’ ha nevicat.

Dappertutt è ‘n gran biancór

e la gioia è t’i lór cor.

Ma me m’ piac’ne i fiocch chi larghi

me da gust tant a guardarli

dondolarsi lentament

sensa fè rumor per gnient,

paracadut in miniatura

su le cos e la natura,

com s’ cascassa ciuff d’ bambagia

volteggiante e randagia

e l’impatt è ovattat

silensiós e delicat.

E dopp s’ véd un bianc lensol

è la fine del lór vól.

Per el fredd tutt è gelat

quanti brombol attacat,

sotta i tett sopra le piant

sa le form pió stravagant

un spettacol, ‘n’architettura

che fa sol madre natura.

Du g’lat bianchi, i Torricin;

imbiancat en i angolin

sopra el Pinc, fora el Logiat

monument e caseggiat,

pó le piass e i campanil

s’ vegghen da ‘n antre profil.

‘Na gran voia, o Urbin mia,

i’ c’ ho prima da gì via,

veda ancora el paesagg

sa la nev - ora è un miragg.

Dopp dai pin d’ Sambernardin

en vedrò la mi Urbin

sempre bella e tanto cara

‘na vision che resta rara

e scolpitta t’ el mi cor

com succed p’r un grand amor.

Quand en fnitt le nevicat

torna el sol in t’el creat

scioi el bianco del lensol

e i uc’lìn archiapne el vól,

e s’ arsent el son di tacch

e disméss en le ciavatt.