|
Amadio Bruno
Ambrogiani Anna Rita
Arcangeli Massimo
Baldani Adalberto
Bernini Arturo
Borgiani Maria Grazia
Borgiani Roberto
Capellacci Anna Maria
Cavapozzi Michele
Fontanoni Antonio
Foglietta Tiziana
Galli Enaide
Gambarara Rosanna
Gaudenzi Roberto
Luslini Oliviero
Mancini Zanchi Stefano
Minutelli Aldo
Panbianchi Giuliana
Paolini Eugenio
Quieti Ines
Ranocchi Giuseppina
Ruggeri Gianfranca
Sanchini Alessandro
Spaccazocchi Maria Teresa
Volponi Giovanni
Zanchi Franco |
TUTTI I TESTI DEI PARTECIPANTI PER TUTTE LE SEZIONI (In ordine alfabetico)
di Amadio Bruno - Pesaro XIII Concorso 2013 Agenda 2014
Quand ce stav io era pien d'burdéi so e gió per i scalin e per le piass d'Urbin.
Sa te success ? I ho détt quand ce so 'rnut dop cinquant'an. Cum'è ch 'en c'è più 'n can ?
I han mandat via da chi tuguri m'ha dett qualcun e adess, s'vo veda qualch burdell, te tocca gì ma Massaferr.
Mo sta cità senza i schiamass e i gioch di ragasin che adéss en gitti via, è trop diversa dall'infanzia mia.
Quand s' giocava alle pallin e quand, anca s'pioveva, se giva sens'umbrell a soné ma i campanell
Oppur quand i spassin urlaven cum i matt contra chi ragassacc ch'giocaven ai stupacc.
Adess invec è piò tranquilla sta città sensa abitant. Mo malasò, sopra i torricin, ha pers un po' d'color el ciel d'Urbin.
di Amadio Bruno - Pesaro XIII Concorso 2013 Agenda 2014
Una volta se diceva quand se giva gió a votè: dai da beva, dai da beva ! Acsé 'l vot el dà ma me.
Mentr' adess è 'n pò più dura e nisciun sta pió a sentì che scarseggia la pastura e la font, la cmincia afni
El voi veda, President, sa t'inventi e csa farè per fermè ste tradìment, s' en 'i dè piò da magnè.
Che la storia è sempre quella e riguarda j italian. Ma Maciolla o Rancitella en s'pò vincia sa i rufian.
di Anna Rita Borgiani Urbino, 10 Agosto 2013 XIII Concorso 2013 Agenda 2014
Du tòni secchi e la prima acqua d'agost rinfresca el bosch. Cancella un po' l'arsura tun tutta la pianura. Se guardi... la su' erba è nutta già piò verda. Anca la colina gód de 'st'acquetina. Rinfresca terra, piant e tutt i su' abitant. Senti la contentessa de ognun in tun 'sta bressa. E' tutt luccid, pulitt, perfin l'uva t'le vitt. Ha smorciat el polveron t'i sentier e t'i stradon. Rinfresca anca ma nó ch'en ne pudevne piò !
di Anna Rita Borgiani 12 Agosto 2013 XIII Concorso 2013 Agenda 2014
Farfalina bianca e nera ch'voli da matina a sera vicin a la casa du' so' nat, fè sembrè più colorat du' che tutt è abandonat. L'uva in alt fann le vitt, raso terra invec i ficch. Tutt cresciutt a volontà e ram rotti in qua e in là. Un bosch chius, un prat incolt, maché vicin e giò ma l'ort. Piante dventate enormi: piopp, sambucch, mori, olmi, acacc, cedre, tamerig, tutt e sopratutt j albre da frutt. Cresc l'edera, s'atacca ma du' pol, tel boschett de ciclamin e viol. Piante nóve, già spuntate, in atre post già radicate; crescne propi dapertutt perfin anca sopra 'l tett. Ringrasiane j uc'lin, j insett, j istric, i tass, i cinghial e tutt ch'j atre animal. Venghne maché dintorne sopratutt t'el fè del giorne un branchett de capriol: 'na madre sa du fiol, du fiol ancora pcin, èn sempre maché vicin. E c'èn anca i miscin, da cima t'i scalin. La casa è granda, vecchia, è piena d'la su' storia, d'la nostra storia... E mentre tutt tac artrovi un po' de pac... E' 'n'oasi solitaria ch' arporta la memoria a robbe gitte, pasate, mo non ancora scordate, ch' èn dentra a tutt, maché, e ch' porti via sa te.
di Anna Rita Borgiani 29 Luglio 2013 XIII Concorso 2013 Agenda 2014
Sgaggia la gaggia, urla cima la pianta, invec da sgagè: canta !
Malé cima l'ornell, è propi un bell'ucell ! Malé da cima 'l cedre, è un bell'ucell alegre !
Sgaggia d'intorne intorne, in tun 'ste fè del giome. Sgaggia da cima l'olme. Sgaggia d'in là e d'in qua, chisà sa chi c'l'avrà ?!
C'l'avrà sa l'usignol, ch'j avrà portat via l'or ? C'l'avrà sa '1 petiross, che j avrà sbatutt adoss ? C'l'avrà sa'l mi' miscin, ch'j ha portat via un sorc'lìn ?
S'è sveghiata mal opurr è 'l su normal ?
C'l'avrà sa te ch' la stè malè a guardè ? Magari è propi aesé.
E alora... gaggia d'i mi' stival c'l'avrè sa chi te par !
Me dici 'sa vò da me ? Si' te che c'l'è sa me ? È fatt tutt da per te !
di Anna Rita Borgiani 6 Gennaio 2013 XIII Concorso 2013 Agenda 2014
En durmì, fra 'n po' ariv, sto per 'nì ! Un po' d'cendra, un po' d' carbon, mandarin e un po' d' toron, per ch'i trist e per ch'i bon. E al matin... guarda un po' sotta 'l camin !
El camin i' l'ho pulitt, perciò adess è mej che 'nitt, se quant m'als en trov gnent dman, accident ma le befan !
E' tacat el calsetin ma la cappa del camin per metta j aranc, i mandarin e anca un po' de toroncin ? E dmatina apena giome s'guardarè sa 'l nas d'insó, già vers le stelle io sarò.
Sarà 'nutta o en sarà 'nutta ? O anca lia va du' j par ? Oh !... E' pien d'cendra, roba grossa e c'è un fum che ce se strossa. Ho guardat su per el bugh, che per colpa del cul gross, fossa armasta impantanata sa la gerla dentra el tub... Invec gnent, sol el carbon. Per stavolta la Befana m'ha tirat un bel bidon !
Da la cappa del camin j è gitt gió 'na gran grugella propi la nott d'la Pasquella ! Ló en ce cred... Chisà chi sarà statt ?! El pasagg era un po' strett, me s'è incastrat el culacion, ho fatt leva sa 'n toron, sa la granata, me so' mezza scurticata... En ho podutt a scenda gió mo ho dovutt argì d'insó.
Stamatina guardava in t'el bugh: "Sa è sucess ma 'ste tub ? 'Sta fuliggin, tutt 'ste fum ". Se l'avessa vist qualcun malé sotta a guardò bell, l'avria pres per un burdell ! J'avria dett: "Ma chi cerchi, la Befana ? Ormai è già parecch lontana."
Caro Ugo, t'avev 'visat che stav per 'nì, avevi mess el calsetin ? Sensa, en poss 'nì ma '1 tu camin a portatt i regalin. C'ho pròvat mo... me s'è incastrat el culacion, èn sces sol cener, fum e carbon.
...Sée ho capitt... è tutt 'na scusa ! I calsin èn p'r i burdei. Me sa tant che anca quest'ann s'è scordata di ch'i grand. Beh pasiensa, ormai è gitta, speram sol che per 'st'altr'ann en se sia propri smaritta.
Te è ragion, en è sbajat, anca se è un po' piò complicat. C'è la crisi anca per me e qualcun ne dev lascè. Sa 'l calsin... content ch'i pcin, ma chi grand ce pens dopp quant'è pasat la mezzanott. Per ch'i pcin c'è la calsetta, ma chi grand j facc... 'na bretta. E va a fnì che pó c'armett sempre quell ch'è piò porett, che de nott in tel su lett sogna un piatt de bei caplett opurr spera, purtin mia, d'vincia ma la lotteria !
Anca i' en m'la pass tant ben, c'ho la gobba, un mal de ren... Galopè sa 'sta granata, me so' belle che malata... En c'ho tanti pagn, spess è fredd e pó me bagn. C'ho le pess, el sacch, le scarp rott, e pó viagg anca de nott. E se, puretta me, è fatiga anca maché. E cosè tra 'sta buriana... s'ha da infurbì anch' la Befana.
Acqua, vent, nev, tramontana, me se alsa la sotana. Viagg e vol a piò non poss, staggh t'el gel e me dol j oss... Stanott ho lavrat tant, vers le sei m'ha pres un cramp... En veggh l'ora d'argì via vers la casina mia, a arposamm... t'el caldin del "mi" camin, d'la mi' stuffa, mentre fora el temp buffa. E pó dopp arpreparè i don, per la prossima stagion per ch'i trist e per ch'i bon.
Sogn el cald, basta mont e tramontana, un'estat vria gì a marina, me vria fè 'na vacansina... Via la gerla e 'l sottanon, el fasulett e i mutandon, perché al mar... se va in costum e pó cosé en m'arcnose nisciun. C'avria anca io 'st' aspirasion, malé sott'a l'ombrelon, godem in pac el solleon ! Mo me sa ch'armanrà un sogn t'el casett, anca se è tant ch'aspett.
Pro in t'le robb bsogna credce, fè volè la fantasia... E cosé, caro Ugo mia, en ce devi armana mal s'en t'ho fatt un bel regal. Pensa un po' ma me listess in tel post ma do' so' adess.
Se me regghen i malann, c'arvedem me sa 'st'altr'ann... mo el camin dovrè slarghè o el culacion... dovrà calè. C'arvedem el prossim ann sa 'l cor liber da j afann !
E adess en diggh piò gnent, e salutt e vaggh sa 'l vent ! Ormai ho dett tutt, vaggh sa 'l vent e te salutt !
E qualcun, già da ogg, guardarà sa'l nas dinsó la Befana ch'en c'è piò !
di Anna Rita Borgiani 2 Gennaio 2013 XIII Concorso 2013 Agenda 2014
Stamatina, tra Timbra e l'ambra, Urbin en c'è, Urbin en s'ved piò, cum farem, puretta nó ?
Malà, dietra la colina, del campanil s'vdeva la cima, tutt le cas sa i lor madon da San Bartle fin al Dom, sa i lor tett, sa i lor copp vecchj... sa 'l temp trist opurr sa 'l sol, le vedevi a tutt le or.
'Sa ch'è statt, co' sarà 'sta novità ? C'ho le traveggol ? En c'en piò manca le tegol ! 'Sa è sucess, stamatina, apena svegghia ?
Mo era sol... un po' de nebbia ! Malà, dietra la colina, s'era alsat' la nebiolina.
di Massimo Arcangeli - Urbino, Anni 1951-52 XIII Concorso 2013 Agenda 2014
Pierluigi, el sòpp, s’avicina ma Ricardo in silensi: pugiava cum ‘na leva el su bracc’sora la gamba sinistra culpitta da pcin da la polio e la tneva stretta sa la man sora el ginocchj, per stè mej in pied. Ma Ricardo en ‘j era sfugitta la su presensa, anch s’fava finta da giuchè, controlava d’sotocchj chel burdell dal mòd da caminè acsé particolar. Pierluigi era piό grand, fava già la quinta elementar e c’aveva dle stran curiosità sesual ch’se sentiva in dover da spartì sa qualcun àtre. S’piassa dietra le spalle del burdlin e, per un pèss, guarda ch’sa fa: lό stava circundand sa di bastuncin el mucchj d’terra che le furmich avevne custruitt intorne al bugh del furmichè, acsé, pensava, nisciun i avria disturbat. Sa ‘n scatt da gatt el sòpp schiaffa el scarpon ortopedich tel lavor d’Ricardo scanceland le su bòn intension, distrugend la montagnola d’argilla e spiacicand per terra decin d’idafarat imenotter. E’ stat acsé che Pierluigi s’presenta mal burdlin e prima ancora ch’sarchiapassa da cla cunfusion ‘j spiatella la dmanda: “Te burdell l’è mai vista ?”. Colt d’surpresa, spiasat da chel mòd da fè e da chel quesitt , Ricardo strabussa ‘j occhj e sa ‘n fil d’voc’ ‘j dic’: “Sa è ch’avria duvut a veda ?” “La passera !” sbraita el saputell, mentre sa dle manovre arditt ‘j s’acuvaciava de fianch per erudil ‘na mulicca. E’ daclavia che Ricardo impara a cnoscia le diversità tra òm e donn, cos ma le qual, fin a chel mument, en aveva prestat nisciuna atension e poch interess. El maestre prò la saveva longa, tel racont piassa a la mej i vari atribut dle femmin al'incirca malé do’ madre natura i aveva piasat e arconta mal su alunn el piacer che ogni maschj avria pruvat sol a veda cle robb intim e segret. A bassa voc’, guardandse atorne in mòd ch’ nisciun àtre pudessa sentì, Pierluigi se sbutona e divid el progett segret sal nòv amicch: Ada,‘na tredicenn vicina d’cundumini, ch’lo diceva ch’era fisicament ben piasata, saria statta dispunibil, per quindic’ lir, a fè veda sensa manch vergugnass la pasarina e, s’ l’aiutava a truvè i sold, anch lò pudeva guardè; per renda l’afar piό ghiòtt, per ingόrdil ‘j dic’: “ Pensa Ricardo che lia cla robba c’l’ha già sa i baff”. I giorne dòp, in coppia, progetne el da fè e ch’mincne a spighè , guasi fosser dle piantin d’gran secch, i pess d’ferr e i fil d’ram tel cantier dismess dle cas pupular. En’era semplic’, infatti, mentre chel piό grand racatava i rest d’ lavurasion di carpentier e dj eletricista, cl’àtre cuntrulava ch’i guardian en i chiapasne tel fatt. El ferr valeva ‘na lira al chil, el ram, piό pregiat e rar, du’lir. Erne quei i press d’mercat ch’stabiliva el straciar, mal qual non apena el pés avessa ragiunt el valor in sold preventivat, l’avrìine vendut. El lavor, facil a prima vista , i tneva ucupat per divers or al giorne; chi metall che tutti credne pesant, sembravne piό leger dle pium, c’vlevne decin de vecchj chiod per arivè al chil, e i fil d’ram fini cum i capei, parevne piό legeri di sem del sufion di piscialètt. La signora Chiarucci, cnusciutta da tutti cum l’arplitta, s’afaccia ma la finestra, dmanda ma Ricardo s’giva per su cont a cumprai dal maclè cinq’ lir d’òss per fè ’l brόd che po’ l’avria arcumpsàt. Cnuscend la su tirchieria, el burdell en c’saria vlutt a gì, mo svergogna d’rifiutas e part per faj chel favor. Quella invec’ è statta la furtuna d’chi giuvincei perché la signora Chiarucci a spesa fatta i regala ‘na bella pell d’cunill secca pronta per essa vendutta. Pierluigi en credeva mai su occhj, ingazaritt e ross cum un pevrόn dic’ ma Ricardo che cla pell, se fossa statta tutta bianca, pudeva valé almen diec’ lir, ma anch dacsé, sa’n ciuff ner tla cόda, òtt lir i avrien fatt listess e, sal ferr e’l ram ch’evne arcòlt, Ada, el lor desideri, era a purtata d’man. Impepati, sa ‘j occhj luccid, se fisne per un po’, cuntenti, guasi imbriachi, sfetucne per la via d’casa sa’ tel cor l’idea da curiosè tle’intimita d’cla burdella, per asaporè chel stran, strepitόs, incunsuet piacer ch’nisciun di due aveva ancor gustat. La dmenica matina, scapati dalla chiesa de San Serg, dòp la messa, Pierluigi e Ricardo alungne el pass per sganciass dai solit amich. Lor c’avevne ‘na mision da purtè a cunclusion, ripulitti cum un lensol pasat tel rànn, guasi corne per superè el tratt d’strada ch’i separava dalla realizasion del lor prugètt. Ognun stregneva t’na mana la metà di sold guadagnati sa la vendita di metall e dla pell e che, cum d’acord avrìine cedut ma l’Ada, dòp che questa ‘j aveva fatt veda tutt quel che cum maschj en pudevne avé. S’nascondne, quatti, dietra la baracca d’legn di murator, parland de ch’largument del qual en cnuscevne gnent. La bordella tardava, ‘na voc’ distant, un strill cum quel del falch i incuriusisc’: el glatar, sal su’ trabiccol, era vicin; un impruvis cunflitt d’interess mischia i cunvinciment d’ Pierluigi e Ricardo, cum foj al vent i pensier di due s’aviluppen, le spint sesual pasne in seconda linea lasciand mal glat, che qualcun ‘j aveva dett ch’era tant bòn, el scalin piό alt di lor desideri. Ada, sa tutt i su’ orpell, s’era persa tel labirint del lor cervell, saria certament arspuntata quant da adult nisciun glat avria pudut blochè e stornè cle voj fort e curios.
di Massimo Arcangeli - Urbino, anni 1950-55 XIII Concorso 2013 Agenda 2014
“Nit machè dietra’l capann, fat pianin sensa fè i dann che fra ‘n po’vien giò la Bea fors ‘j vdem la su orchidea”. No’ burdei era ‘n bel pess ch’se teneva d’occhj ch’el cess e se stava sitti e quatt arpiatat dietra le fratt per capì sa ‘n po’ d’paura cum è fatta la natura. Qualch nusion nό c’l’avevam prò el ritratt c’niva ‘n po’ stran, sapevam che cla faretra stà davanti no de dietra e qualcun c’ha arcuntat: “...c’ha la barba cum i frat; quattre petali... du’ un po’ strani rossi cum i tulipani, du’ piò grand un po’ carnos cum i petali dle ros”. “ Ecch la Bea, stat sitin ch’ è ‘n bel po’ ch’ce tien tle spin, dai Gigin en fé el teston s’no perdem anch st’ocasion stà giò quatt, guarda ben ben ch’è malé ch’se pianta el sem”. Lia s’piassa sa ‘j stival tel tavlon in diagonal e se scopre el fil dla schina propi al centre dla latrina. “P’la miseria, per pòch casch ! En s’ved gnent sa tutt ste frasch !” “I’, invec, veggh sol du’ guanc, tonde cum dle melaranc…” “Nò, en vedi ? en cum dle ond sa t’el mezz un bel buch tond” “ Se, è vera- rispond Neno- c’ha ’n occhj sol cum Polifemo” “ E’ imposibbil , en me par ver ch’en arcnuscet manch el seder ! Ve’l digh io ma tutti quanti quell è’ ‘l dietra no ‘l davanti, è all’arversa no a la dritta, anch stavolta è aria fritta” .
“La Feuille” messa in dialett di Adalberto Baldani - Carpegna XIII Concorso 2013 Agenda 2014
Do t' va pora foja secca senza più 'n tett te ch' te si stacata dal tu ramett ? «Ia enn' e so nient, vaggh do me porta 'l vent: in cima i mont e giù per i grepp, in fond forse in gir per tutt le vall del mond, vaggh do vann tutt le cos do vann le foj dle ros, vagg finchè 'l vent m' arcoj vagg do è che del melaure vann le foj; ecch do vaggh».
di Arturo Bernini XIII Concorso 2013 Agenda 2014
Com in t' una allegra giurnata de festa carnevalesca, tutt' intorne, cum fosser di curiandol, scenden, fitti, sottili e sglati fiocch de nev, che legeri, adag adag, tutt le robb van a cuprì e sotta el candor de chel soffic mantell van a sparì.
In t' el tard imbrunì dal ciel, che adess par più fond e ner, scend giò ancora la nev e tra le su trine, e cla nebbia culor dla cenner, tutt le form cunfond e t' le fan cumparì cum fosser dle ombre velat e vaghe.
Se sent a nì, da tramessa ch' la foschia, com un' eco luntana, el son chiòcch, vibrant e pigre d' una campana; dl' Ave Maria: en i rintòcch, che alla preghiera invitta e arduna la gent: quella d'gì a preghè è un' Opera Pia ch' en costa nient,
Invultulàt in t' un chel grigiòr d' atmusfera sunulenta, che 'n pò t' cunfond e te scùmbussula el pensier, stanchi t' senti j occh per guardè fiss sensa veda nient, sa l'ansia tel cor me par d'essa spers, perchè propri en sò du gì.
Intant l' aria s' è fatta più giaccia, e la senti che t' picca tla faccia, e t' incalsa al rientre tla porta, e ma 'l confortant calducc ch' manden i ciocch, che lenti arden schiupetanti in tel camìn.
Per ardè vigor ma 'l corp e scanc'lè dal cor chel malumor, sopra le vivvid brac, en state messe a rusulè un po' d' castagn; e posat colme de vin, un bricch, per facc un bulent e tonificant vin brulè, che già per la calda stansa, del su' saporos udor del su' spìrrit aspre e dolc de' canella ha spars e culmata.
Se ! bevem de chel profumàt vin brulè un bichier, che a stimulè t' va dentra l' annima e te dà cl' euforia che t' rasserena; t' par d' arnascia, e te dona tanta de cl' allegria che t' va a eliminè chel vel d' tristessa dle affruntat fatigh, i magòn, gli afann ch' è vutt in t'un ch' el grigior de giorne.
di Arturo Bernini XIII Concorso 2013 Agenda 2014
T'una matina d'un giorne di prim d' utobre - c' avend tla testa e tla cusciensa le racumandasiòn di Dutor de caminè, per fe gì giò la pansa, el colesterolo e cl' atre magagn; anca s'en era 'na bella giurnata per via del ciel cupert e d' na nebiulina anca un po' freschina - m' imbabuch scapp da casa e tacch a caminè. Per un gross e pigre come me, ………………………… è ne n' impresa … facil. Chiapandla pian pian, sensa fretta: «m'archmand en calsat, ch'vagh ben d' achsé se no me vien la pansciarella». Sgambland e scarpinand dop avé fatt la scalinata de front al bar Giardino, ansimand per un fiatòn "sputta pulmon", me mett a seda sfnitt per archiapè el fiat in t' na banchina del giardin del Mont, propri de fianch ma … Rafaell. Archiapat el fiat, com se fossa un furestier, me mett a guardè d' intorne; e sicom al Mont en c' vagh de spess, (troppa fatiga), me so acort che le Stele di ommin illustri erne cresciutte. Io de truvam circundat da cla massa d' artisti arguardand ma Rafaell, cusè impunent e bell che da ma là sò duminava ma tutti, sentimm tramezsa d' tutt chi ommin illustri ch' han purtat tanta nutorietà ma Urbin, me so' sentitt a gunfiè el cor d' orgoj. Avinghiat tra cla nebiulina, ogni tant, nivne giò cl'e cascatelle d' foi gialle che sol a vedle me armetevne a dirett cuntatt sa 'l temp ch' era nut d'un riggid ch' t'entrava ti oss e cusè triste e grig ch' me rinciculiva, ch'me 'nut da chiuda j occh per en veda … cla desolasion ch' e me meteva 'na mucchia d' malinconia e de rimpiant per l' estat; e alora en se sa com' è sucess ?! Ch' el pensier e fugit per cont sua per gì a fnì a beass in tle … isol caraibbiche, autentich paradis ancora esistent in t' un sta pora terra. M' artrov davanti ma i occhj un paesagg da levatt el fiat, daver da favola, cum s' veden a la television, se guardat le trasmision … dla Licia Colò, “Alle Falde del Kilimangiaro”. Da sotta l'ombra d' na palma d' noc de cocch, guardav d' intorne a perdita d' occh, el mar ch' s' cunfundeva sa l'azur del ciel, d' una blessa sensa ugual e sa n' arietina ch' m' arcorava. Chel paradis, ch' en ha paragon, me beava, me faceva sentì un de chi sgnoron … baciati dalla bona sort pieni d' quadrin. Schiocch !!! Na tanacca ch' m'ha rimbumbat tel cervell e ch' m'ha fatt fè un gran stols da murì d' un colp; ohnna, pro che botta !!! Ahi, che mal ! Altrechè el sol, altrechè el mar. T'un lamp me so' artruvat sturdit e disincantat tra la nebiulina; sa' ch' era sucess ? 'Na … castagnaccia d' quelle d' india, chisà perché, asp'tava propri ma me, guarda cas, per famm el dispet de cascam t' la testa, sa tutt el su bel ricc. Ahi ! Ahi ! Ahi ! che mal ! Ahi ! che chiopp ! Mo prò per fortuna, ch' en era na … ………………………………… noc de cocch ?!!!
di Arturo Bernini XIII Concorso 2013 Agenda 2014
Quand eravam di burdei un po' pcinini e da giuchè eravam stuffi e annoiati, c'erne dle volt ch' ce giruslava per la testa da fè dle birbanterie ch' en erne tant legittim da gì a fè. Pro quant suscdeva, suscdeva che s' c'chiapava la ciribicoccla de travers per gì a fè i dispett. Tutt la fatiga era da pensè ma chi gì ha dè fastidi ? Ma quant ce chiapava el diavleri ma doss da gì ha dè fastidi, se prendeva tel mirìn anca ma la gent piò granda e vecchia. Quest suscdeva anca perchè dle volt c' erne sa nuiatre ha giuchè di burdei piò grandi, e calcùn d'lor era na mucchia piò dispetos d'niatre, ch'era daver un disculacc. El piò le volt erne propri lor che s' daven l'àssica per gi a fè i dispett quasi sempre ma le donn anca vecchie che s'diceva ch'erne dle stregh ch' facevne le fatur e ch' tiravne el malocchi per fe stè mal ma le person, prò specialment ma no burdei e burdlìn fina a fai murì. Pro quest el facevne sol per gudagnè i sold. Perchè dachsè, dop la gent specialment le madre givne da lor per fè levè le fatur ma i fiol, per arfai guarì levandi le fatur sol sa l'oli. Le madre purtavne i fiol dalle fatuchier. La fatuchiera, bagnava un ditta t'na cuchiara sa l'oli e po' versava la goccia d'oli t'una scudella sa l'acqua dicend le preghier e invocand la guarigion ma la Madonna e ma i Sant. Se la goccia dl'oli se rumpeva e se disfaceva fina a scumparì, vleva dì ch'ciavevi na fatura grossa fina a murì. Pó dop Lia prendeva cl'acqua e tla strofinava tla testa recitand insiem le preghier. Sti riti duravne fina a quant la goccia dl'oli armaneva a galla bella tonda, tonda e sana in tl'acqua, s' ardicevne le preghier, t'ungeva la testa e la fronte sa cl' oli benedett e Lia t'aveva guaritt. Tutt sti discors no' i sentivam arcuntè dalle donn quan lor s'ardunavne e s' metevne ti viggol per le strad a seda tle sedie e ti banchett o ti scalin di purton davanti casa, ti pumerigg d'estat in tel più fresch, mentre facevne la maia, i merlett , el punt a croc, o cuscivne i pagn, e c'erne anca quelle ch' filaven sa la rocca. Ogn'una c'aveva d'arcuntè la sua e cusè se metevne a chiacchierè tra d'lor di fatt suc'dutti: prima durant, e dop la guerra, o quei piò recent ch'sucd'evne in Urbin o de fora d' Urbin. Dle volt tra i vari discors calcun givne a fnì a parlè dle fatuchier. Alora s'arcuntvne dle storie di ragas che s'duveven spusè, mo che po' dop en statte lasciate perchè j avevne fatt le fatur; dle moi e dle fameje ch' en givne dacord sa 'l marit chi mnavne perchè infatuati c'avevne n' antra donna, sempre per colpa dle fatuchier; ch'dicevne anca ch'erne d' le streg, ch'preparavne dle mistur maggich e dle pursiòn e fitre maggich che lor vendeven e davne ma la gent , per fai innamurè o per fai litighè o perfin a fai murì. E cusè incmiciavne a discorra per dle ora de 'sti innamorament e di fatt de disaccor tle fameie, d'le cattiverie e d'le sciupatur e malatie che misteriosament chiapavne ma cert person sensa che i Dutor en sapevne com guarille, Cusè tutt le colp nivne scaricate ma le fatuchier ch'erne anca dle stregh ch'ciavevne la nomea de cumbinanne de tutt i culor. A dì el ver, ma niatre burdei ha sentì chi fatt, cè metevne na fiffa da cacac ma doss. Pro qualch giorne dop arpensand ma chi fatt, quest' incminciaven ha girunslàcc tel cervell e arparlandne ce se acendeva la fantasia che tra de noiatre burdei en scarsegiava e l'ingrandivam fina l' esagerasiòn. Pro invec dla fiffa ce scapava da rida a crepapell. Incminciavam a fè i burlòn e ha chiapalla com se fossa un gioch e cusè tra na risata e clatra c'iartruvavam a giiuchè alle fatuchier e po' facevam finta da fè le magie. Givam tla canella più vicina ha chiapè l'acqua sa le man giunte la bevevam cum fossa un filtre d'amor e alora se faceva gl' innamurat o da ste mal e da murì; e s'inventava anca dle cansuncin per de la cuiona ma le stregh-fatuchier. Gioca gioca, da malè c' ha chiapat el brill da gì a fè i dispett ma cle stregh. Alora un bel po' prima (anca un para d' stman ); durant le vacans d'la scola, inchminciavam da'le matin e po ti pumerigg, preparevam le nostre manfrin. Po' aspetavam i mes d'utobre, nuvmbre, fina febrar, sa le giurnat corte ch'faceva nott prest e quasi sempre la sa nebbia. A'la sera; di sabbot e dle d'mennich tra niatre burdei ce s'incutrava per studiè e preparè un pian d'asiòn per gi ha dè fastidi ma le stregh e anca inventè le parol per na cansuncina per fè na serenata de cuiona sotta la finestra d'casa d'la fatuchiera. E dop, t' un giorne qualsiasi, dop es'ce messi d'acord ben, se decideva che a 'na cert'ora dop cena, dai sei – ott burdei o piò, ce s'arvedeva e tutta la banda s' ardunava in t'un tal post. Da malè po' ce metevam a caminè e taiè per i viggol fina a gì vicin a'la casa du stava la strega. Pro calcun strada facend s'tirava indietro per la fiffa. Quant na volta arivati tel post, prutetti dal scur dla not e calca volta per fortuna dalla nebbia, ce metevam malè a petta a na certa distansa dal purton e da sotta le finestre dl'ia in mod da putè fuggia subbit sensa pericol de facc chiapè e prenda le snìat, tant volt sc' fossa stat qulch'un, el marit o i fiol a fac l'aguat. Ve digh che sal cor ch't' bateva dacsè fort per la paura ch'el sentivi tla gola ch'te levava el fiat: Com di galestron in coro ce metevam a cantè de fuga la serenata per cuionè la strega-fatuchiera, armediata un po' sa le parol d' le chiacchier sentitte, en po' inventate da no, ch' faceva presapoch d'achsè: …
< Strega e stregaccia, le tu' fatur le devi fè ma la mi cacca, perchè la tu' fatura ma me nemen me chiappa e manch me fa paura. Strega e stregaccia, fugg fugg, che i pret e i frat te dann la caccia, se t' chiappen te leghen tel giogh per po' brusciat in t'un gran rogh. Strega e stregaccia, te fè el malocchi ma chi sia, ma la Madunina te purterà via e dl' inferne t'manderà tel scur ma te, sa tutt le tu fatur>.
Se avet capit ben, dle volt en facevam manca in temp da dì la cuiona che s' apriva la finestra e se afaciava la strega tutt' arabitta che c'mandava un sach e na sporta d' maledisiòn e de minacc: < burdlacc, rasaccia d'manigold, fiol d'putan, i ve denunc e ve mand ma 'l discolat; fugitt fugitt, ch'tant el vengh a sapè chi set, alora faret i cont sal mi marit che ve darà un frach de bastunat > Pro dle volt suscdeva ch'el marit, un fiol o un parent, c'spetava e s'meteva in aguat per po'dac daver la caccia; e nò via a fuggia a scaracoll tutti smanati per i vigle; mentre quel che sc'dava la caccia urlava: < ve dagh ii i pret e di frat e cum' è vera ch' me chiam Pepp, se ve chiapp, ve facc veda daver le stregh e calcos' atre, ii ve ce facc afughè t'la vostra cacca. Io ve poss asicurav che gitta sempre ben, ne Pepp e nisciun de chiatre en c' han mai chiapàt. Pro ve cunfess che calc'un d'no, se cacat adoss per daver. Ogg ve poss arcuntè, che da le fatuchier c'è so gìtt do tre volt anch'io e dop, so stat ben. Pro adess senza vanterie, vò arcuntat cle belle bravat ch' facevam niatre da burdei ai nostre bei temp. Pro adess m' archmand, en git a fè i dispett ma la gent s'en la c'nuscet e ch' avet sentit a dì mal d'lor sol per dicerie specielment s'èn ansian, ma lor tocca v'lei sol ben e purtai rispett, sopratutt pechè ansian adess el so anch' io.
di Maria Grazia Borgiani XIII Concorso 2013 Agenda 2014
- I prim guai del dumiletreddic - Pensav che pasat el dumiledoddic un po’de guai se risolverne. En l'avessa mai pensat ! L'Italia va pegg de prima. Dopp seicent ann, el Papa se dimett, sèm armast tutti a boca aperta. Tel Vatican i Cardinal en sapevne più cum fè, el cerimonial de dimission en s'arcurdavne du l'avevne mess. Finalment l'han truvat ! Ma per l'interpretasion en erne d'acord. El problema principal era el nom da dè mal dimisionari. En parlan de quel che suced in Italia ! Aven avut le votasion, ma sèm più imbroiat de prima. En ce cas da trovè un governe ma sta nasion ! I rapresentant ch'avem votat, en san piò sa dì. Un giorne dicne na robba, el giorne dopp è tutt el contrari. En sapen più ma chi creda, insomma è un gran casin !!!
di Maria Grazia Borgiani
A proposti d’imundissia: sto guardand el scatolon dla carta sempre pien, el biduncin dla plastica gonta, le butiglie de vetre c’è la fila, l’ummid, che saria i scart dla cucina, tocca portai via anca du volt al giorne. lo en m’arcord che quant’er pcina c’era tutta sta robba. A pensac ben la plastica en esisteva, la carta serviva per gì tel gabinet, el vetre era presios, i scart dla cucina erne pochi, perché quei dla verdura se davne mai cunil, quale osicin tutt scarnit se dava ma tef, el can del paes, le test del pese se davne mal gat. Sal pan dur se faceva la pappa o la pansanella. I piatt se lavavne sa l’acqua dla cotura dla pasta e un po' de cendra. I pagn se lavavne sal sapon, pó se metevne tna mastella sal bugh, sopra se meteva un pagn vecchj, su quel la cendra, pu se faceva pasè l’acqua bolent, l’acqua che scapava era el ran, che serviva per lavè i capei. I pagn dop ch’erne stati sciacquati erne più bianchi e profumat de quei d’ades. I capott dop ch’erne consumat e dventat luccid s’arvoltavne. La carta che ce vendevne sal succher (detta anche carta da zucchero per il suo colore bluette), serviva per metta tel pett ma i burdei quant avevne la tossa, se ungeva sa un po'de strutt e se meteva tel pett, era na medicina impagabbil, invec la carta paia, bagnata serviva per metta mai burdei quand cadevne per non fe ni el bernoccol. La pell del cunill se riempiva de paia e quant pasava el straciar, te dava anca diec lir. Le penn di poi servivne per riempì i cuscin. A la fin de scart en c’era propi gnent e en c’era el problema di rifiut e dl’inquinament
di Roberto Borgiani XIII Concorso 2013 Agenda 2014
En el so s'è per via ch' ha bufat più d’una stmana o piutost a parer mia ch’ ha tirat la barburana.
T’ ha dipint com un Castel incantat ogni canton manch avessa avut el pnel ogni vigle ogni madon
niva so dal foss d'la Val e pó so dalla Miniera come fossa un gran caval sa la nev come criniera
com na suppa de bambagia sopra el rifle quel piò alt sverticava fin a Sbragia rugolando san gran salt
dal campsant alla chiesina schine gobb e muntalett giva petta a la stradina fin a ricuprì i murett
e de d' là vers ma la Piev sompava el campanil el vrichiava tra la nev cumpagn d’un gran mantil
luttava so ma i grep fava ogni sorta d' moss e scrullava anca chel cep ch' arparava mal petross.
Sarà stat per quest o quel en importa en fa gnent ma da quant parevi bel quasi chiap un accident.
di Anna Maria Capellacci XIII Concorso 2013 Agenda 2014
Odio cl’agegg, ch’è entrat tun casa mia e ha portat via un bel po' d'armonia. Ser bituata a gridè mai mi fiol perché stavne al telefon a tutt le or. Favne el chiass, ridevne fort, quant'alegria ! Me favne tanta cumpagnia ! I sarò a l'anticca, ste robb le capisc poch, mo en è mej a parlè voc a voc ? L'unica cosa che c’ho guadagnat è che ades stan a casa, mo en sempre malé tacat. Tutt’un silensi ades, en se parla pió, anca el telefon è tant che en sona pió ! S'manda i e-mail. forse farà pió fin, mo vu metta la voc de qualcun ch’te sta vicin ?? Ades se "ciatta” silensiosament, en senti volè na mosca, en capisene pió nient. C'han tanti amici: cinquanta, cent, ducent, mo ma ognun, de chiatre en importa gnent. Tnetvne tre o quattre dei quei veri e bon e scapat fora a pasegè tel sol !
di Anna Maria Capellacci XIII Concorso 2013 Agenda 2014
Questa è na storia vera, m'è nuta in ment stasera, mentre stendev el mantil. En pasati un bel po' d'ann Mo ancora rid da per me e adess la voi arcontè.
Tre burdei, tre ragasin, cinqu sei ann el più pcin, c'navne a casa da per lor. La lor ma, per un impegn I aveva lasciat sensa sostegn. Tra un pess d'pan e na fritata c'è scapat na litigata. Chel più pcin che en c'la faceva a competa sal più grand, en ha fatt ne tant ne quant, 'i ha tirat una furcina, e l'ha pres propi tun bracc. Dop ch'era arnut un po' de pac e avevne fnit da magnè s en armess sobit a giuchè. El ferit stava da na part sal bracc long e dolorant, guardava chi do puntin, mo era sol un rasptin. A un cert punt, spalanca 'i occh, piò sorpres che spaventat, dai puntin un striscion ross fina al gomit era arrivat. I fratei s'en allarmati, la sorella più grandina, capisciona ma anca pcina, ha capit la situation: "Mo quest è l'infesion !!!" en se sa cum el saveva, a d'avè sentit qualch arcont in gir sensa fè tanti discors ha pensat mal pront soccors. Un vicin tirat in ball s'è prestat per compagnall. En montati tla cinqcent, el ferit sal bracc dolent, la sorella dal finestrin sventolava un fasultin. Alla vista dl'Ospedal el ferit en stava piò mal, mo 'i ha pres un gran tremor sol a pensè ma i dotor. La surlina el consolava, pó 'i ha dett tutt'an tratt: "Dì, te si lavat el bracc ?" Lo tra mezza i lagrimon a cminciat a strufinè tott le part interessat e se cort che sai polveron giva via anca l'infesion. La surella s'è arabbiata. Ha arcordat tutt a un tratt che anche l'inguria avevne magnat e era colata per el bracc. Tutti vlitti en gitti a casa, el burdell tott sollevat, la burdella en se capiva: o c'aveva avut paura o perché era fnit l'avventura, en entrati tla cucina tutti do per la man sa tla ment un gran problema: "Adess chi l'arconta ma mama ???" Pó han vist t'un cantuncin chel più pcin tott abacchiat e da malé han capitt che lo aveva già confesat.
di Michele Cavapozzi - San Benigno Canavese (TO) XIII Concorso 2013 Agenda 2014
Signore e signori m’avet da scusamm ma quel che ve degh en è un ingann, signori e signore ve parle sal cor la storia ch’arcont è piena d’amor.
L’amor per un post, un paes pcin pcin, el ricord sbiadit de quand s’er burdlin. L’amor per chi mur, la gent e i cipress Ch’en vivi t’el cor ma che en morti da ‘n pess.
I en el so se ce set mai statti ma scapat de casa e git giò dritti. Dopo Gadana e la meraviglia urbana, frutto del genio di ingegneri e architetti, svoltat mal Bossle e git pianin, set bell’arivati ma Cavalin.
Signore e signori set fortunati, Castelcavallino vi accoglie o beati ! Signori e signore set fortunati, i mur e le cas en en ancora crollati.
El degh acsè, mo en è propri vera basta entré t’el castell per fassne n’idea: d’sotta ‘l campanil c’han mess un cartell “maché casca tott, fog via burdell!”
Do c’erne le poss, adess en s’pol gì, è pericolos, è mei da partì. E’ mei non pensè ma chi giorne ormai gitti, mal profum d’la bucata, di lensol e i vestitti.
Arivati t’el volt godet la frescura guardat ma la piev e stat a seda t’i mura, i bosc ed i campi, le cerque e i cipress en en ancora fugitti e armarran per un pess.
Stat atenti però, en v’avet da sbaiè d’sotta chi mura è mei non guardè, è mei de non veda che un pestin per volta el mur del paes va giò sa la malta.
E’ mei non pensè cum fa ste burdell “com’è che machè lascne gi giò el murell ?”, è mei de non chieda se Cavalin è ogg com un temp un pestin d’Urbin!
I moderne Duca maché han sbaiat en c’è piò bsogn da perdce el fiat, en è pió el temp d’le parol e i discorse maché servne i fatt, c’è bsogn de soccorse!
I vria sperè che ma i Duca d’Urbin i fregassa qualcosa de Castelcavalin! Ancora c’è el temp ma è question d’urgensa, prest el paes cambierà residensa!
di Michele Cavapozzi - San Benigno Canavese (TO) (Non è propriamente una filastrocca in dialetto ma ho verificato che molti tra gli anziani di Cavallino la ricordavano per averla sentita dalle loro madri) XIII Concorso 2013 Agenda 2014
Staccia mineta le donne di Gaeta che filano la seta la seta e il bombage a me non mi piace piace a San Giovanni che batte le castagne le batte troppo forte che fa tremar le porte le porte son d’argento e pesan cinquecento cinque e cinquanta la mi galina canta canta galina risponde la pulcina pulcina e pulcinella lavavan la scodella la lavava e la sciacquava di sotto c’era il pozzo il pozzo era cupo di sotto c’era il lupo il lupo era vecchio di sotto c’era uno specchio lo specchio era quadro di sotto c’era un prato il prato era fiorito con sette donne da marito una la fila una la taia una la fa ‘l capel de paia
di Tiziana Foglietta In occasione del mio 30° compleanno, 6 luglio 2004 XIII Concorso 2013 Agenda 2014
So ch' en c' credi manca te mo en trent’ann anca per me. So' na donna fatta e fnitta mo en c’la facc manch a stè dritta. Cicatric, mor, peston, la mi vitta è a rugolon. Certe volt facc la signora mo la Titti vol nì fora e più cerchi d’ignoralla piò ma lia i scappa bella. Sa vu facc, ormai so' acsè o me chiappi o lasci stè I' me sent com na bordella la mi vitta è sempre bella. Spensierata e sorident prima o poi ce sbatt i dent. Pro intant i' so' felic so' machè sa tutt 'i amic. Dop i trenta c’n’èn ancora… …farò in temp a essa signora !!!
di Tiziana Foglietta - 24 dicembre 2004 XIII Concorso 2013 Agenda 2014
En ormai piò d’quindic ann (se ce pens chiapp un malann) che io vengh t’un sta famiglia per la sera dla vigilia. Sotta l’albre de Natal na catassa de regal, pacchi pcini e pacchi grossi, fiocchi verdi giall e rossi; mai pensat tanta abundansa tutta insiem dentra na stansa, capirè, per na burdella ch’sta vicin a Rancitella… Ogni ann sembrava mei erne sempre un po’ più bei; la famiglia s’è alargata, la catassa è aumentata. A ‘n cert punt, ormai sto mal, è arivat Babo Natal ! Era nut per na burdlina ch’era pcina e propri blina lì per lì s’è spaventata… sa i regali… 'i è pasata ! Ann dop ann sempre più tesa, nella gioia dell’atesa, quand ormai era la sera lia creava l’atmosfera. Ogni volta era na festa lo moveva man e testa, a ‘n cert punt, sarà stat mal… en c’l’ha piò fatta a fè le scal ! Te dirò, chi s’n’importa… basta ch’lascia la su' sporta ! Ehh, ste tip de tradision, èn na gran bell’invension, cert, a fai è 'n immatiment, mo a scartai è ‘n gran moment ! Voj concluda sta poesia, augurandve l’alegria; el prossim ann prima de tutt, v’acompagni la salut e tutt quel ch’desiderat che l’abiat o ve sia dat. E per en sbajè o dì mal, io ve augur bon Natal !!!
di Tiziana Foglietta - Anniversario di “fidanzamento” 4 aprile 2005 XIII Concorso 2013 Agenda 2014
El digh quasi sa rispett, n’èn pasati diciasett… incredibbil a pensacc, eravam poch piò d’burdlacc. Erne inissi d’primavera, aria pura, quasi sera me tenevi per la man “io e te girem lontan”. E’ pasat la primavera sempre insiem, matina e sera sò pe’l pincio per la man Ce sedem ? No..caminam ! Le vacans, le pasegiat, i mus lung, le litigat gira mista pssne i ann rischiam anca d’gì ti dann… Chi’l pensava: fidansati ! e ala fin ce sem sposati. Du ann e mezz sol io e te tutt’an bott ecch sem in tre, è arivat sa tutt i onori e ora sem du genitori. El lavor, la casa, el fiol è faticca, s’fa quel s’pol prò che gust a essa in tre c’è qualcun ch’è me e te. Lo s’abraccia a nó, distrutti: “babbo, mamma, Mommi..tutti !” Dicsett ann, odìo, c’arpens a dill fort fa’ anca ‘n po’ d’sens. Mo se ved che tr’alti e bass vlem gì avanti d’pari pass. Nimce incontra, vlemce ben pasarem la vita insiem… En sarem cert soli dman, c’avem anca armess le man ! Sarà cert quel ch’Dio vorrà nó c’metem la volontà; sa l’amor e l’alegria vlem percorra tutt la via. Quand sarem vecchi e men bei pensarem ma chi bordei che incminciavne insiem la vitta gind a spass per na salitta.
di Tiziana Foglietta - Auguri Giuli ! 12 gennaio 2013 XIII Concorso 2013 Agenda 2014
La mi socera, bordei quel ch’io faggh, lia el sa fè mei sopratutt sa la dispensa in cucina è na potensa. El mi marit en el fa notè mo ogni tante el sent a sospirè “I' er abituat m’an cert vitt fatt in casa e ben cundit invec mi moj me dà le sement ch’faran bnon, chi dic nient ? La salut prima de tutt ! …pro la crescia sal distrutt !!!” Ogni tant prov a competa mo è lontan assai la meta pu i’n so bona de copiè sem divers, sa ce poss fe ?
La mi socera, dà ment è arditta, en i sfugg gnent pro ha imparat na gran virtù de ste sitta e butè giù. E’ capac de stè tel sua en s’fa mai i cassi tua mo, el dic anca s' en dovrìa, i fa difett la diplomasia “Giuli, t’piac ste dolc c’ho fatt ?” “me fa schif, dalli ma 'l gatt”
La mi socera s’vest ben se ved propri che ce tien sa fè certi abinament che’n ce credi ch' en spend nient. Lia è n’artista, e i su disegn te fan veda un gran ingegn che dovria coltivè perché propri ce sa fè. Sa i nipot pó è’n portent lor la stussichen e lia i da ment sa la carta i aeroplan sa 'l carton case a più pian sa la stoffa, e du graptin è nut fora 'n indianin; pó, sapet, lia c’ha ‘l diploma de fè i compit è anca bona se mett giò e sa la pasiensa lia 'i aiutta t’un sta sciensa che quand i compit i fan sa me fin a Montsoffi senti a urlè…
I la cnosc da vent’ann e piò e l’ammir un gran bel po’ c’ha na forsa non da tutti specialment t’i giorni brutti
Cara Giuli, te voj ben pensa sempre che ce sém e se ‘n sapessi sa fè da magnè… ... c’ho du sment anca per te !!!
di Antonio Fontanoni - Sassocorvaro XIII Concorso 2013 Agenda 2014
Tra tutt cle bancarell c’era ‘na donna pcina, pcina a seda sopra di strac e diceva ch’faceva i miracol Nisciun ce credeva e pasava Me so’ avicinat e lia m’hafatt sottavoc: “La gent en sa che i miracol en se paghen e manch sa da do’ venghen !”
(cioè poesia, di circa cento anni fa, che i bambini recitavano davanti al Presepe.) di Enaide Galli XIII Concorso 2013 Agenda 2014
Nel presepio della mamma Proprio sotto la capanna Ho veduto un bambinello Bianco, rosa, bello bello. Poverin con tanto gelo Non ha veste, non ha velo Solo il bove e l’asinino Fanno caldo a quel piccino. Io che sono un po’ più grande Ho la veste e le mutande La camicia e poi la maglia E lui solo un po’ di paglia. Ma però non ho sentito Né un lamento né un vagito Anzi è sempre sorridente Anche a chi non gli dà niente. Caro bimbo, bel tesoro Ti prometto nel mio cuore D’imitare sempre te Nell’amore e nella fe’.
di Rosanna Gambarara XIII Concorso 2013 Agenda 2014
Io arpart e artorne. E argir per ‘ste scalett e per ‘sti vigol dov ogni canton me dic calcosa, argir per ‘ste piasett e per ‘ste piol, arcerch tun ‘sti maton,
guard el color di copp sopra ‘sti tett maché sotta e c’ho quasi l’illusion ch’è armasta ferma dentra ‘ste merlett de righ e d’angol l’onda dle stagion.
Ma da cima a Valbona en se ragruppa piò el capanell di vecchie sa la bretta e el tabarr, sa la man ma la ringhiera,
ch’parlen e vann a fass pò ‘na foietta, dle donn sa le gonn longhe e sa la gluppa. Ogg c’è ‘sta strana genta forestiera.
di Rosanna Gambarara XIII Concorso 2013 Agenda 2014
Iezzo Madonna mia, che confusion da toia el fiat ! Bandon e matarass tavol e sedie rott divan poltron mufitt, tacat ma ‘na paret catass
de pianell de piastrell e de maton, un sacc d’cement e de gess gitt, du cass de carbon marc, ‘na mattra e ‘n caseton sensa casett ‘na bott e sopra ‘n ass
matass de fil dla luc chiav seratur chiod tuna scattla d’latta sa ‘n decor a fiortin, ruginitt. C’en anca in billic
sopra du cavalett vicin ma’l mur i pundor d’bab sa l’accid salicillic... ... El temp te fa l’anestesia ma’l cor.
(Modest omagg ma Mario Logli) di Rosanna Gambarara XIII Concorso 2013 Agenda 2014
L’ho vista a l’improvis dietra la svolta d’un sogn, fors. Scivolava pian tel pel dl’acqua, se rispechiava capovolta com ‘n’ isola, com tun mond paralel.
Me par d’avella arvista ‘n’antra volta forsa, tra l’imbra e l’ambra, in mezza al ciel, sospesa malasò, viagiava arcolta com dentra’n’astronav, s’gonfiava el vel
dle nuvle sotta. Sensa pes pian pian volava sa ‘l palass i toricin el campanil la cuppola la mura.
Mentre volava sempre piò lontan, quand era ormai poch piò d’un punt pcin pcin, sapev d’avé trovat la quadratura.
Daj e daj anca la cipolla d'venta l'aj di Roberto Gaudenzi (Robi Gaudino) Fossombrone 2011 XIII Concorso 2013 Agenda 2014
Tel paès d'Urbénia è ormei na tradizion, de fè sa le cipoll del temp le prevision !!! In prattica te dig'ne se sarà bell o brutt.. ...enn'è na robba da poch... l'azzec'ne quèsi tutt !!! È dventet un event a livell nazionel... tant'è che ne parlan tutt i giornel !!!
Quest'ann, per farla breve, da Ottobre a Marz sarà fred ... e pol fè anca un po' de neve ...ad April e Magg s'alzarann le temperatur ...sa qualc' temporel ...ma de quest' èn men scigur.
Giugn, Luj, Agost e Setembre el sol sarà alt t'el ciel quèsi sempre, ma se el vent argira e porta di nuvolon è fecil che farà anca qualch' aquazzon !!!
Ma la prevision che me lascia senza fièt ... ...è che t'un sti mès de cald se magnarà de più el g'lèt... più bevand più frutta e più verdura e che t'aumenterà anca l'abbronzatura !!!
St'ann po' han fatt na prevision eccezionèl ...el 25 Dicembre sarà Natèl e che el 31, i' enn' el so com'è che fan, sarà prevista la chiusura dl'ann !!!.. ...ma per favoreeeee !!!
di Roberto Gaudenzi (Robi Gaudino) Fossombrone 2011 XIII Concorso 2013 Agenda 2014
Natèl, che gran corsa ma j acquisti !!! Co' j fà se in gir j occhi èn sempre più tristi... Se vedi 'n amich che a fianc te passa... invec de salutat ...la testa ...t'abassa !!!
L'important è de fè bella figura sopra la scattla "maneggiare con cura !!!"
È incmincieta la competizion.. stereo, i pad, television ...tutta robba che costa i quadrin sia che el compri gross o che el compri p'cin !!!
A Natèl en se beda a spes... po' s'vedrà quant'è la fin del mes !!! Te fan un doppion enn' el sèi co' c'èj da fè... sta tranquil ch'el pò reciclè... ...ormej el san tutti ste truchet... gambi la carta e gambi el bigliett.
J' ma ste rob è un po' che me ribell El reghel è reghel sia che brutt è..sia che è bell e st'ann me so' fatt un reghel senza spenda un sacrificio ...me so' compret un spazzulin sal dentrificio...
...e quand l'ho apert la matina de Natèl me so accort ch'enn' era per nient un reghel banèl.. perchè tra tutti sti pachetti splendenti... me dit vojatre sa che cazz avrja lavet i denti !!!
ovvero "Pietme la targa" di Roberto Gaudenzi (Robi Gaudino) Fossombrone XIII Concorso 2013 Agenda 2014
...A Fèn, en v'arcont le barlzett, ...fan la guerra ma le biciclett !!!
Sia ch'se' grand, che se' un monell te fan la multa ...se en c'i hai el campanell !!!
M' han fermet i vigil de Fèn giù pel canél ..."sta bicicletta en c'i ha el fanél !!!"
Cazz ...j ho dett, ma sèm de giorne ce se ved ben ...guardetve d'intorne.
Oh ... enn' han volut sentì ragion... ... e non m'han fatt contavezzion. !!!!!
"Non faccio altro che applicare un decreto... la luce ci vuole sia davanti che di dietro !!!"
J so armast com un patacca... l'avria pres per el bavre dla giacca po' me so dett en me poss comprometta per dò luc che manc'ne t'la bicicletta !!!
So arpartit vilit com un chèn en l'avessa mei fatt ...en er contro mèn...!!!
...Via che m'arfermne n'atra volta "In un'altra infrazione l'abbiamo colta !!!" e riapplic'ne el decret per chi va contra el diviet.
"Come vede siamo molto scrupolosi ed attenti, ...per cortesia favorisca i documenti"
J ho dett :"En c 'i ho ...l'ho presa un po' alla larga ...adess ve li riporto... intant piet'me la targa !!!
di Roberto Gaudenzi (by Robygaudino 2012) XIII Concorso 2013 Agenda 2014
A F'sombron la vita è sempre più dura... ade' te van a veda co' butti via t'la spazzatura !!!
"Èj ragion, la vò savé bella ... tramezza di foj de carta me c'è git na fetta de mortadella !!! "Embè, pol suceda me sa na robba normel !!!
"A so' content... me arrivet un gran verbel ...cent' euro de multa da paghè dentra dò mès... tant c' n'avem poch de ste spes !!! "Ma valà, com han fat arcnoscte... me pèr na barzeletta... "Te digh ch'è vera... m'hann guardet t'una boletta; han vist nom, cognom... insomma l'intestazion ... e han capit ch'er de F'sombron !!!" "Oh ma 'n amic mia j han fatt na multa per un pera de scarp... è robba che en c'è se cred !!! "Ma valà com han fatt arcnoscle.... "Dalla puzza di pied !!!
J' per stè un po' più tranquill, ho pres e ho chiamet in comun ma Chiarabill... "Gaudino en c'è gnent da fè... sta multa bsogna che la vè a paghè !!!
"Alora, el savet j co' ho fatt !... per l'organnic ho miss sò tre gatt... per la carta... el legn e tutt chi ginglin... fò un falò e i brusc in tel camin !!!... ...e la prossima volta, chi va a controlè ti casonett me fa na bella caldarella de pugnett !!!
COL FULARD CHE ME SVOLAZZA !!! di Roberto Gaudenzi (Robi Gaudino) XIII Concorso 2013 Agenda 2014
Ogni volta che fà un scrosciòn per le stred de F'sombròn tra le bug e le cachét di chèn en se sà do metta le mèn !!! -"CO ME FREGA...J STÒ IN TLA' PIAZZA, COL FULARD CHE ME SVOLAZZA !!!
Se pensi ch'j en digh el ver. fa un gir vers el verzier... ...en voj essa esagerèt !!! per d' bòchè... t'un camp minèt !!! sa le bug ...che le più p'cin ce se piatta a nascundin !!! … CO ME FREGA...J STÒ IN TLA PIAZZA, COL FULARD CHE ME SVOLAZZA !!!
M'incamin p'la scalinèta tutta mezza sgangherèta... vedi subbit ste degrèd è na robba ch' en ce s'crèd... ...vo giò a pièd per falla corta... rischi sempre de piè na storta... ...po' cla volta che l'ho scamplèta.... ho mess pied t'una cachèta !!! e la port a spass tla piazza.... COL FULARD CHE ME SVOLAZZA !!!
di Roberto Gaudenzi (Robi Gaudino) Fossombrone XIII Concorso 2013 Agenda 2014
Dò vechiett de F'sombròn.... se artrovevne alla staziòn e dintorna ad un tavlin, sa tel mez un bel quartin, se sfidevne a dì i proverbi, a voc alta com i superbi:
" Cert che te en t'arrendi maj …. e daj e daj anca la cipolla d'venta l'aj"
" Ostia...questa è propi blina ... ma el sèj che la tigna dla sera tocca lascialla p'la matina ???"
"Quand el mont mett el capèll, vend la chepra e compra el matèll" me sentiv a dì da pcin sa la nev ti Capucin.
"C'nè una che ancora ti mur se lègg: giva mej quand giva pègg"
"Te en te lamenterej che compri le robb le più chér... ma arcorte che è fnit le noc ma Bacucc ..che c' n'aveva sett solér !!!"
"È vera...sfondi na porta aperta... do en c'è el guadagn ..l'armessa è certa !!!"
"Hai ragion ...me farai rida la gaggia tocca pialla senza falla strida".
"Ce ne una che ancora la sent spess s' en trovi marit va a sant'Ippolit che tel fan de gess"
Questa pró è la più blina de tutt: "avem fnit de piantè i passon sa i prosciutt...."
"Sentirei la botta s'en sia sord ..." i diceva sempre la merla mal tord !!!
...E quand alla scola la maestra Petra s'arcmandeva ple mutand "..el gial davanti... el maron de dietra !!!"
Gim a paghè vala' en non t'aspetè che c' fan di sconti.... en gambièt le rob sal governo Monti !!! "Sta' sentì …...ma te en te se regg... tl'ardigg n'atra volta "giva mej quand se giva pegg !!!"
di Roberto Gaudenzi (Robi Gaudino) Fossombrone XIII Concorso 2013 Agenda 2014
Ho riscoperto la bici, la mia bici, quella fatta di pedalate naturali, di soste in luoghi piacevoli; quella che mi porta a conoscere gente e scorci nuovi. In uno di questi, la dove il leggendario Duce da Forlì era sovente incontrarsi con la sua donna Petacci in un angusto albergo al lato della vecchia strada consolare Flaminia dove ancora oggi i muri sanno di sesso, qui dicevo ho casualmente incontrato una misera cannelletta d'acqua proprio sotto al livello della strada e di fronte ad una casetta colonica rigorosamente in pietra. Qui, all'ombra di un Gelso il refrigerio è totale: dapprima la bevi a gozzo, dopo che l'hai fatta scorrere, poi la bevi a due mani, ti ci sciacqui la bocca spruzzando il getto sugli avambracci e cosce, poi ti ci lavi il viso, il collo, insomma te la fai tutta tua tant'è fresca e rigogliosa. "Gatacci ,git fori d'chèsa"-sento vociare alle mie spalle." Era una vecchina con dei gran occhiali che appena intravista mi parea la bella copia della Matrigna della fiaba di Ansel & Gretel. "Sentne cald anca lora... apposta vojene gì dentra chèsa !!!" "È vero signora oggi fa molto caldo anche se in questo posto si sta sicuramente più freschi" le rispondo come a volermi giustificare di quella indebita appropriazione di acqua appena fatta. "Fortuna st'acqua" aggiungo. Quest'ultima frase detta un po' cosi in dialetto ha dato il la a che lei potesse fidarsi a parlare con me; che sarei stato ad ascoltarla, insomma che non ero certo un tipo che se la tirava preso dai tempi e dalle medie tipiche di chi va in bici vestiti a quel modo come lo ero io. E cosi mi racconta che ci trovavamo in un di crocevia di più strade che portavano, passando dai monti, fino al mare di Fano. "Io vengo proprio da Fano " le rispondo. "Bellina Fano, ci vado una volta all'anno, quando i mi fiol me portne a magnè el pèsc al mer !!!" E lo diceva appoggiata con una spalla all'uscio della porta mentre si teneva con tutte e due le mani sulla tenda a strisce di nailon con uno sfondo di mare celeste raffigurante una palma; l'avrei caricata su in bici per portarla al mare come regalo di questa sua maniera naturale di esistere. "Ho visto che avete anche un bel forno a legna " le dico indicandolo all'interno di un capanno pieno di ogni cosa. "Scè, scè è a legna e anca quel l'accendèm na volta all'ann... per Pasqua... ce cocem le crèsc !!!" -"Ummm buone - dico io - come la fate... con più tipi di formaggio e con il cappello in crosta che sborda da tegame ?" -Propi dinchelmo'... le fèmm acsé che en le più bon sal formagg pecorin el parmigèn." "Due fette di salame, un bel bichierott de vin, via andare..." le suggerisco io risalendo in bici. -"Maghèri, pasètt, pasètt pur quant'è Pasqua dismo' sentit quamt'è bona la cresca dla Lena" "Come vi chiamate ?" le chiedo incuriosito di tale nome. "Elena, io mi chiamo Elena." "Caspita che bel nome e poi è un nome antico, nobile insomma è un nome importante !!!" "El so -mi risponde lei un po' seccata - el so che è important, ma io en el voj essa e allora me fo' chiamè LENA !!!" L'avrei ricaricata sulla mia bici, magari seduta sulla canna, col vento che le passava sui capelli ad incontrare quel mare che lei stringeva tra le mani di quella tenda !!!
di Oliviero Luslini XIII Concorso 2013 Agenda 2014
Sapessi ‘sa c’è quand ved ma te dentra el mi’ cor: tant’ amor.
di Oliviero Luslini XIII Concorso 2013 Agenda 2014
Se guard el ciel, m’emosion. Se chiud ‘i occhj ancor de piò. Allor pens: “Chi ce sarà malasò ?”
di Mancini Zanchi Stefano XIII Concorso 2013 Agenda 2014
Se te dol i ginocch’. Se c’è un mal fin tla schina. Se c’vol ‘i uchial per leggia ‘l giornal e t’ gira el cervell dalla matina…
Se t’casca i dent, o i capei Se en senti quand’ te chiamne e te tira sempre el cul En t’la chiapè; è mei !
Se anca te tremassa le man e fort battessa el cor; Se te scordi le gocc’ e non fe piò l’amor…
en te preocupè ! Resta content è sol che se nutt vecch’… En’ è nient !
Ma te che leggi o ascolti voi ditt: “Enn’ me dè tort ! è mei a essa vecchi… Che essa mort !”
di Mancini Zanchi Stefano XIII Concorso 2013 Agenda 2014
Me per d’essa nat’ ier quand mai vigol petta el Dom er ‘un burdell pcin pcin e mi’padre invec’ un om’.
D’un tratt’ me so sposat’ e padre so dventat de du’ burdei speciali: bei e gignali.
Tun lamp’,me sa miland, anch’lor enn nutti grand, epur’ me guard tel specch: “Ancora en par ch’so’ vecch!”
Vaggh per la strada daggh da dì ma cle donn e la mi moi me dic: “sta sitt… ormai se nonn’ !!!”
Aldo Minutelli Fermignano, Settembre 2013 XIII Concorso 2013 Agenda 2014
S’ n cittadin del mond en pol essa forestier Italien, cines, americhen o marochin In fatt de parentela nisciun mister Se nim tutti dalla scimmia, al massim èn cugin
È vera, en vol dì el color dla pell Me so’ cort ‘sti giorne, tutt un bott Per la streda vegh arivè un monell ‘Na figurina nèra com la nott
Quant se vicinet lo guardet un po’ Sè, era divers da nò, mo sol pel color La testa, gamb e bracc, uguel a nò Ho penset uguel ciavrà anca ‘l cor ?
Infatti se fermet, ha cerchet de dì sochè Ha giret la faccia insò, m’ha guardet fitt “Da do vienni ? com se rivet fina maché” Dai gest, ho capitt ch’en m’ha capitt
Prò, pareva vlessa dì “C’è post per me ?” I’ho careset i capei com fossa ‘l mia M’ha strett la mena fort, sensa parlè M’ha ringrasiet sa 'i occh e pó è gitt via’
di Aldo Minutelli - Fermignano XIII Concorso 2013 Agenda 2014
Adess v'arcont la prima cotta 'Na storia vecchia un gran bel pò Quant ce pens ancora scotta Quell c'ho sofert, sol i el' so'
Alora, eravem tel quarantatrè Com' érne i temp vel' lasc pensè Come tanti, dalla cità, è rivet sfoleta 'Na ragasetta dla mi età, n'insemboleta
Era 'na quindicen alta e dritta Adess ciarpens en era bella 'Na biondina sbiancuscitta Prò, ma mè, me pars 'na stella
Ancora érne fiacc le mi risors Piò che timmid er impaciet Un giorn ho arcolt tutt le mi fors In qualch mod me so avicinet
Per un po' sol amici, sol monei Pro già de lia en podev fè a men Per metti un ciclamin tra i capei Mè so sentit tremè le men
Alora me so chiest mo chsa sarà Sta sensasion che vién dal cor (dop ho capit) "En fior che sboccia tun cl'età Da che mond è mond, se chiema Amor"
Era per me 'na cosa nova Qualcò smoveva tel profond El monell dentra de me moriva Stev entrand t'un antre mond
Cla bordella m' era entreta tel cervell En m' abandoneva un attim la pasion L'odor dla guerra apicichet tla pell I a quindic' ann er tel palon
Cott com'er piò d'na pera I' en fev piò a mén de lia Da I'alba la seguiv fina la séra De nott montev tel carr dla fantasia
M'arcord era giugn, un giorne d' festa La tnev per mena t'un camp de fien Quant n'aparecch a zero sopra la testa Ripetutament mitraglieva 'l tren
Lo abraceta, lo buteta giò de scatt Lia piagneva, i piagnev; lo stretta fort 'I ho datt un besc e un besc ma datt El besc de do monei in punt de mort
Era 'na storia dolc, neta tel scur Sboceta e visutta tra mille paur Ci han fatt sorvolè I'adolescensa Ci han neghet el pen e la speransa
La speransa che mai c'hà fatt lum Prò i e lia tun Italia coperta dal fum Nonostant i veti e la forseta dieta Em continuet a tessa ch’el filin de seta
Finalment la pec è riveta La gent arcmincet a cantè Anca'l gatt se mess a balè Mo per mè 'na gioia sfocheta
Breve Biografia. Aldo Minutelli è nato, il giorno di San Valentino, a Fermignano nel 1929, nella Parrocchia di Silvano. Vive dalla nascita nella città metaurense. Ha lavorato per 20 anni nel Tabacchificio "Donati" ed altrettanti nel çanificio "Carotti". E' un autentico autodidatta. Coltiva interessi che vanno dalla meccanica alla elettronica riciclata fino alla poesia.
di Aldo Minutelli - Fermignano XIII Concorso 2013 Agenda 2014
Na volta, domineva el contadin, la gran paura Me per da vedi ancora tutti mal camin de sera Quant arcontevne ognun la su ventura Che fra spirit e diavlacc, l’avevne vista nera
Oh ! Magari emosioneti ch’en i’arniva el fiet Fevne a fè chi l’arconteva piò sgabroza Elencand tutt i spirrit ch’avevne incontret E per fè nì i brivvid, rincarevne ancor la doza
Magari en s’è curevne se ascoltè c’era i monei Tutti da qualca part avevne vist un fantasma Ma lor, purtini, al sol sentì si riseva i capei E pasè t’un chi post, i niva l’atacc d’asma
Dop, sal temp, ma tutti t’un chel sit maledet I pereva de veda un’ombra bianca tra i’acacc Perché iarniva in ment quel ch’avevne det E malé dalla paura grondevne sudor giacc
Ancora pegg se qualcun arniva dop mezzanott Ò pasè malé t’un chel post ò fel gir del perdon Invec giva un pò mei quel ch’arniva mezz cott En feva ches se ‘na lucla i pareva un lampion
Stò arcordand stì cristien sens’ombra d’ofesa Prò dett fra nò, cla volta erne di gran coion A lor dì alogevne tutti qualch’annima sunchesa Magari adess en sne ved una a pagalla un milion
Comunqu oltre che veda, tutti sentivne qualcò Anca se chiusi dentra, en gambieva la sort Tla cambra d’sopra nisciun giva piò Perché el nonn da trop poch era mort
Chi sotta la iola sentiva piagna n’uclin El si diceva: “c’era un chi sofieva tla bretta” El lament d’un moribond niva giò dal camin Se salveva sol la nonna, perhè sorda netta
di Giuliana Pambianchi - Canavaccio XIII Concorso 2013 Agenda 2014
Cerchè da fè più sold de quei che c’è… … mo, se te bastne i tua da spenda, per sa fè ?
L’ambision de dventè chissà chi… … mo per cosa, se dopp, n’amicc en se cosa vol di ?
L’afett de quei che t’voine ben, la stima de quei ch’ c’lavori insiem,
el rispett da part dla gent, l’amicissia de tutt i conoscent…
apressè sempre ch’el po’ che c’è: forse, el segret dla vitta è quest machè !
di Giuliana Pambianchi - Canavaccio XIII Concorso 2013 Agenda 2014
Tla su vitta ha ‘vutt sempre do grand amor: le machin e la pasion per i motor; e dacsè quest’ann, finalment, ha cumprat una vecchia Cinqcent, de quelle che adess en se fann più, ‘na Cinqcent Special, blù.
Avet da veda l’è content, Gegè, salla su Cinqcent: la luccida a tutt le or, i’ ha potensiat anca el motor !
Sa do amici ch’c’hann la su pasion un bel giorne han colt l’ocasion en partitti tutti tre per un radun sa n’automobil vecchia pr’um; davanti a la fila ve dmandaritt chi c’è ? Naturalment, la “Special” de Gegè !
Mentre la guida, tutt content, Gegè pensa malla su Cinqcent: è propri ‘na gran bomba ! Sent el motor, cum romba !
Mo tel più bell, quant giva tott sparàt, el rumor del motor è gambiàt, ha incminciat a ralentè e Gegè ha dovutt acostè, perché la bella Cinqcent blù s’è fermata e enn è gitta più.
Por Gegè, che delusion ! En s’aspetava sta conclusion ! Propi dasmò è fnitta cla matina: sal carr atress, fin’ a l’oficina !
di Eugenio Paolini Fossombrone XIII Concorso 2013 Agenda 2014
Metti el nès all'insù e scoprirèi sempre più un mucchi de robb bell: el ciel a pecorell un gran lègh de stell, el silenzi dl'univers el splendor d'un matin ters, el vol prodigios d'i ucèi: diversi formne mantèi i atre le frecc co i lor stuoli tant differenti enn i lor voli.
Dopp metti la test' all'ingiù e t'acorgi d'la fila d'le formichin che caminen sempr, tutt le matin e trasportne i pes come Gesù che qualca volta en' i la fan più sulla via del calvèri laborios content n'la fatica e mèi ozios.
Anca i' del viagg d'le nuvle guard l'incant e ringrèzi el bon Dio de scoprill ogni tant.
di Eugenio Paolini Fossombrone XIII Concorso 2013 Agenda 2014
Era un om bon pazient e istruit, se stèva ben con ló che quand en c'era dicevn "do' è git ?"
Era sempr soridènt e con ló en manchèva mei gnènt sapeva organizè ogni co' ch'en t'acorgevi manch perch'en diceva mèi dessa stanch.
Mèi te rispondeva "enn'el so": pr'ogni robba te dèva la spiegazion ma 'na spiegazion tranquilla che giva gió com 'na camomilla ch'en tochèva agiunce gnènt perch'era propri esaurient.
Quand c'era 'na difficoltà l'afrontèva de pett en dèva la colpa ma nisciun perché de tutti aveva rispett, e a la fin trovèva la soluzion con nostra piena sodisfazion.
Prima d'magnè diceva l'orazion enn se vergognèva: era un cristianon ma enn'imponeva a nisciun de dill la diceva pièn pièn, tranquill.
Quand fèvne a ghèra co le biciclett ló e i dó amich più strett se 'i dmandevi "com è gita ?" con bona ironia te rispondeva: "So arivèt terz'ultim"
Avret capit ch'a stè sa lo' dèva propi gust bastèva stacc insiem ch'el cor era più leger l'amic mia era fort e ver anca se d'aspett enn' era 'n fust.
di Ines Quieti XIII Concorso 2013 Agenda 2014
Valentin a Cavallara. Che gara el cross ! A guidè t’impara. Io c’er giù per chi foss, c’era la ret, se no i saltavam tutti adoss ! Chi en ved en cred: La gent ! En c’era el post per un pied ! Quand han dat el via sa l’altoparlant Pronti in fila da cima el grep più alt, Vale davanti ! Io guardav ma tutti, che casi, era git giù da pied el foss, pro io guardav de Valentin, sarà mei el quarantasei ! Valentin giva fort tel prim, era davanti, e poi s’è quasi fermat un pochin, è stat brilant, capiret voiatre ! Da cima el podio, ce pensi i campion del mond ! È stat na gara de beneficensa che el Signor i ricompensa ! I sold per costruì l’ospedal, un let anche per le mamme, na cucicina per na minestrina è normal. Chi fiolin amalati terminal tra le braccia dla su ma anche el dolor fa men mal.
di Ines Quieti XIII Concorso 2013 Agenda 2014
Ragassi sta pissa è bona da passi so' gitta tla piassa ho vist ’na ragassa magnava la pissa pareva ’na passa parlava da sola cla bella ragassa. E mentre aspettava che s’asciorava pianin pianin caminava. Soffiava sopra la pissa che profumin m’è nut la voia, m’ne dè un cuncin ? "Scusi ragassa ma du se passa per prenda la pissa ?" " Vers el dom, più in sù dla piassa." Ce so gitta e l’ho trovata. Viva la pissa e chi l’ha inventata ! Sta pissa a pessi c’è de ogni rassa è poco condita e en ingrassa rossa o bianca l’ho messa subit tla pansa, sa la salsiccia e la mossarella l’ho presa per me e la mi sorella. Insomma sta pissa è bona e saporitta Che pechet c’l’ho fnitta ! Sta poesia l’ho scritta per un pissaiol che i voj ben com s’fossa un fiol, chel pissaiol se chiama Fagiol…
di Ines Quieti XIII Concorso 2013 Agenda 2014
La cuoca della piazza tla cucina sopra la mattra staccia la farina sa la staccia, ma la farina i fa na buganina po' l'acqua calda, l’oli e el distrutt a fè la crescia è un minutt.
Sopra ce mett el formagg o el prosciutt dla Carpegna e la gent la divora per pranz e per la merenda ! De corsa tutt al giorne, dalla mattra al forne !
A cucinè è la su pasion, è fresch l'ov e lia te fa ancora la sfoia sal rasagnol. I canelon, i raviol, le taiatelle e i caplet, i sugh de tutt i color, che profumi che sapor !
I pranz ! Fa i prim, i second e le pietans, per el can en c'è mai ‘i avans, che pans !
Non importa se fatica, è allenata, fa la cuoca da una vita ! Che cuoca, che amica ! È l’Elisa !
Con affetto, soprattutto per chi lavora gran rispetto ! Cosa vuoi che ti dica, sorella amica, tutto quello che ho scritto è vero, anche questa verità era dentro il mio pensiero !
XIII Concorso 2013 Agenda 2014 di Ines Quieti
So' nèta vers Che Vich e stev sotta l'ombra d'un bel fich. È passet un ragass forse giva a spass m'ha dat du occhiet e dop un po' è arpaset. Se 'l vlet sapé na volta se curtegeva acsé. Alora, io er da sola e lu m'ha dett: bella fiola me permetti na parola ? Io che tremev prima da parlé: "perché sa vu da me ?" "Te vria dmandé da fé l'amor me batt fort fort el cor !!!"
"Adess en esagerè forse ce pudem anca incontré forse de me en t'importa gnent ma ce darem un appuntament da chesa en poss gì via vien d'intorna casa mia". È git giù per Che Vich me pareva un bel fich me parleva mosc mosc e ogni tant dventava rosc. Ma i mia 'i ho dett na bugia: "poss gì da la mi sia ?" En vlev fe i dann ma avev bsogn da svagam.
Ho dett ma chel ragass i' vagh da Che Spass se vieni giù ce pó contè i' veng sa te.
Da cima la Cesana tirava la tramontana io cercav da caminè lontana ma lu me teneva stretta stretta tant che 'i è volet la bretta; ariveti in cima Che Dond el vent m'ha tiret su anca le gonn ! Ce sem divertiti da murì ma a una cert'ora so dovuta argì. Dop un po' de giorne quest girava de nov intorne alora 'i ho dett: "En gì via te present ma quei de casa mia: ve present sto ragass l'ho cnosciut da Che Spass m' l'ha fatt cnoscia la mi sia - e giù anca sta bugia". Era fori della porta, l'han guardet e po' i han dett: "O giovnott c'è giudissi ? c'è nisciun vissi ? En ce dè i dispiacer ma sta fiola i vo ben per daver ?" "V'assicur ch' la rispet En la port subbit tel let !"
I genitor decidevan lor en pudevi fè el ragass en pudevi gì a spass se se perdeva l'amor era 'n gran disonor.
Prima de sposé dal dottor la fevne visitè perché cla volta l'unor aveva un gran valor. Oggi sa l’unor En ce compri manca un pundor.
di Ines Quieti XIII Concorso 2013 Agenda 2014
M'han rubat l'infansia mia, prò l'anima en m'han portat via perché el bon Dio che c'ha datt la vitta m'aiuta arscrivla sa la matita.
Mio Dio che don ! De tutt te voj chieda perdon !
Sola sola chiusa in tla mi stansa in compagnia dla più assoluta ignoransa a pessi e brandelli sia chi moment brut che i pochi belli pian pianin i ho arcomposti spess ho anca confus i lor posti sensa tanti problemi magari quel che niva prima l'ho mes da piedi.
È pur bella la vitta fina a quand c'è la gomma che te cancella la feritta !
di Giuseppina Ranocchi XIII Concorso 2013 Agenda 2014
Appena t’accorgi c’se nat (se t’accorgi !) capisci che la vita è difficil.
Incminci subit a protestè, brontolè… “Sa so' nat a fè !”
La storia te dic: da quand l’om è l’om al mond c’è stata na certa evolusion…
Te guardi atorne e … quanta disperasion, confusion.
Vedi che tutti corne, se scalmanne, se dan i calc, i pugn tla schiena,
chi è in fond vol arrivè da cima sensa studiè nessun sistema bon.
I sguardi en freddi te congelne com fa el gel d’inverne sa i fior del tu giardin.
T’accorgi che manca l’amor.
En c’ha l’amor la madre per el fiol, el fratel per el fratel.
En c’è rispett per i più pcin è valid sol un simbol … el quattrin !
Se n’imparam a fè com fan i pettiros del bosc: en tutti allegri se c’è el sol, ma en allegri anche se fora piov.
El legn che brucia tel camin ce scalda sensa chieda nient.
Sorrid la gent se te per prim sorridi…
Stringem le mani di chi en c’ha la forsa. Imparam pian pian a viva per essa più contenti.
di Giuseppina Ranocchi (prov.: quell che s'fava s'arava) XIII Concorso 2013 Agenda 2014
Dei vecchi, ormai se sa, nessun ne vol sapé granché, anche perché, dicem la verità, en un po’ noiosi, pretendne da insegnac, da fac da maestri…
No en vlem sentì da chiatre quel ch’avem da fè; vlem fè da soli i nostre sbai ! Ce sentim più bravi d’lor, sem sicuri ch’en dventerem mai vecchi e noiosi…
Ecch el motiv per el qual sem dacsé presuntuosi !
Mo i m’arcord ancora del raccont ch’faceva el mi padre tle ser d’inverne:
Arcontava sempre d’un fiol ch’aveva caricat tle spalle el padre vecch’ per portall tl’ospissi.
Cla volta en c’erne i mezz d’adess ! Per arivè in chel post c’era da fè na gran salitta;
a ’n cert punt ch’el fiol en c’la fa piò ! El padre in chel momenti i dic: “T’arposi anca te fiol mia… anch’io me so fermat in cima na salitta quand portav el mi padre in tl’ospissi…!"
A cle parole el fiol ha armess el padre in tle spalle ed è arpartit d’volata !
Ha capit che tla vita quel ch’se fa se ricev.
di Gianfranca Ruggeri XIII Concorso 2013 Agenda 2014
T’voi fè 'na dichiarasion. Mo de guerra, opur d'amor ? Te m'è chiest, guardandme dritt, i occhi fissi tel sufitt. Cosa ? d'guerra ? Mo va via, che magari en t'bastaria tutta quella ch'sera e giorne s'fa tla terra tutt'intorne ? Tla voj fè invec d'amor, sè, d'amor, sa tutt el cor e t'voj dì, e so' sincera, che t'voj ben, mo per davera. "Mo te se immatitta - è det - so' na donna e me par chè se' na donna come me". "Oh carina sa è capitt, en ho mica cambiatt sess, voj sol ch'pensi, anca te, adess ma st'idea ch'ultimament me vien sempre de piò in ment. Che c'avem da vlè piò ben donn, burdei, om e vecch che la vitta è cum sèm nó, en s'artoma indietra pió, sopratutt quand, cla matina sonarà la campanlina per gì dov, el se' anca te, tun chel mond de là, se c'è.
di Gianfranca Ruggeri XIII Concorso 2013 Agenda 2014
Tra tutt quante le figur le figur di mi parent ch’en c'èn piò in ste moment, io m’arcord dla mi nonina ch’era pcini, pcina, pcina, ma però solo d’altessa... per il resto, una belessa. Io v' el digh la nonna mia era ‘na specialità, vo' diret “la tua... se sa !” Mo en é vera perché lia, anca s’era sol la mia, la notaven tutti quanti perché era tropp avanti. Era avanti sa i pensier, sa le idee, le opinion sempre al pass sa i nostre temp. en avevi da dij nient, ch'lia sapeva sempre tutt quel che c’era da sapè e quand stavi per parlè s’en avevi ben capit te tocava anca stè sit. La mi nonna, digh el ver, era un po’ un carabinier sempre sa’ tutt i vestit ner e na grande paranansa ch'i copriva un po’ la pansa. Quand perdeva la pasiensa qualch spropossit el diceva io stav sitta, la guardav, 'na paura me faceva ! I' dicev dop un bel po’ “Nonna cerca d’en dì piò tutt ch’le robb mal Signurin, se s’arrabbia e te dà retta e te porta via daver io cum facc, armang da sola e me lasci t’i pensier”. Rispondeva allora lia: “Sta tranquilla cara mia, ma la sò el Signurin c’ha tant cose da pensè ch’en c’ha ’1 temp d’badè sa me”.
di Alessandro Sanchini XIII Concorso 2013 Agenda 2014
Per Natal bufava spess, chiudeven le Scol, non com adess.
Scapavi fora sa 'i maiòn, i guant de lana, e a l'uncinett el brett de marna.
Givi t'la slitta, c'era '1 botacc, e per qualcun anca '1 bugatt.
E pò scrivevi la Leterina, t'la carta bona, sa 'i Angiolìn, sa le promess, sa i pensierìn.
Tun tutt le cas c'era ’n gran cald, coceva el ciocch, le cresc sa'l lard.
Sopra la mattra c'era i caplett, sotta i lensòl el pret tel lett.
E l'alberell sa i mandarìn, sa du' ficch secch, sa i turuncin.
E pò el Presepi, ch'era el più bell, c'era Gesù sa 'i pastorell.
In tel letìn dormivi nient, en d'vevi l'ora d'alsat per temp.
E la matina a scartocé chel pacch gross ch'era per te.
Sa 'n trenin, la gioia tel cor, te sentivi com un splendor.
Bastava nient per fatt content, perché è l'amor che sent la gent.
Perché Natal, en è le luc, magazìn, o i panetòn, è quel che senti d'emosiòn.
Perché qualcun è nat per te, tra la miseria, el Re dei Re.
Ma 'sta Festa organizata, tra i regal e la magnata, tutta s'ta storia s' l'è scordata.
di Maria Teresa Spaccazocchi Peglio XIII Concorso 2013 Agenda 2014
s'en nascosti i piedi mia, sensa tacchi, tutt bughet, b'sogna propi butal via !!!
N'ho compret un péra nov quant l'ho mess me so sentita com se fossa n'altra donna la mi storia era svanita!!!
I mi piedi, come nudi en volevn archiapè via, era com si aves traditi, arvolevn le scarp sua.
Ho penset tra me e me: stet tranquilli piedi mia, fin machè c'è so ariveta, i'... la vita arvoi la mia, port le scarp dal calsolè i fo dè n'altra arsoleta le mi orm voj archiapè, fin ch'la sola en sarà fnita !!!
di Maria Teresa Spaccazocchi Peglio XIII Concorso 2013 Agenda 2014
A seda t'ia'jola del camin, un ciocc dietra la schina, i piedi tel scaldin, t'arveg com s'fossa un sogn la gonna incenerita, t'la bregia dò castagn, el sinalon t'la vita.
Cantevi l'operetta sonand el mandulin, la scena era perfetta pri sogni d'un munlin.
Arvegg malla mi nonna, t' l'aiola del camin, dal temp un po' sbiadita ch'me dic:"te so' vicin"
di Giovanni Volponi XIII Concorso 2013 Agenda 2014
Da pied ai foss d’bracon, t’i boschi dla cesana, de sopra la stasion o prima de gadana, de sotta a Santa Chiara de dietra San Giovann daver en i fa ‘n baff la giungla sa le lian. A la fortessa el rasen, tle mura è tutt ‘grappat al centre sta t’i vas, al mont è ben curat. Dla cina, dal brasil Dal nord e dall’orient All’ort botannic vien Da tutt i continent. È pegg d’un pugn t’un occh’ Tle mura restaurat: hann da crollé de nov per vedle ben rasat ? Tle case - cle piò vecch’- te basta guardé ‘n so: de solit i scuron i fann sa chel color. In piassa a forma d’ croc un tris te dà ‘l salut: sa c’fann tre farmacie vicin un tir de sput ? Urbin da ferragost è in bella compagnia: San Pol tutt ner e bianch de ross Santa Lucia insiem a tutt el mont valbona clest, mo scur. Al Dom bianch e maron le stoff tacat mai mur. E po arriva’l so turn: San Bartol sal torion, Lavagin, Sant’Andrea èn tutti de chel ton. Conclud la tiritera dicend ch’anch’i partit han preso ste color com fossa ‘n distintiv. Difatt a Fermignan oltre ch’ai lat del vial svolassa dal palass dla giunta comunal.
di Giovanni Volponi XIII Concorso 2013 Agenda 2014
Un baghin de messa età tutt cuntent com un pascià ved el mul argì tla stalla dop un giorn de sacch in spalla. Sa na gran ostentasion bel paffut e fanfaron fa mal mul, tutt ciancicat: «Ma tu padre en t’ha avvisat che ‘l padron t’avria sfruttat, de gran pesi caricat, e po', quand en serviré che t’avria lasciat malé tun cla stalla pussolent sensa cure manc per gnent ?» «Car baghin, - j’arspond el ciuch - el mi ba' era vecch bacucc e quand stava per murì fa: “Fiol mia, stamm a sentì: nó sèm bestie fortunate anch s’murim dimenticate: i baghin, poretti lor, se divertne tutte l’or saltne, sguassne tra la troscia, ma ‘l padron quand’è pasciutt se sa c’fa sa la su coscia ? Du salam e ‘n bel prosciutt.” Car baghin, - conclud el mul - fors avret anca el gran cul de ‘n fé gnent apart magné mo quand io smett de lavré torn tla stalla pussolent fier de stè sa i mi parent com se fossa ‘na pension. A vó invec la promosion: vist ch’avet godut fin tropp m'ai prosciutt che fann sa vó i darann el marchio DOP. Car baghin, fa do piò do: è mej na vita de lavor sensa gloria e grandi onor o gì a fnì tramezz l’allor in un piatt da intenditor ?»
di Franco Zanchi XIII Concorso 2013 Agenda 2014
Lia en el sa... pro io vria parlé dla mi ma'...
La mi ma' è 'na poetessa anca se 'n c'aveva manca le scarp de pessa !
En el dovria di' mo scriv dle poesie ch' en bell da murì !
Ma tel fratemp ha pers l'abitudin de gì alla messa ! Dai che te dai, la scpolla dventa l'aj un bel giorne me so arabiat de brutt !
Cara la mi mamina, i ho dett se ‘n arvè alla messa dmatina i m’astuff e te magn sa i pagn e tutt !
E lia me fa: Tu si el mi Franc tu si el mi vant mo me sa che se dventat anca tropp ignorant !
Mo pian pian l’ha capitta E alla messa è argitta.
Adess so tutt content e facc el brav m’ha scritt na poesia anca per Natal !
Tra noi non ci sono segreti la ma'… Ines Quieti…
|
