|
IV°
Concorso 2001 |
Tutti gli autori dialettali |
|
NINO CESARONI:
ALFREDO ZAMPOLINI:
Parole
nostre N.B. Presso alcuni giornalai di Urbino è in vendita l'opuscolo "Parole Nostre" stampato a cura dell'Autore: 62 pp. in formato A4 con circa 500 voci.
|
EL
CORAGG DLA PAURA Primo premio per la Prosa - IV° Concorso 2001
'Na volta du' ragasett hann decis da gì a coja c'le palin dolc, bone da magnè, t'na pianta vicin al mur del Cimiter. Arivati t'el post, monten só t'un ste pianton e cmincen a coja e, dó en c'arivaven sa le man, scrulaven i ram per falle cadè per terra. Dop en scesi gió e sicom n'era cadut parecchie de là dal murell, èn saltati dentra el cimiter per arcoia anca quelle. Apena fnit se metten a seda per terra dentra el Cimiter e dividne le palin arcolt malé, e dicevne: «Una a te e una a me ! Una a te e una a me ! Una a te e una a me !» Un mezz sciaparell ch'pasava malé vicin, fora del mur, sentend a fè sta division ha subit pensat ma'l Padreterne e el Diavol che spartivne le anim e prés dal spavent se mett a fuggia de gran vulata. Per la strada incontra ma 'n amich ch 'i dmanda perchè fugiva. Quest tutt spaventat 'i rispond: «Ah! Va a sentì malà ! Dentra el mur del Cimiter c'è 'l Diavol e 'l Padreterne che spartischen le anim !». «Mo va là, sciaparell, ‑ i rispond cl'atre ‑ sarà poch posibil che Crist s'mett d'acord sa'l Diavol per spartì le anim ?!». «Sé, sé. Dicevne: una a te e una a me ! una a te e una a me !». «Mo va là, chisà sa ch'è sentit ? E pó se 'n gran fifon, podevi stè a sentì com giva a fnì ? Dai vien sa me che i' en ho paura !». Arvan tutti due vicin a chel mur e senten sempre a dì: «Una a te e una a me ! Una a te e una a me !» A ste punt anca chel pió coragios cmincia avè un pó de fiffa. Fnit da contè malé, un d' lór dic : «Adess gim a coja c'le due de fora !» Al sentì dacsé quei d' là tacchen a fuggia com du' saett e quel ch'diceva da essa pió coragios dalla paura coreva pió fort de cl' atre; pareva propi ch' aveven datt "du' sold ma Gambin" .
di Nino Cesaroni Presentata al IV° CONCORSO 2001
La gent d'un paés era tutta impauritta perchè t'el bosch vicin c'era 'n ors ch'la terrorizava e tutti aveven paura da scapè da casa. Un giorne èn capitat t'la locanda du' giovin cacciator che, avend saput dl'ors, hann dett ma l'ost : «En ve preoccupat ch'ce pensam nó a fa la festa ma st'ors e sa la su' pell pagarém el vostre cont !». E in tant magnavne e bevevne a stuff. La matina dop s'en fatti insegnè el post, en gitti decisi t'el bosch, hann girat da per tutt mo l'ors en l'hann vist. Dacsé en gitti avanti per du' tre giorne magnand e bevend a scrocch, perchè tant en c'avevne manch un sold tle sacocc mo avrìen pagat sa la pell dl'ors. Un giorne, mentre giraven per el bosch, ecca ch' i scappa fori d'improvis st'ors ner, gross, alt ch'pareva 'na cerqua, ritt tle gamb de dietra e infuriat. Un de sti du' cacciator ha prés el fucil e ha sparat, mo sicom tremava dalla paura, acsé el colp è gitt a vot; alora s' è mess a fuggia e ha fatt a temp a rampicass t'na pianta nascondendse tra i ram. Cl'atre ha fatt foch lustess mo el fucil 'i ha fatt cilecca e non avend avut el temp da fuggia per montè t'na pianta, perchè l'ors 'i era ormai adoss, ha pensat da butass stés per terra facend finta da essa mort, perchè aveva sentit a dì che i ors ma i mort en i tocchen. Infatti l'ors ha fatt un gir intorne a quest, s' è avicinat sa'l mus t'n urecchia e pó è gitt via per el bosch. Cl'atre ch'aveva vist tutta la scena e dop ch' s'è asicurat cl'ors era sparitt, è scés dalla pianta per gì a dmandè ma cl'atre: «'Sa t'ha fatt cl'ors t'l'urecchia ?» quel 'i ha rispost: «M' ha dett che la su' pell en s'pò venda prima de avella presa !». Questa è la morale della favola e anche un vecchio proverbio.
Nino Cesaroni Presentata al IV° CONCORSO 2001
Dio ha creat el Mond, ste glob mezz rotond, el sol, la luna le stelle cose meravigliós e belle; pó ha creat pian pian tutt el gener uman perchè vivessa giocond dentra ste mappamond. Mo ogg ch'en è pió acsé te vien da dmandè :
Perchè le guerr e la pestilensa? Perchè le lott per la sopravivensa? Perchè i terremot, le alluvion? Perchè chi malacc sensa guarigion? Perchè la droga, l'Aids, i tumor? Perchè s'amassen tra fiol e genitor? Perchè i pedofili assasin, Perchè gambien sess tante person? Perchè tanta strada insanguinata? Perchè tanta gent morta amasata? Perchè, per gioch, s'amassen sa'l motorin, mentre nó ce divertivam sa le palin? Perchè en c'en pió le quattre stagion e tra d'lór c'è 'na gran confusion? Perchè è tutt un inquinament? Perchè en s' pol magnè pió gnent? Perchè la "vacca matta" e atre epidemì? Adess en voi dì atre e maché lasc gì.
El perchè de sti perchè ormai se sà, è tutta colpa de st'umanità, ch' ha ardott ste mond strampalat guast, depress, corrott e ammalat; perchè è l'om che crea, inventa, idea, progetta e scopre pian pian mo se autodistrugg sa le su' man.
per torturè ma chi por fiulìn? Perchè se sposen tra om e om?
|